ਪੁਲਿਸ ਨੇ ਪੰਜਾਬ ਦੇ ਰੂਪਨਗਰ ਜ਼ਿਲ੍ਹੇ ਤੋਂ ਗ੍ਰਿਫ਼ਤਾਰ ਕੀਤੇ ਗਏ ਯੂਟਿਊਬਰ ਜਸਬੀਰ ਸਿੰਘ ਵਿਰੁੱਧ ਜਾਸੂਸੀ ਦੇ ਗੰਭੀਰ ਦੋਸ਼ਾਂ ‘ਚ ਅਦਾਲਤ ‘ਚ 1700 ਪੰਨਿਆਂ ਦੀ ਚਾਰਜਸ਼ੀਟ ਪੇਸ਼ ਕੀਤੀ ਹੈ। ਚਾਰਜਸ਼ੀਟ’ਚ ਕੀਤੇ ਗਏ ਖੁਲਾਸਿਆਂ ਅਨੁਸਾਰ, ਜਸਬੀਰ ਸਿੰਘ ‘ਤੇ ਪਾਕਿਸਤਾਨ ਨਾਲ ਖੁਫੀਆ ਜਾਣਕਾਰੀ ਸਾਂਝੀ ਕਰਨ ਦਾ ਦੋਸ਼ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਉਸ ਨੇ ਭਾਖੜਾ ਨੰਗਲ ਡੈਮ, ਇੱਕ ਮਹੱਤਵਪੂਰਨ ਲੜਾਕੂ ਏਅਰਬੇਸ ਤੇ ਇੱਕ ਵੱਡੇ ਫੌਜੀ ਅੱਡੇ ਦੀਆਂ ਤਸਵੀਰਾਂ ਤੇ ਸੰਵੇਦਨਸ਼ੀਲ ਜਾਣਕਾਰੀ ਪਾਕਿਸਤਾਨ ਨੂੰ ਭੇਜੀ ਸੀ। ਪੁਲਿਸ ਜਾਂਚ ‘ਚ ਸਾਹਮਣੇ ਆਏ ਇਨ੍ਹਾਂ ਤੱਥਾਂ ਨੇ ਸੁਰੱਖਿਆ ਏਜੰਸੀਆਂ ਨੂੰ ਵੀ ਸੁਚੇਤ ਕਰ ਦਿੱਤਾ ਹੈ।
ਜਾਂਚ ‘ਚ ਖੁਲਾਸਾ ਹੋਇਆ ਹੈ ਕਿ ਜਸਬੀਰ ਸਿੰਘ ਦੇ ਪਾਕਿਸਤਾਨ ‘ਚ ਲਗਭਗ 120 ਲੋਕਾਂ ਨਾਲ ਸੰਪਰਕ ਸਨ, ਜਿਨ੍ਹਾਂ ‘ਚ ਕਈ ਆਈਐਸਆਈ ਅਧਿਕਾਰੀ ਵੀ ਸ਼ਾਮਲ ਸਨ। ਉਹ ਲਗਾਤਾਰ ਪਾਕਿਸਤਾਨ ਦੇ ਆਈਐਸਆਈ ਏਜੰਟ ਸ਼ਾਕਿਰ ਦੇ ਸੰਪਰਕ ‘ਚ ਸੀ, ਜਿਸ ਦਾ ਨੰਬਰ ਉਸ ਨੇ ਜੱਟ ਰੰਧਾਵਾ ਦੇ ਨਾਮ ਨਾਲ ਆਪਣੇ ਫੋਨ ‘ਚ ਸੇਵ ਕੀਤਾ ਸੀ। ਪਾਕਿਸਤਾਨ ਦੀ ਆਪਣੀ ਫੇਰੀ ਦੌਰਾਨ, ਉਹ ਉੱਥੇ ਕਈ ਹੋਟਲਾਂ ‘ਚ ਆਈਐਸਆਈ ਅਧਿਕਾਰੀਆਂ ਨੂੰ ਮਿਲਿਆ। ਜਾਂਚ ‘ਚ ਇਹ ਵੀ ਖੁਲਾਸਾ ਹੋਇਆ ਹੈ ਕਿ ਜਸਬੀਰ ਸਿੰਘ ਕੋਲ ਦੋ ਪਾਸਪੋਰਟ ਸਨ। ਜਸਬੀਰ ਸਿੰਘ ਹੁਣ ਤੱਕ ਤਿੰਨ ਵਾਰ ਪਾਕਿਸਤਾਨ ਜਾ ਚੁੱਕਾ ਹੈ।
ਯੂਟਿਊਬਰ ਜਸਬੀਰ ਸਿੰਘ ਪਾਕਿਸਤਾਨੀ ਯੂਟਿਊਬਰ ਨਾਸਿਰ ਢਿੱਲੋਂ ਰਾਹੀਂ ਦਾਨਿਸ਼ ਨਾਮ ਦੇ ਇੱਕ ਅਧਿਕਾਰੀ ਨੂੰ ਮਿਲਿਆ। ਦਾਨਿਸ਼ ਪਾਕਿਸਤਾਨੀ ਦੂਤਾਵਾਸ ਨਾਲ ਜੁੜਿਆ ਹੋਇਆ ਸੀ। ਜਸਬੀਰ ਸਿੰਘ ਤੇ ਦਾਨਿਸ਼ ਕਈ ਵਾਰ ਮਿਲ ਚੁੱਕੇ ਹਨ। ਜਸਬੀਰ ਯੂਟਿਊਬਰ ਜੋਤੀ ਮਲਹੋਤਰਾ ਨਾਲ ਪਾਕਿਸਤਾਨ ਦੂਤਾਵਾਸ ਵੀ ਗਿਆ ਸੀ, ਜਿਸ ਨੂੰ ਪਹਿਲਾਂ ਹੀ ਜਾਸੂਸੀ ਦੇ ਦੋਸ਼ ‘ਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਸ ਨੇ ਦੂਤਾਵਾਸ ‘ਚ ਪਾਕਿਸਤਾਨੀ ਫੌਜ ਦੇ ਅਧਿਕਾਰੀਆਂ ਨਾਲ ਵੀ ਮੁਲਾਕਾਤ ਕੀਤੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
