wide ਅਤੇ no balls ‘ਤੇ ਕਪਤਾਨਾਂ ਨੂੰ ਰੀਵਿਊ ਮੰਗਣਾ ਚਾਹੀਦਾ ਹੈ : ਕੋਹਲੀ

ਦੁਬਈ : ਭਾਰਤੀ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਕਪਤਾਨਾਂ ਨੂੰ ਟੀ-20 ਕ੍ਰਿਕੇਟ ‘ਚ ਵਾਇਡ ਬਾਲ ਅਤੇ ਕਮਰ ਤੱਕ ਦੀ ਨੋ ਬਾਲ ਨੂੰ ਲੈ ਕੇ ਦਿੱਤੇ ਗਏ ਮੈਦਾਨੀ ਅੰਪਾਇਰਾਂ ਦੇ ਫੈਸਲਿਆਂ ‘ਤੇ ਰੀਵਿਊ ਲੈਣ ਦੀ ਵਕਾਲਤ ਕੀਤੀ ਹੈ। ਕੋਹਲੀ ਨੇ ਬੁੱਧਵਾਰ ਨੂੰ ਲੋਕੇਸ਼ ਰਾਹੁਲ ਦੇ ਨਾਲ ਇੰਸਟਾਗ੍ਰਾਮ ‘ਤੇ ਗੱਲਬਾਤ ‘ਚ ਕਿਹਾ, ‘‘ਇੱਕ ਕਪਤਾਨ ਦੇ ਤੌਰ ‘ਤੇ ਮੈਂ ਚਾਹੁੰਦਾ ਹਾਂ ਕਿ ਮੈਂ ਵਾਇਡ ਬਾਲ ਅਤੇ ਕਮਰ ਤੋਂ ‘ਤੇ ਦੀ ਨੋ ਬਾਲ ਦੇ ਗਲਤ ਫੈਸਲਿਆਂ ‘ਤੇ ਰੀਵਿਊ ਲੈ ਸਕਾਂ।’’ ਉਨ੍ਹਾਂ ਨੇ ਕਿਹਾ, ‘‘ਅਸੀਂ ਅਤੀਤ ‘ਚ ਦੇਖਿਆ ਹੈ ਕਿ ਇਹ ਛੋਟੇ ਫੈਸਲੇ ਟੀ – 20 ਮੈਚ ਅਤੇ ਆਈਪੀਐਲ ਜਿਹੇ ਟੂਰਨਾਮੈਂਟ ‘ਤੇ ਕਿੰਨਾ ਵੱਡਾ ਪ੍ਰਭਾਵ ਪਾਉਂਦੇ ਹਨ।’’

ਫਤਿਹਗੜ੍ਹ ਪਹੁੰਚੇ ਜਥੇਦਾਰ ਦਾ ਵੱਡਾ ਬਿਆਨ,ਬੇਅਦਬੀਆਂ ਦਾ ਦੱਸਿਆ ਸਾਰਾ ਸੱਚ?

ਕੋਹਲੀ ਦਾ ਬਿਆਨ ਹਾਲ ਹੀ ‘ਚ ਆਈਪੀਐਲ ‘ਚ ਸਨਰਾਇਜਰਸ ਹੈਦਰਾਬਾਦ ਅਤੇ ਚੇਂਨਈ ਸੁਪਰ ਕਿੰਗਸ ਦੇ ਵਿੱਚ ਇੱਕ ਵਿਵਾਦ ਤੋਂ ਬਾਅਦ ਆਇਆ ਹੈ। ਜਿਸ ‘ਚ ਮੈਦਾਨੀ ਅੰਪਾਇਰ ਪਾਲ ਰਾਇਫਲ ਵਾਇਡ ਬਾਲ ਦਾ ਫੈਸਲਾ ਦੇਣ ਵਾਲੇ ਸਨ ਪਰ ਮਹਿੰਦਰ ਸਿੰਘ ਧੋਨੀ ਦੀ ਪ੍ਰਤੀਕਿਰਆ ਤੋਂ ਬਾਅਦ ਉਨ੍ਹਾਂ ਨੇ ਫੈਸਲਾ ਬਦਲ ਲਿਆ। ਚੇਂਨਈ ਅਤੇ ਹੈਦਰਾਬਾਦ ‘ਚ ਮੰਗਲਵਾਰ ਨੂੰ ਖੇਡੇ ਗਏ ਮੈਚ ‘ਚ ਹੈਦਰਾਬਾਦ ਦੀ ਪਾਰੀ ਦੇ 19ਵੇਂ ਓਵਰ ‘ਚ ਸ਼ਾਰਦੂਲ ਠਾਕੁਰ ਦੀ ਗੇਂਦ ‘ਤੇ ਪਾਲ ਨੇ ਵਾਇਡ ਬਾਲ ਦਾ ਫੈਸਲਾ ਲੈਣ ਲਈ ਆਪਣੇ ਹੱਥ ਖੋਲ ਲਏ ਸਨ ਪਰ ਠਾਕੁਰ ਅਤੇ ਧੋਨੀ ਦੀ ਪ੍ਰਤੀਕਿਰਆ ਤੋਂ ਬਾਅਦ ਉਨ੍ਹਾਂ ਨੇ ਆਪਣਾ ਫੈਸਲਾ ਬਦਲ ਲਿਆ ਸੀ।