ਸਿੰਗਾਪੁਰ ਏਅਰਲਾਈਨਜ਼ ‘ਚ ਏਅਰ ਹੋਸਟੈੱਸ ਨਾਲ ਛੇੜਛਾੜ, ਭਾਰਤੀ ਯਾਤਰੀ ਗ੍ਰਿਫ਼ਤਾਰ; ਤਿੰਨ ਸਾਲ ਦੀ ਹੋ ਸਕਦੀ ਹੈ ਜੇਲ੍ਹ

ਪੁਲਿਸ ਅਨੁਸਾਰ, ਆਕਾਸ਼ ਤਿਵਾਰੀ ‘ਤੇ ਅਪਰਾਧਿਕ ਬਲ ਦੀ ਵਰਤੋਂ ਕਰਕੇ ਮਹਿਲਾ ਦੀ ਮਰਿਆਦਾ ਨੂੰ ਠੇਸ ਪਹੁੰਚਾਉਣ ਦਾ ਦੋਸ਼ ਹੈ। ਉਸ ਨੇ ਮਹਿਲਾ ਅਟੈਂਡੈਂਟ ਦੇ ਨਿੱਜੀ ਅੰਗਾਂ ਦੇ ਨੇੜੇ ਛੂਹਿਆ। ਇਹ ਸਭ ਉਦੋਂ ਹੋਇਆ ਜਦੋਂ ਮਹਿਲਾ ਆਪਣੀ ਡਿਊਟੀ ਦੌਰਾਨ ਉਸ ਦੀ ਸੀਟ ਦੇ ਕੋਲ ਸੇਵਾ ਦੇ ਰਹੀ ਸੀ।ਮਹਿਲਾ ਨੇ ਤੁਰੰਤ ਉਸ ਨੂੰ ਰੁਕਣ ਲਈ ਕਿਹਾ ਅਤੇ ਗੈਲੇ  ਵਿੱਚ ਜਾ ਕੇ ਲੈਂਡਿੰਗ ਦੀ ਤਿਆਰੀ ਕਰਨ ਲੱਗੀ। ਪਰ ਆਕਾਸ਼ ਤਿਵਾਰੀ ਨੇ ਉਸ ਦਾ ਪਿੱਛਾ ਕੀਤਾ। ਉਹ ਗੈਲੇ ਵਿੱਚ ਪਹੁੰਚ ਗਿਆ, ਜਿੱਥੇ ਉਸ ਨੇ ਮਹਿਲਾ ਨੂੰ ਕੋਨੇ ਵਿੱਚ ਧੱਕ ਦਿੱਤਾ ਅਤੇ ਲਗਾਤਾਰ ਪਰੇਸ਼ਾਨ ਕਰਦਾ ਰਿਹਾ। ਇਸ ਨਾਲ ਮਹਿਲਾ ਕਾਫ਼ੀ ਡਰ ਗਈ ਅਤੇ ਤਣਾਅ ਵਿੱਚ ਆ ਗਈ।ਮਹਿਲਾ ਨੇ ਉੱਚੀ-ਉੱਚੀ ਚੀਕਿਆ ਅਤੇ ਉੱਥੋਂ ਨਿਕਲ ਗਈ। ਪਰ ਆਕਾਸ਼ ਤਿਵਾਰੀ ਨੇ ਫਿਰ ਤੋਂ ਉਸ ਦਾ ਪਿੱਛਾ ਕੀਤਾ ਅਤੇ ਆਇਲ (Aisle) ਤੱਕ ਆ ਗਿਆ। ਅਖ਼ੀਰ ਵਿੱਚ, ਜਦੋਂ ਮਹਿਲਾ ਨੇ ਆਪਣੇ ਸੁਪਰਵਾਈਜ਼ਰ ਨੂੰ ਇਸ ਦੀ ਰਿਪੋਰਟ ਕੀਤੀ, ਉਦੋਂ ਜਾ ਕੇ ਉਹ ਆਪਣੀ ਸੀਟ ‘ਤੇ ਵਾਪਸ ਪਰਤਿਆ।ਪੁਲਿਸ ਰਿਪੋਰਟ ਦੇ ਅਨੁਸਾਰ, ਆਕਾਸ਼ ਤਿਵਾਰੀ ‘ਤੇ ਧਮਕੀ ਭਰੇ ਵਿਵਹਾਰ ਦਾ ਵੀ ਦੋਸ਼ ਹੈ। ਉਸ ਨੇ ਮਹਿਲਾ ਨੂੰ ਡਰਾਉਣ ਅਤੇ ਪਰੇਸ਼ਾਨ ਕਰਨ ਲਈ ਇਹ ਸਭ ਕੀਤਾ। ਘਟਨਾ ਦੀ ਸੂਚਨਾ ਉਸੇ ਦਿਨ ਪੁਲਿਸ ਨੂੰ ਮਿਲ ਗਈ।ਏਅਰਪੋਰਟ ਪੁਲਿਸ ਡਿਵੀਜ਼ਨ ਦੇ ਅਧਿਕਾਰੀ ਜਾਂਚ ਵਿੱਚ ਜੁੱਟ ਗਏ ਅਤੇ ਜਹਾਜ਼ ਦੇ ਚਾਂਗੀ (Changi) ਏਅਰਪੋਰਟ ਪਹੁੰਚਦੇ ਹੀ ਆਕਾਸ਼ ਤਿਵਾਰੀ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਮਹਿਲਾ ਦੀ ਪਛਾਣ ਗੁਪਤ ਰੱਖਣ ਲਈ ਅਦਾਲਤ ਨੇ ਗੈਗ ਆਰਡਰ ਜਾਰੀ ਕਰ ਦਿੱਤਾ ਹੈ।

ਮੰਗਲਵਾਰ ਨੂੰ ਅਦਾਲਤ ਵਿੱਚ ਆਕਾਸ਼ ਤਿਵਾਰੀ ‘ਤੇ ਰਸਮੀ ਤੌਰ ‘ਤੇ ਦੋਸ਼ ਲਗਾਏ ਗਏ। ਜਦੋਂ ਉਸ ਤੋਂ ਪੁੱਛਿਆ ਗਿਆ ਤਾਂ ਉਸ ਨੇ ਖ਼ੁਦ ਨੂੰ ਬੇਗੁਨਾਹ ਦੱਸਿਆ ਅਤੇ ‘ਨੌਟ ਗਿਲਟੀ’  ਕਿਹਾ। ਹੁਣ ਅਗਲੀ ਸੁਣਵਾਈ ਦੀ ਉਡੀਕ ਹੈ।ਮੋਲੇਸਟੇਸ਼ਨ (ਛੇੜਛਾੜ) ਦੇ ਦੋਸ਼ ਵਿੱਚ ਦੋਸ਼ੀ ਪਾਏ ਜਾਣ ‘ਤੇ ਉਸ ਨੂੰ ਤਿੰਨ ਸਾਲ ਤੱਕ ਦੀ ਜੇਲ੍ਹ, ਜੁਰਮਾਨਾ, ਕੈਨਿੰਗ (ਬੈਂਤ ਮਾਰਨਾ) ਜਾਂ ਇਨ੍ਹਾਂ ਵਿੱਚੋਂ ਕੋਈ ਵੀ ਸਜ਼ਾ ਹੋ ਸਕਦੀ ਹੈ। ਧਮਕੀ ਭਰੇ ਵਿਵਹਾਰ ਅਤੇ ਡਿਸਟ੍ਰੈਸ ਪੈਦਾ ਕਰਨ ਲਈ ਛੇ ਮਹੀਨੇ ਤੱਕ ਜੇਲ੍ਹ ਜਾਂ 5000 ਸਿੰਗਾਪੁਰ ਡਾਲਰ (ਲਗਭਗ 3900 ਅਮਰੀਕੀ ਡਾਲਰ) ਤੱਕ ਜੁਰਮਾਨਾ ਜਾਂ ਦੋਵੇਂ ਸਜ਼ਾਵਾਂ ਹੋ ਸਕਦੀਆਂ ਹਨ।