ਟਾਈਟੈਨਿਕ ਦਾ ਮਲਬਾ ਦੇਖਣ ਗਏ ਅਰਬਪਤੀਆਂ ਦੀ ਹੋਈ ਮੌਤ, 13 ਹਜ਼ਾਰ ਦੀ ਡੂੰਘਾਈ ਚ ਲਾਪਤਾ ਹੋਈ ਸੀ ਪਣਡੁੱਬੀ

ਟਾਈਟੈਨਿਕ ਜਹਾਜ਼ ਦਾ ਮਲਬਾ ਦੇਖਣ ਗਏ ਯਾਤਰੀ ਹੁਣ ਸਾਡੇ ਨਾਲ ਨਹੀਂ ਰਹੇ। ਪਣਡੁੱਬੀ ਦੀ ਕੰਪਨੀ ਓਸ਼ਨ ਗੇਟ ਨੇ ਕਿਹਾ ਕਿ ਸਾਰੇ ਪੰਜ ਯਾਤਰੀਆਂ ਦੀ ਮੌਤ ਹੋ ਗਈ ਹੈ। ਸਾਨੂੰ ਇਨ੍ਹਾਂ ਲੋਕਾਂ ਦੀ ਮੌਤ ਦਾ ਬਹੁਤ ਦੁੱਖ ਹੈ। ਪਣਡੁੱਬੀ ਨੂੰ ਅਪ੍ਰੈਲ 1912 ਵਿੱਚ ਅਟਲਾਂਟਿਕ ਮਹਾਸਾਗਰ ਵਿੱਚ ਡੁੱਬਣ ਵਾਲੇ ਟਾਈਟੈਨਿਕ ਜਹਾਜ਼ ਦੇ ਮਲਬੇ ਨੂੰ ਦਿਖਾਉਣ ਲਈ ਲਿਜਾਇਆ ਗਿਆ ਸੀ। ਯਾਤਰੀਆਂ ਬਾਰੇ ਪਣਡੁੱਬੀ ਦੇ ਮਾਲਕ ਨੇ ਕਿਹਾ ਕਿ ਯਾਤਰੀ ਖੋਜੀ ਸਨ। ਯਾਤਰੀਆਂ ਵਿੱਚ ਸਾਹਸ ਅਤੇ ਸਮੁੰਦਰਾਂ ਦੀ ਖੋਜ ਕਰਨ ਦਾ ਜਨੂੰਨ ਸੀ। ਇਸ ਦੁੱਖ ਦੀ ਘੜੀ ਵਿੱਚ ਸਾਡੇ ਵਿਚਾਰ ਮ੍ਰਿਤਕਾਂ ਦੇ ਪਰਿਵਾਰਾਂ ਦੇ ਨਾਲ ਹਨ। ਸਾਨੂੰ ਇਸ ਲਈ ਅਫ਼ਸੋਸ ਹੈ। ਪਣਡੁੱਬੀ ਐਤਵਾਰ ਸਵੇਰੇ 6 ਵਜੇ ਉੱਤਰੀ ਅਟਲਾਂਟਿਕ ਵਿੱਚ ਆਪਣੀ ਯਾਤਰਾ ਲਈ ਰਵਾਨਾ ਹੋਈ ਸੀ। ਉਸ ਸਮੇਂ ਚਾਲਕ ਦਲ ਕੋਲ ਚਾਰ ਦਿਨਾਂ ਦੀ ਆਕਸੀਜਨ ਸੀ। ਮੁਹਿੰਮ ਵਿੱਚ 96 ਘੰਟੇ ਬੀਤ ਚੁੱਕੇ ਸਨ ਅਤੇ ਪਣਡੁੱਬੀ ਵਿੱਚ ਆਕਸੀਜਨ ਖਤਮ ਹੋ ਗਈ ਸੀ।