KGF 2 ਦੇ ਨਿਰਦੇਸ਼ਕ ‘ਤੇ ਟੁੱਟਿਆ ਦੁੱਖਾਂ ਦਾ ਪਹਾੜ, 4 ਸਾਲਾਂ ਪੁੱਤਰ ਦੀ ਲਿਫਟ ਹਾਦਸੇ ‘ਚ ਮੌਤ

 ਮਸ਼ਹੂਰ ਅਤੇ ਬਲਾਕਬਸਟਰ ਫਿਲਮ ‘K.G.F: ਚੈਪਟਰ 2’ ਦੇ ਕੋ-ਡਾਇਰੈਕਟਰ ਕੀਰਤਨ ਨਾਡਗੌੜਾ ਦੇ ਘਰ ਤੋਂ ਮੰਦਭਾਗੀ ਖਬਰ ਸਾਹਮਣੇ ਆ ਰਹੀ ਹੈ। ਦੱਸ ਦੇਈਏ ਕਿ ਉਨ੍ਹਾਂ ਦੇ ਸਾਢੇ ਚਾਰ ਸਾਲ ਦੇ ਮਾਸੂਮ ਪੁੱਤਰ ਸੋਨਾਰਸ਼ ਨਾਡਗੌੜਾ ਦੀ 17 ਦਸੰਬਰ 2025 ਨੂੰ ਇੱਕ ਦਰਦਨਾਕ ਹਾਦਸੇ ਵਿੱਚ ਮੌਤ ਹੋ ਗਈ ਹੈ।ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਦੁਖਦ ਘਟਨਾ ਇੱਕ ਲਿਫਟ ਹਾਦਸੇ ਕਾਰਨ ਵਾਪਰੀ। ਇਹ ਹਾਦਸਾ ਇੰਨਾ ਅਚਾਨਕ ਅਤੇ ਭਿਆਨਕ ਸੀ ਕਿ ਪਰਿਵਾਰ ਨੂੰ ਬੱਚੇ ਨੂੰ ਬਚਾਉਣ ਦਾ ਕੋਈ ਮੌਕਾ ਤੱਕ ਨਹੀਂ ਮਿਲਿਆ। ਕੰਨੜ ਪ੍ਰਭਾ ਦੀ ਇੱਕ ਰਿਪੋਰਟ ਅਨੁਸਾਰ ਮਾਸੂਮ ਸੋਨਾਰਸ਼ ਲਿਫਟ ਵਿੱਚ ਫਸ ਗਿਆ, ਜਿਸ ਕਾਰਨ ਉਸਦੀ ਜਾਨ ਚਲੀ ਗਈ।ਪਰਿਵਾਰ ਦੇ ਕਰੀਬੀਆਂ ਨੇ ਦੱਸਿਆ ਕਿ ਇਹ ਘਟਨਾ ਇੰਨੀ ਭਿਆਨਕ ਅਤੇ ਅਚਾਨਕ ਸੀ ਕਿ ਇਸ ‘ਤੇ ਵਿਸ਼ਵਾਸ ਕਰਨਾ ਮੁਸ਼ਕਲ ਹੈ। ਸੋਨਾਰਸ਼ ਨੂੰ ਪਰਿਵਾਰ ਅਤੇ ਜਾਣਨ ਵਾਲੇ ਇੱਕ ਪਿਆਰਾ, ਚੰਚਲ ਅਤੇ ਉਤਸ਼ਾਹੀ ਬੱਚਾ ਦੱਸਦੇ ਹਨ, ਜਿਸਦੇ ਜਾਣ ਨਾਲ ਨਾਡਗੌੜਾ ਪਰਿਵਾਰ ‘ਤੇ ਗਹਿਰਾ ਸਦਮਾ ਲੱਗਾ ਹੈਇਸ ਦਰਦਨਾਕ ਹਾਦਸੇ ਤੋਂ ਬਾਅਦ ਕੰਨੜ ਫਿਲਮ ਇੰਡਸਟਰੀ ਦੇ ਨਾਲ-ਨਾਲ ਪੂਰੀ ਸਾਊਥ ਇੰਡੀਅਨ ਫਿਲਮ ਇੰਡਸਟਰੀ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ। ਆਂਧਰਾ ਪ੍ਰਦੇਸ਼ ਦੇ ਉਪ ਮੁੱਖ ਮੰਤਰੀ ਅਤੇ ਅਦਾਕਾਰ ਪਵਨ ਕਲਿਆਣ ਨੇ ਵੀ ਇਸ ਘਟਨਾ ‘ਤੇ ਗਹਿਰਾ ਦੁੱਖ ਪ੍ਰਗਟ ਕੀਤਾ ਹੈ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਰਾਹੀਂ ਕੀਰਤਨ ਨਾਡਗੌੜਾ ਅਤੇ ਉਨ੍ਹਾਂ ਦੀ ਪਤਨੀ ਸਮਰਿੱਧੀ ਪਟੇਲ ਲਈ ਸੰਵੇਦਨਾਵਾਂ ਪ੍ਰਗਟ ਕੀਤੀਆਂ ਅਤੇ ਪ੍ਰਾਰਥਨਾ ਕੀਤੀ ਕਿ ਰੱਬ ਉਨ੍ਹਾਂ ਨੂੰ ਇਸ ਅਪਾਰ ਦੁੱਖ ਨੂੰ ਸਹਿਣ ਦੀ ਸ਼ਕਤੀ ਪ੍ਰਦਾਨ ਕਰੇ।ਕੀਰਤਨ ਨਾਡਗੌੜਾ ਨੇ ‘K.G.F: ਚੈਪਟਰ 1’ ਅਤੇ ‘K.G.F: ਚੈਪਟਰ 2’ ਵਰਗੀਆਂ ਫਿਲਮਾਂ ਨੂੰ ਕੋ-ਡਾਇਰੈਕਟ ਕੀਤਾ ਹੈ, ਜਿਨ੍ਹਾਂ ਨੇ ਭਾਰਤੀ ਸਿਨੇਮਾ ਵਿੱਚ ਖੂਬ ਵਾਹੋ-ਵਾਹੀ ਬਟੋਰੀ।