ISRO ਦਾ ਇੱਕ ਹੋਰ ਕਮਾਲ, ਇਕੱਠੇ 31 ਸੈਟੇਲਾਈਟ ਲਾਂਚ
ਚੇਨਈ : ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਹਰੀਕੋਟਾ ਸਥਿਤ ਸਤੀਸ਼ ਧਵਨ ਸਪੇਸ ਸੈਂਟਰ ਤੋਂ ਇੰਡੀਅਨ ਸਪੇਸ ਰਿਸਰਚ ਅਰਗਨਾਈਜ਼ੇਸ਼ਨ (ISRO) ਆਪਣੇ ਪੋਲਰ ਸੈਟੇਲਾਈਟ ਲਾਂਚ ਵਹੀਕਲ (ਪੀਐਸੈੱਲਵੀ) ਸੀ43 ਤੋਂ ਧਰਤੀ ਦੀ ਨਿਗਰਾਨੀ ਕਰਨ ਵਾਲੇ ਭਾਰਤੀ ਹਾਈਪਰ ਸਪੈਕਟ੍ਰਲ ਇਮੇਜਿੰਗ ਸੈਟੇਲਾਈਟ (ਐਚ ਵਾਈਐੱਸਆਈਐੱਸ) ਤੇ 8 ਦੇਸ਼ਾਂ ਦੇ 31 ਹੋਰ ਸੈਟੇਲਾਈਟ ਨੂੰ ਛੱਡ ਦਿੱਤਾ ਗਿਆ ਹੈ। ਜਿਨ੍ਹਾਂ ਵਿਚੋਂ 23 ਉਪਗ੍ਰਹਿ ਅਮਰੀਕਾ ਦੇ ਹਨ। ਇਨ੍ਹਾਂ ਦੇ ਲਾਂਚ ਲਈ ਬੁੱਧਵਾਰ ਸਵੇਰੇ ਸ਼੍ਰੀਹਰੀਕੋਟਾ ਦੇ ਸਤੀਸ਼ ਧਵਨ ਪੁਲਾੜ ਸੈਂਟਰ ਤੋਂ ਕੰਮ ਚੱਲ ਰਿਹਾ ਸੀ। ਇਹ ਪੀ. ਐੱਸ. ਐੱਲ. ਵੀ ਦੀ 45ਵੀਂ ਉਡਾਣ ਹੋਵੇਗੀ।
Update #13#ISROMissions#PSLVC43
Finally home! #PSLVC43 successfully launches #HysIS and 30 foreign satellites into their designated orbits.@PMOIndia
— ISRO (@isro) November 29, 2018
ਇਸਰੋ ਨੇ ਇਕ ਬਿਆਨ ਜਾਰੀ ਕਰ ਕੇ ਕਿਹਾ ਕਿ ਸਤੀਸ਼ ਧਵਨ ਪੁਲਾੜ ਕੇਂਦਰ ਵਿਚ ਪੀ. ਐੱਸ. ਐੱਲ. ਵੀ.ਸੀ-43 ਦੀ ਉਡਾਣ ਲਈ ਉਲਟੀ ਗਿਣਤੀ 28 ਘੰਟੇ ਪਹਿਲਾਂ ਬੁੱਧਵਾਰ ਨੂੰ ਸਵੇਰੇ 5.58 ਵਜੇ ਸ਼ੁਰੂ ਹੋ ਗਈ ਸੀ। ਏਜੰਸੀ ਮੁਤਾਬਕ ਇਮੇਜਿੰਗ ਸੈਟਲਾਈਟ ਧਰਤੀ ਦੀ ਨਿਗਰਾਨੀ ਲਈ ਇਸਰੋ ਵਲੋਂ ਵਿਕਸਿਤ ਕੀਤਾ ਗਿਆ ਹੈ। ਇਹ ਪੀ. ਐੱਸ. ਐੱਲ. ਵੀ. ਸੀ-43 ਮਿਸ਼ਨ ਦਾ ਪਹਿਲਾ ਉਪਗ੍ਰਹਿ ਹੈ।
Read Also ਮੰਗਲ ‘ਤੇ ਪਹੁੰਚਿਆ ਨਾਸਾ ਦਾ ਇਨਸਾਈਟ ਲੈਂਡਰ, ਕੀ ਹੁਣ ਖੁੱਲਣਗੇ ਅਰਬਾਂ ਸਾਲ ਪੁਰਾਣੇ ਰਾਜ ?
ਹਾਈਪਰ ਸਪੈਕਟ੍ਰਲ ਇਮੇਜਿੰਗ ਸੈਟਲਾਈਟ ਦਾ ਪਹਿਲਾ ਟੀਚਾ ਧਰਤੀ ਦੀ ਸਤ੍ਹਾ ਦਾ ਅਧਿਐਨ ਕਰਨਾ ਹੈ। ਇਸਰੋ ਨੇ ਕਿਹਾ ਕਿ ਹਾਈਪਰ ਸਪੈਕਟ੍ਰਲ ਇਮੇਜਿੰਗ ਸੈਟਲਾਈਟ ਨਾਲ 30 ਵਿਦੇਸ਼ ਉਪਗ੍ਰਹਿ ਵੀ ਪੁਲਾੜ ਵਿਚ ਭੇਜੇ ਜਾਣਗੇ, ਜਿਸ ਵਿਚ 1 ਮਾਈਕ੍ਰੋ ਅਤੇ 29 ਨੈਨੋ ਸੈਟਲਾਈਟ ਹੋਣਗੇ। ਜਿਨ੍ਹਾਂ ਦੇਸ਼ਾਂ ਦੇ ਉਪਗ੍ਰਹਿ ਭੇਜੇ ਜਾਣਗੇ, ਉਨ੍ਹਾਂ ‘ਚ ਅਮਰੀਕਾ ਦੇ (23) ਸੈਟਲਾਈਟ ਅਤੇ ਆਸਟ੍ਰੇਲੀਆ, ਕੈਨੇਡਾ, ਕੋਲੰਬੀਆ, ਫਿਨਲੈਂਡ, ਮਲੇਸ਼ੀਆ, ਨੀਦਰਲੈਂਡ ਅਤੇ ਸਪੇਨ (ਹਰੇਕ ਦਾ ਇਕ-ਇਕ ਉਪਗ੍ਰਹਿ) ਸ਼ਾਮਲ ਹੈ। ਦੱਸ ਦੇਈਏ ਕਿ ਇਸ ਮਹੀਨੇ ਇਹ ਦੂਜਾ ਲਾਂਚ ਹੈ। ਇਸ ਤੋਂ ਪਹਿਲਾਂ 14 ਨਵੰਬਰ ਨੂੰ ਏਜੰਸੀ ਨੇ ਆਪਣਾ ਸੰਚਾਰ ਸੈਟੇਲਾਈਟ ਜੀਸੈਟ-29 ਛੱਡਿਆ ਸੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
