ਅਮਰੀਕਾ ‘ਚ ਲਾਪਤਾ ਹੋਏ ਪੰਜਾਬੀ ਨੌਜਵਾਨ ਦੀ 20 ਦਿਨਾਂ ਬਾਅਦ ਮਿਲੀ ਲਾਸ਼..ਪਿਤਾ ਚਰਨਜੀਤ ਸਿੰਘ ਨੇ ਸੁਣਾਇਆ ਦੁਖੜਾ
ਸੰਗਰੂਰ ਦੇ ਮੂਨਕ ਇਲਾਕੇ ਦੇ ਪਿੰਡ ਮੰਡਵੀ ਤੋਂ ਢਾਈ ਸਾਲ ਪਹਿਲਾਂ ਪਰਿਵਾਰ ਨੇ 55 ਲੱਖ ਰੁਪਏ ਲਗਾ ਕੇ ਭੇਜਿਆ ਸੀ ਕਰਨਦੀਪ ਸਿੰਘ ਨੂੰ
8 ਅਕਤੂਬਰ ਨੂੰ ਟੁੱਟ ਗਿਆ ਸੀ ਪਰਿਵਾਰ ਨਾਲੋਂ ਸੰਪਰਕ, ਅੱਜ ਮਿਲੀ ਮੰਦਰਗੀ ਖ਼ਬਰ
ਪਿਤਾ ਨੇ ਕਿਹਾ ਕਿ ਕਰਨਦੀਪ ਦੇ ਦੋਸਤ ਕਹਿ ਰਹੇ ਹਨ ਕਿ ਉਸਨੇ ਪਾਣੀ ਵਿੱਚ ਛਾਲ ਮਾਰੀ ਹੈ ਪਰ ਪਰਿਵਾਰ ਨੇ ਕਿਹਾ ਕਿ ਉਹਨਾਂ ਦਾ ਬੇਟਾ ਨਹੀਂ ਕਰ ਸਕਦਾ ਆਤਮਹੱਤਿਆ
ਅਮਰੀਕਾ ਦੇ Origan ਸੁਬੇ ਦੇ Mill City ਪਿੰਡ ਦੇ Santiam River ‘ਚੋਂ ਮਿਲੀ ਲਾਸ਼
ਪਿਤਾ ਨੇ ਕਿਹਾ ਕਿ ਅਮਰੀਕਾ ਦੀ ਪੁਲਿਸ ਜਾਂਚ ਕਰ ਰਹੀ ਹੈ,, ਉਹਨਾਂ ਮੁਤਾਬਿਕ ਹੀ ਪੂਰੇ ਮਾਮਲੇ ਦਾ ਪਤਾ ਲੱਗੇਗਾ,,
ਢਾਈ ਸਾਲ ਪਹਿਲਾਂ ਢਾਈ ਏਕੜ ਜਮੀਨ ਵੇਚ ਕੇ 55 ਲੱਖ ਰੁਪਏ ਲਗਾ ਕੇ ਭੇਜਿਆ ਸੀ,,ਗਵਾਂਢੀ ਮੁਤਾਬਕ ਹੁਣ ਪਰਿਵਾਰ ਕੋਲ ਕੋਈ ਜਮੀਨ ਨਹੀਂ,,ਪਰਿਵਾਰ ਨੇ ਸਰਕਾਰਾਂ ਕੋਲ ਮਦਦ ਦੀ ਲਈ ਗੁਹਾਰ
ਪਰਿਵਾਰ ਨੇ ਸਰਕਾਰ ਤੋਂ ਮੰਗੀ ਮਦਦ ਕਿਹਾ ਸਾਡੇ ਬੇਟੇ ਦੀ ਮ੍ਰਿਤਕ ਦੇਹ ਸਾਡੇ ਕੋਲ ਪਹੁੰਚਾਈ ਜਾਵੇ
ਅਮਰੀਕਾ ਤੋਂ ਆਈ ਦੁਖਭਰੀ ਖ਼ਬਰ ਨੇ ਸੰਗਰੂਰ ਦੇ ਮੂਨਕ ਇਲਾਕੇ ਦੇ ਪਿੰਡ ਮੰਡਵੀ ਵਿੱਚ ਮਾਤਮ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ। ਪਿੰਡ ਦਾ 26 ਸਾਲਾ ਨੌਜਵਾਨ ਕਰਨਦੀਪ ਸਿੰਘ, ਜੋ ਪਿਛਲੇ 20 ਦਿਨਾਂ ਤੋਂ ਲਾਪਤਾ ਸੀ, ਦੀ ਲਾਸ਼ ਅਮਰੀਕਾ ਦੇ Oregon ਸੂਬੇ ਦੇ Mill City ਪਿੰਡ ਦੇ Santiam River ‘ਚੋਂ ਮਿਲੀ ਹੈ।
ਕਰਨਦੀਪ ਦੇ ਪਿਤਾ ਚਰਨਜੀਤ ਸਿੰਘ ਨੇ ਦੱਸਿਆ ਕਿ ਉਹਨਾਂ ਨੇ ਆਪਣੇ ਪੁੱਤ ਨੂੰ ਢਾਈ ਸਾਲ ਪਹਿਲਾਂ 55 ਲੱਖ ਰੁਪਏ ਖਰਚ ਕਰਕੇ ਅਮਰੀਕਾ ਭੇਜਿਆ ਸੀ। ਇਹ ਪੈਸੇ ਪਰਿਵਾਰ ਨੇ ਆਪਣੀ ਢਾਈ ਏਕੜ ਜ਼ਮੀਨ ਵੇਚ ਕੇ ਜੋੜੇ ਸਨ। ਪਰ ਹੁਣ ਉਹਨਾਂ ਕੋਲ ਕੋਈ ਜ਼ਮੀਨ ਨਹੀਂ ਬਚੀ।
ਚਰਨਜੀਤ ਸਿੰਘ ਨੇ ਕਿਹਾ ਕਿ 8 ਅਕਤੂਬਰ ਨੂੰ ਕਰਨਦੀਪ ਦਾ ਪਰਿਵਾਰ ਨਾਲ ਆਖ਼ਰੀ ਸੰਪਰਕ ਹੋਇਆ ਸੀ। ਉਸ ਤੋਂ ਬਾਅਦ ਫ਼ੋਨ ਬੰਦ ਆ ਰਿਹਾ ਸੀ। ਕਰਨਦੀਪ ਦੇ ਦੋਸਤਾਂ ਦਾ ਕਹਿਣਾ ਹੈ ਕਿ ਉਸਨੇ ਪਾਣੀ ਵਿੱਚ ਛਾਲ ਮਾਰੀ ਸੀ, ਪਰ ਪਰਿਵਾਰ ਇਸ ਗੱਲ ਨੂੰ ਸਿਰੇ ਤੋਂ ਨਕਾਰ ਰਿਹਾ ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਕਰਨਦੀਪ ਕਦੇ ਵੀ ਆਤਮਹੱਤਿਆ ਨਹੀਂ ਕਰ ਸਕਦਾ ਸੀ।
ਫਿਲਹਾਲ ਅਮਰੀਕੀ ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਪਰਿਵਾਰ ਦਾ ਕਹਿਣਾ ਹੈ ਕਿ ਸੱਚਾਈ ਸਿਰਫ਼ ਜਾਂਚ ਤੋਂ ਬਾਅਦ ਹੀ ਸਾਹਮਣੇ ਆਵੇਗੀ।
ਗਮਗੀਂ ਪਰਿਵਾਰ ਨੇ ਭਾਰਤੀ ਅਤੇ ਪੰਜਾਬ ਸਰਕਾਰ ਤੋਂ ਮਦਦ ਦੀ ਅਪੀਲ ਕੀਤੀ ਹੈ ਕਿ ਉਹਨਾਂ ਦੇ ਪੁੱਤ ਦੀ ਮ੍ਰਿਤਕ ਦੇਹ ਜਲਦੀ ਤੋਂ ਜਲਦੀ ਭਾਰਤ ਪਹੁੰਚਾਈ ਜਾਵੇ ਤਾਂ ਜੋ ਉਹ ਅਖੀਰਲਾ ਦਰਸ਼ਨ ਕਰ ਸਕਣ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
