ਪਹਿਲੇ ਕਤਲ ਦੀ ਸਾਜ਼ਿਸ਼ ਦਾ ਇਲਜ਼ਾਮ, ਫਿਰ ਕਿਹਾ ਮੇਰਾ ਪਰਿਵਾਰ ਬਹੁੱਤ ਚੰਗਾ, ਸਾਬਕਾ DGP ਦੇ ਪੁੱਤਰ ਦੀ ਨਵੀਂ ਵੀਡੀਓ ਆਈ ਸਾਹਮਣੇ
ਪੰਜਾਬ ਦੇ ਸਾਬਕਾ ਡਾਇਰੈਕਟਰ ਜਨਰਲ ਆਫ਼ ਪੁਲਿਸ (ਡੀਜੀਪੀ) ਮੁਹੰਮਦ ਮੁਸਤਫਾ ਦੇ ਪੁੱਤਰ ਅਕੀਲ ਅਖਤਰ ਦੀ ਮੌਤ ਦੇ ਰਹੱਸ ‘ਚ ਇੱਕ ਨਵਾਂ ਮੋੜ ਸਾਹਮਣੇ ਆਇਆ ਹੈ। ਪਹਿਲਾਂ, ਉਸ ਦੀ ਇੱਕ ਵੀਡੀਓ ਸਾਹਮਣੇ ਆਈ ਸੀ, ਜਿਸ ‘ਚ ਉਸ ਨੇ ਆਪਣੇ ਪਿਤਾ ਤੇ ਪਤਨੀ ‘ਤੇ ਨਾਜਾਇਜ਼ ਸਬੰਧਾਂ ਦਾ ਇਲਜ਼ਾਮ ਲਗਾਇਆ ਸੀ। ਉਸ ਨੇ ਆਪਣੀ ਭੈਣ ਬਾਰੇ ਵੀ ਟਿੱਪਣੀਆਂ ਕੀਤੀਆਂ ਸਨ। ਪਰ ਹੁਣ, ਇੱਕ ਨਵਾਂ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ‘ਚ ਉਸ ਨੇ ਆਪਣੇ ਪਰਿਵਾਰ ਦੀ ਪ੍ਰਸ਼ੰਸਾ ਕੀਤੀ ਹੈ ਤੇ ਆਪਣੀ ਭੈਣ ਤੋਂ ਮੁਆਫੀ ਵੀ ਮੰਗੀ ਹੈ।ਅਕੀਲ ਨੇ ਨਵੀਂ ਵੀਡੀਓ ‘ਚ ਕਿਹਾ, “ਜਦੋਂ ਮੈਂ ਪੁਰਾਣੀ ਵੀਡੀਓ ਰਿਕਾਰਡ ਕੀਤੀ ਸੀ ਤਾਂ ਮੇਰੀ ਮੇਰੀ ਦਿਮਾਗੀ ਹਾਲਤ ਸਹੀ ਨਹੀਂ ਸੀ।” 27 ਅਗਸਤ ਦੀ ਇਸ ਵੀਡੀਓ ‘ਚ ਅਕੀਲ ਨੇ ਕਿਹਾ ਸੀ ਕਿ ਪਰਿਵਾਰਕ ਮੈਂਬਰ ਉਸ ਨੂੰ ਮਾਰਨ ਦੀ ਸਾਜ਼ਿਸ਼ ਰਚ ਰਹੇ ਸਨ। ਵੀਡੀਓ ‘ਚ ਉਸ ਨੇ ਆਪਣੇ ਪਿਤਾ ਤੇ ਪਤਨੀ ਦੇ ਨਾਜਾਇਜ਼ ਸਬੰਧਾਂ ਦਾ ਵੀ ਜ਼ਿਕਰ ਕੀਤਾ। ਉਸ ਨੇ ਕਿਹਾ ਕਿ ਉਸ ਦੀ ਮਾਂ ਤੇ ਭੈਣ ਵੀ ਸਾਜ਼ਿਸ਼ ਦਾ ਹਿੱਸਾ ਸਨ।ਹੁਣ, ਅਕੀਲ ਦੇ ਨਵੇਂ ਵੀਡੀਓ ਨੇ ਮਾਮਲੇ ਨੂੰ ਹੋਰ ਵੀ ਗੁੰਝਲਦਾਰ ਬਣਾ ਦਿੱਤਾ ਹੈ। ਇਸ ਲਗਭਗ ਤਿੰਨ ਮਿੰਟ ਦੇ ਵੀਡੀਓ ‘ਚ, ਅਕੀਲ ਅਖਤਰ ਆਪਣੇ ਪਰਿਵਾਰ ਵਿਰੁੱਧ ਸਾਰੇ ਦੋਸ਼ਾਂ ਤੋਂ ਇਨਕਾਰ ਕਰਦੇ ਹੋਏ ਦਿਖਾਈ ਦੇ ਰਿਹਾ ਹੈ। ਉਹ ਆਪਣੇ ਪੂਰੇ ਪਰਿਵਾਰ, ਖਾਸ ਕਰਕੇ ਆਪਣੀ ਭੈਣ ਦੀ ਪ੍ਰਸ਼ੰਸਾ ਕਰਦੇ ਹੋਏ ਵੀ ਦਿਖਾਈ ਦੇ ਰਿਹਾ ਹੈ। ਉਸ ਨੇ ਕਿਹਾ, “ਮੈਨੂੰ ਨਹੀਂ ਪਤਾ ਕਿ ਮੈਂ ਉਸ ਸਮੇਂ ਕੀ ਕਹਿ ਰਿਹਾ ਸੀ। ਇਸੇ ਲਈ ਇਸ ਨੂੰ ਪਾਗਲਪਨ ਕਿਹਾ ਜਾਂਦਾ ਹੈ ਸ਼ਾਇਦ। ਮੈਂ ਖਾਸ ਕਰਕੇ ਆਪਣੀ ਭੈਣ, ਚੀਨੂ ਤੋਂ ਮੁਆਫੀ ਮੰਗਣਾ ਚਾਹੁੰਦਾ ਹਾਂ, ਕਿਉਂਕਿ ਉਹੀ ਉਹ ਸੀ ਜਿਸ ਨੇ ਮੇਰੀ ਬਿਮਾਰੀ ਦੌਰਾਨ ਮੇਰੀ ਸਭ ਤੋਂ ਵੱਧ ਦੇਖਭਾਲ ਕੀਤੀ। ਉਹ ਪੁੱਛਦੀ ਰਹਿੰਦੀ ਕੀ ਤੁਸੀਂ ਖਾਣਾ ਖਾਧਾ ਹੈ? ਚਲੋ, ਇਹ ਖਾਓ, ਉਹ ਖਾਓ।’”
ਅਕੀਲ ਨੇ ਕਿਹਾ ਹੈ ਕਿ ਉਸ ਦੀ ਬਿਮਾਰੀ ਦੌਰਾਨ ਉਸ ਦੇ ਪਰਿਵਾਰ ਨੇ ਉਸ ਦੀ ਬਹੁਤ ਚੰਗੀ ਦੇਖਭਾਲ ਕੀਤੀ। ਹਾਲਾਂਕਿ, ਵੀਡੀਓ ਦੇ ਅੰਤ ‘ਚ, ਅਕੀਲ ਇਹ ਵੀ ਕਹਿੰਦਾ ਹੈ ਕਿ ਦੇਖਦੇ ਹਾਂ ਕਿ ਕੀ ਇਹ ਲੋਕ ਮੈਨੂੰ ਮਰਵਾ ਦੇਣਗੇ ਜਾਂ ਨਹੀਂ।
ਇਸ ਤੋਂ ਪਹਿਲਾਂ, ਅਕੀਲ ਅਖਤਰ ਦੀ ਮੌਤ ਦੇ ਸਬੰਧ ‘ਚ ਪੰਜਾਬ ਦੇ ਸਾਬਕਾ ਡੀਜੀਪੀ ਮੁਹੰਮਦ ਮੁਸਤਫਾ ਵਿਰੁੱਧ ਕੇਸ ਦਰਜ ਕੀਤਾ ਗਿਆ ਹੈ। ਅਕੀਲ ਦੀ ਮਾਂ, ਪਤਨੀ ਤੇ ਭੈਣ ਵਿਰੁੱਧ ਵੀ ਐਫਆਈਆਰ ਦਰਜ ਕੀਤੀ ਗਈ ਹੈ। ਇਹ ਸ਼ਿਕਾਇਤ ਅਕੀਲ ਦੇ ਗੁਆਂਢੀ ਨੇ ਦਰਜ ਕਰਵਾਈ ਸੀ। ਸਾਬਕਾ ਡੀਜੀਪੀ ਨੇ ਵੀ ਮੰਗਲਵਾਰ ਨੂੰ ਇਸ ਮਾਮਲੇ ‘ਤੇ ਆਪਣੀ ਚੁੱਪੀ ਤੋੜੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
