ਸੌ ਸਾਲ ਦੇ ਬਜ਼ੁਰਗ ਦੀ ਮੌਤ, ਦਫਨਾਉਣ ਤੋਂ ਗਿਆ ਰੋਕਿਆ

ਗੁਰਦਾਸਪੁਰ ਦੇ  ਨਜ਼ਦੀਕੀ ਪਿੰਡ ਭੁੱਲੇ ਚੱਕ ਕਲੋਨੀ ਵਿਖੇ ਇੱਕ ਅਜੀਬ ਤਰਾਂ ਦਾ ਮਾਮਲਾ ਸਾਹਮਣੇ ਆਇਆ ਜਿੱਥੇ ਮਸੀਹ ਬਰਾਦਰੀ ਨਾਲ ਸੰਬੰਧਿਤ ਇੱਕ ਸੌ ਸਾਲ ਦੇ ਬਜ਼ੁਰਗ ਦੀ ਮੌਤ ਹੋ ਗਈ ਪਰ ਜਦੋਂ ਉਸਨੂੰ ਪਿੰਡ ਦੇ ਕਬਰਿਸਤਾਨ ਵਿਖੇ ਦਫਨਾਉਣ ਲਈ ਲਿਆਂਦਾ ਗਿਆ ਤਾਂ ਇੱਕ ਪਰਿਵਾਰ ਨੇ ਬਖੇੜਾ ਖਰਾ ਕਰ ਦਿੱਤਾ ਤੇ ਉਸ ਨੂੰ ਕਬਰਿਸਤਾਨ ਵਿੱਚ ਦਫਨਾਉਣ ਤੋਂ ਰੋਕ ਦਿੱਤਾ । ਦਫਨਾਉਣ ਤੋਂ ਰੋਕਣ ਵਾਲੇ ਪਰਿਵਾਰ ਦਾ ਕਹਿਣਾ ਹੈ ਕਿ ਉਨਾਂ ਦੇ ਕਬਰਿਸਤਾਨ ਦੇ ਨੇੜੇ ਹੀ ਰਿਆਇਸ਼ੀ ਪਲਾਟ ਹਨ ਤੇ ਉਹਨਾਂ ਨੇ ਇਸ ਇਲਾਕੇ ਤੋਂ ਕਬਰਿਸਤਾਨ ਨੂੰ ਹਟਾਉਣ ਲਈ ਅਦਾਲਤ ਵਿੱਚ ਮੁਕਦਮਾ ਕੀਤਾ ਹੋਇਆ ਹੈ। ਹਾਲਾਂਕਿ ਇਹ ਕਬਰਿਸਤਾਨ ਪੰਚਾਇਤ ਦੀ ਜ਼ਮੀਨ ਵਿੱਚ ਬਣਿਆ ਹੈ।ਮੁਰਦਾ ਦਫਨਾਉਣ ਤੋਂ ਰੋਕ ਕੇ ਜਾਣ ਤੋਂ ਬਾਅਦ ਪਰਿਵਾਰ ਨੇ ਕੁਛ ਨਾ ਕਰ ਦਿੱਤੀ ਕਿ ਉਹ ਲਾਸ਼ ਨੂੰ ਸੜਕ ਤੇ ਰੱਖ ਕੇ ਪ੍ਰਦਰਸ਼ਨ ਕਰਨਗੇ ਪਰ ਬਾਅਦ ਵਿੱਚ ਪਿੰਡ ਦੇ ਸਰਪੰਚ ਲਖਵਿੰਦਰ ਸਿੰਘ ਅਤੇ ਸਬੰਧਤ ਥਾਣਾ ਤਿੱਬੜ ਦੀ ਪੁਲਿਸ ਨੇ ਮੌਕੇ ਤੇ ਪਹੁੰਚ ਕੇ ਕਬਰਿਸਤਾਨ ਵਿੱਚ ਕਵਰ ਖੁਦਵਾਈ ਗਈ ਤੇ ਉਸ ਤੋਂ ਬਾਅਦ ਮ੍ਰਿਤਕ ਬੁਜਰਗ ਕਾਨੂਨ ਦਫਨਾਇਆ ਗਿਆ । ਉੱਥੇ ਹੀ ਤਿੱਬੜ ਥਾਣੇ ਦੇ ਐਸਐਚ ਓ ਗੁਰਮੀਤ ਸਿੰਘ ਦਾ ਕਹਿਣਾ ਹੈ ਕਿ ਜੇਕਰ ਪੰਚਾਇਤ ਮੁਰਦਾ ਦਫਨਾਉਣ ਤੋਂ ਰੋਕਣ ਵਾਲੇ ਪਰਿਵਾਰ ਦੇ ਖਿਲਾਫ ਸ਼ਿਕਾਇਤ ਕਰਦੀ ਹੈ ਤਾਂ ਉਸ ਦੇ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ।