19 ਅਤੇ 20 ਮਾਰਚ ਨੂੰ ਹੋ ਸਕਦੀ ਹੈ ਸੁਨੀਤਾ ਵਿਲੀਅਮਜ਼ ਦੀ ਪੁਲਾੜ ਚੋਂ ਵਾਪਸੀ
ਸੁਨੀਤਾ ਵਿਲੀਅਮਜ਼ ਪੁਲਾੜ ਵਿੱਚ ਸਭ ਤੋਂ ਜ਼ਿਆਦਾ ਦਿਨ ਰਹਿਣ ਵਾਲੇ ਮਹਿਲਾ ਬਣ ਗਏ ਹਨਪੁਲਾੜ ਯਾਤਰੀ ਸੁਨੀਤਾ ਵਿਲੀਅਮਜ਼ ਅਤੇ ਬੈਰੀ ਬੁਚ ਵਿਲਮੋਰ ਦੀ ਪੁਲਾੜ ਤੋਂ ਵਾਪਸੀ 19 ਅਤੇ 20 ਮਾਰਚ ਨੂੰ ਹੋ ਸਕਦੀ ਹੈ। ਇਹ ਦੋਵੇਂ ਕਰੀਬ ਦਸ ਮਹੀਨਿਆਂ ਤੋਂ ਕੌਮਾਂਤਰੀ ਪੁਲਾੜ ਸਟੇਸ਼ਨ (ਆਈਐੱਸਐੱਸ) ਵਿੱਚ ਰਹਿ ਰਹੇ ਹਨ।
ਦੋਵਾਂ ਨੇ 5 ਜੂਨ 2024 ਨੂੰ ਇੱਕ ਪ੍ਰੀਖਣ ਮਿਸ਼ਨ ਲਈ ਸਟਾਰਲਾਈਨਰ ਪੁਲਾੜ ਯਾਨ ਨਾਲ ਉਡਾਣ ਭਰੀ ਸੀ।ਉਨ੍ਹਾਂ ਨੇ ਅੱਠ ਦਿਨਾਂ ਬਾਅਦ ਵਾਪਸ ਪਰਤਣਾ ਸੀ।
ਸਟਾਰਲਾਈਨਰ ਪੁਲਾੜ ਯਾਨ ਨਾਲ ਜਦੋਂ ਆਈਐੱਸਐੱਸ ਦੇ ਕਰੀਬ ਪਹੁੰਚਿਆਂ ਤਾਂ ਉਸ ਵਿੱਚ ਸਮੱਸਿਆ ਪੈਦਾ ਹੋ ਗਈ ਅਤੇ ਇਸ ਦੇ ਪੰਜ ਥਰਸਟਰ ਬੰਦ ਹੋ ਗਏ, ਜੋ ਯਾਨ ਨੂੰ ਦਿਸ਼ਾ ਦਿੰਦੇ ਹਨ।
ਇਸ ਵਿੱਚ ਹਿਲੀਅਮ ਵੀ ਖਤਮ ਹੋ ਗਿਆ ਸੀ। ਇਸ ਕਾਰਨ ਯਾਨ ਨੂੰ ਜਲਣ ਵਾਲੇ ਪਦਾਰਥ ‘ਤੇ ਨਿਰਭਰ ਹੋਣਾ ਪਿਆ ਅਤੇ ਦੋਵੇਂ ਪੁਲਾੜ ਯਾਤਰੀਆਂ ਦੀ ਵਾਪਸੀ ਰੁਕ ਗਈ।
61 ਸਾਲ ਦੇ ਵਿਲਮੋਰ ਅਤੇ 58 ਸਾਲ ਦੇ ਸੁਨੀਤਾ ਨੂੰ ਬੋਇੰਗ ਸਟਾਰਲਾਈਨਰ ਪੁਲਾੜ ਯਾਨ ਨੇ ਕੌਮਾਂਤਰੀ ਪੁਲਾੜ ਸਟੇਸ਼ਨ ਤੱਕ ਪਹੁੰਚਾਇਆ ਸੀ। ਇਹ ਆਪਣੀ ਤਰ੍ਹਾਂ ਦੀ ਪਹਿਲੀ ਉਡਾਣ ਸੀ, ਜਿਸ ਵਿੱਚ ਲੋਕ ਸਵਾਰ ਸਨ।
ਇਹ ਇੱਕ ਪ੍ਰੀਖਣ ਸੀ, ਜਿਸ ਦਾ ਮਕਸਦ ਇਹ ਦੇਖਣਾ ਸੀ ਕਿ ਨਵਾਂ ਪੁਲਾੜ ਯਾਨ ਨਿਯਮਿਤ ਰੂਪ ਨਾਲ ਇਸਤੇਮਾਲ ਕੀਤੇ ਜਾਣ ਤੋਂ ਪਹਿਲਾਂ ਕਿਹੋ ਜਿਹਾ ਪ੍ਰਦਰਸ਼ਨ ਕਰਦਾ ਹੈ?
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
