ਭਾਰਤੀ ਹਵਾਈ ਰੈਗੂਲੇਟਰੀ ਸੰਸਥਾ ਡੀਜੀਸੀਏ ਨੇ ਬਰਮਿੰਘਮ ’ਚ ਏਅਰ ਇੰਡੀਆ ਦੇ ਜਹਾਜ਼ 787 ਡ੍ਰੀਮਲਾਈਨਰ ਦੀ ਲੰਡਨ ’ਚ ਐਮਰਜੈਂਸੀ ਲੈਂਡਿੰਗ ਨਾਲ ਸਬੰਧਤ ਰਿਪੋਰਟ ਤਲਬ ਕੀਤੀ ਹੈ। ਕੇਂਦਰੀ ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਕੇ ਰਾਮਮੋਹਨ ਨਾਇਡੂ ਨੇ ਇਸ ਦੀ ਪੁਸ਼ਟੀ ਕੀਤੀ ਤੇ ਕਿਹਾ ਕਿ ਅਸੀਂ ਇਸ ਦੀ ਜਾਂਚ ਕਰ ਰਹੇ ਹਾਂ।ਏਅਰ ਇੰਡੀਆ ਦੀ ਫਲਾਈਟ ਨੰਬਰ ਏਆਈ 117 ਪਿਛਲੇ ਸ਼ਨਿਚਰਵਾਰ ਨੂੰ ਅੰਮਿ੍ਰਤਸਰ ਤੋਂ ਬਰਮਿੰਘਮ ਦੀ ਉਡਾਣ ’ਤੇ ਸੀ ਤੇ ਮੰਜ਼ਿਲ ’ਤੇ ਉਤਰਣ ਦੀ ਪ੍ਰਕਿਰਿਆ ’ਚ ਸੀ, ਤਦ ਉਸ ਦੇ ਦੋਵੇਂ ਇੰਜਣ ਬੰਦ ਹੋ ਗਏ। ਭਾਰਤੀ ਪਾਇਲਟ ਸੰਘ ਦੇ ਮੁਤਾਬਕ ਉਸ ਸਮੇਂ ਜਹਾਜ਼ 500 ਫੁੱਟ ਦੀ ਉਚਾਈ ’ਤੇ ਸੀ। ਇਸ ਕਾਰਨ ਜਹਾਜ਼ ਦਾ ਐਮਰਜੈਂਸੀ ਐਨਰਜੀ ਸਿਸਟਮ, ਜਿਸ ਨੂੰ ਰੈਮ ਏਅਰ ਟਰਬਾਈਨ (ਰੈਟ) ਕਿਹਾ ਜਾਂਦਾ ਹੈ, ਸਰਗਰਮ ਹੋ ਗਿਆ ਤੇ ਜਹਾਜ਼ ਨੂੰ ਸੁਰੱਖਿਅਤ ਉਤਾਰਿਆ ਜਾ ਸਕਿਆ। ਆਮ ਤੌਰ ’ਤੇ, ਰੈਟ ਉਸ ਸਥਿਤੀ ’ਚ ਖ਼ੁਦ ਸਰਗਰਮ ਹੋ ਜਾਂਦਾ ਹੈ ਜੇਕਰ ਜਹਾਜ਼ ਦੇ ਦੋਵੇਂ ਇੰਜਣ ਫੈਲ੍ਹ ਹੋ ਜਾਣ ਜਾਂ ਇਲੈਕਟ੍ਰੀਕਲ, ਇਲੈਕਟ੍ਰਾਨਿਕ ਜਾਂ ਹਾਈਡ੍ਰੋਲਿਕ ਸਿਸਟਮ ਕੰਮ ਕਰਨਾ ਬੰਦ ਕਰ ਦੇਵੇ।ਮੁੱਢਲੀ ਜਾਂਚ ’ਚ ਜਹਾਜ਼ ਦੇ ਸਾਰੇ ਇਲੈਕਟ੍ਰੀਕਲ ਤੇ ਹਾਈਡ੍ਰੋਲਿਕ ਸਿਸਟਮ ਸਹੀ ਪਾਏ ਗਏ। ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਨੇ ਕਿਹਾ ਕਿ ਡੀਜੀਸੀਏ ਇਸ ਮਾਮਲੇ ਦੀ ਜਾਂਚ ਕਰੇਗਾ, ਜਿਸ ਕਾਰਨ ਰੈਮ ਏਅਰ ਟਰਬਾਈਨ (ਆਰਏਟੀ) ਸਰਗਰਮ ਹੋਇਆ। ਰਿਪੋਰਟ ਦੇ ਅਧਿਐਨ ਮਗਰੋਂ ਅਸੀਂ ਸਬੰਧਤ ਹਿੱਤਧਾਰਕਾਂ ਨਾਲ ਗੱਲ ਕਰਾਂਗੇ ਤਾਂ ਜੋ ਭਵਿੱਖ ’ਚ ਅਜਿਹੀ ਘਟਨਾ ਨਾ ਵਾਪਰੇ•। ਪਾਇਲਟ ਯੂਨੀਅਨ ਨੇ ਡੀਜੀਸੀਏ ਤੋਂ ਮੰਗ ਕੀਤੀ ਹੈ ਕਿ ਦੇਸ਼ ’ਚ ਚੱਲ ਰਹੇ ਦਰਜਨਾਂ ਡ੍ਰੀਮਲਾਈਨਰ ਜਹਾਜ਼ਾਂ ਦੀ ਜਾਂਚ ਕਰਾਈ ਜਾਏ ਤੇ ਇਨ੍ਹਾਂ ਦੇ ਇਲੈਕਟ੍ਰੀਕਲ ਸਿਸਟਮ ਨੂੰ ਪਰਖਿਆ ਜਾਏ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
