ਉੱਤਰੀ ਕੋਰੀਆ ਸੈਨਿਕਾਂ ਦੀਆਂ 653 ਗੋਲੀਆਂ ਗਾਇਬ, ਤਾਨਾਸ਼ਾਹ ਕਿਮ ਜੋਂਗ ਨੇ ਪੂਰੇ ਸ਼ਹਿਰ ‘ਚ ਕੀਤਾ ਲਾਕਡਾਊਨ,ਗੋਲੀਆਂ ਨਾ ਮਿਲਣ ਤੱਕ ਸ਼ਹਿਰ ‘ਚ ਰਹੇਗੀ ਤਾਲਾਬੰਦੀ

ਉੱਤਰੀ ਕੋਰੀਆ ਤੋਂ ਹੈਰਾਨ ਕਰਨ ਵਾਲੀ ਖਬਰ ਆਈ ਹੈ। ਇੱਥੇ ਤਾਨਾਸ਼ਾਹ ਕਿਮ ਜੋਂਗ ਉਨ ਨੇ ਇੱਕ ਸ਼ਹਿਰ ਵਿੱਚ ਤਾਲਾਬੰਦੀ ਕਰ ਦਿੱਤੀ ਹੈ ਕਿਉਂਕਿ ਇਸ ਸ਼ਹਿਰ ਵਿੱਚ ਇੱਕ ਸੈਨਿਕ ਤੋਂ 653 ਬੰਦੂਕ ਦੀਆਂ ਗੋਲੀਆਂ ਗਾਇਬ ਹੋ ਗਈਆਂ ਸਨ। ਹੁਣ ਇਸ ਨੂੰ ਲੱਭਣ ਲਈ ਪੂਰੇ ਸ਼ਹਿਰ ਵਿੱਚ ਤਾਲਾਬੰਦੀ ਲਗਾ ਦਿੱਤੀ ਗਈ ਹੈ। ਰੇਡੀਓ ਫ੍ਰੀ ਏਸ਼ੀਆ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, 7 ਮਾਰਚ ਨੂੰ ਇੱਕ ਫੌਜੀ ਰੀਟਰੀਟ ਦੌਰਾਨ 653 ਗੋਲੀਆਂ ਗਾਇਬ ਹੋ ਗਈਆਂ ਸਨ। ਸਰਕਾਰ ਦਾ ਸਖ਼ਤ ਹੁਕਮ ਹੈ ਕਿ ਜਦੋਂ ਤੱਕ ਸਾਰੀਆਂ ਗੋਲੀਆਂ ਨਹੀਂ ਮਿਲ ਜਾਂਦੀਆਂ, ਉਦੋਂ ਤੱਕ ਸ਼ਹਿਰ ਵਿੱਚ ਤਾਲਾਬੰਦੀ ਰਹੇਗੀ। ਪੁਲਿਸ ਅਤੇ ਫੌਜ ਦੋਵੇਂ ਮਿਲ ਕੇ ਇਸ ਦੀ ਭਾਲ ਕਰ ਰਹੇ ਹਨ ਪਰ 10 ਦਿਨ ਬੀਤ ਜਾਣ ਦੇ ਬਾਵਜੂਦ ਇਹ ਗੋਲੀਆਂ ਅਜੇ ਤੱਕ ਬਰਾਮਦ ਨਹੀਂ ਹੋਈਆਂ ਹਨ।

ਸਿਮਰਨਜੀਤ ਮਾਨ ਦਾ ਅੰਮ੍ਰਿਤਪਾਲ ਬਾਰੇ ਬਿਆਨ? ਮਾਨ ਸਰਕਾਰ ਨੂੰ ਸੁਣਾਈਆਂ ਖ਼ਰੀਆਂ- ਖਰੀਆਂ! || D5 Channel Punjabi

ਰਿਪੋਰਟ ਮੁਤਾਬਕ 7 ਮਾਰਚ ਨੂੰ ਕੋਰੀਆਈ ਪੀਪਲਜ਼ ਆਰਮੀ ਦੀ 7ਵੀਂ ਬਟਾਲੀਅਨ ਇਸ ਇਲਾਕੇ ਤੋਂ ਵਾਪਸ ਆਈ ਸੀ। 7ਵੀਂ ਬਟਾਲੀਅਨ ਨੂੰ ਕੋਵਿਡ-19 ਮਹਾਂਮਾਰੀ ਦੀ ਸ਼ੁਰੂਆਤ ਵਿੱਚ ਚੀਨੀ ਸਰਹੱਦ ਨੂੰ ਬੰਦ ਕਰਨ ਲਈ 2020 ਵਿੱਚ ਹੀ ਤਾਇਨਾਤ ਕੀਤਾ ਗਿਆ ਸੀ। ਕੋਰੋਨਾ ਸੰਕਟ ਖਤਮ ਹੋਣ ਤੋਂ ਬਾਅਦ ਫੌਜ ਨੂੰ ਵਾਪਸ ਬੁਲਾ ਲਿਆ ਗਿਆ ਸੀ। ਇਸ ਦੌਰਾਨ ਗੋਲੀਆਂ ਗਾਇਬ ਹੋ ਗਈਆਂ। ਪਹਿਲਾਂ ਤਾਂ ਜਵਾਨ ਖੁਦ ਇਸ ਦੀ ਭਾਲ ‘ਚ ਰੁੱਝੇ ਰਹੇ, ਜਦੋਂ ਇਹ ਨਹੀਂ ਮਿਲੀਆਂ ਤਾਂ ਅਧਿਕਾਰੀਆਂ ਨੂੰ ਇਸ ਦੀ ਸੂਚਨਾ ਦਿੱਤੀ ਗਈ। ਇਸ ਤੋਂ ਬਾਅਦ ਲਾਕਡਾਊਨ ਲਗਾ ਕੇ ਪੂਰੇ ਸ਼ਹਿਰ ਨੂੰ ਸੀਲ ਕਰ ਦਿੱਤਾ ਗਿਆ। ਰਿਪੋਰਟਾਂ ਮੁਤਾਬਕ ਪੂਰੇ ਸ਼ਹਿਰ ਨੂੰ ਸੀਲ ਕਰ ਦਿੱਤਾ ਗਿਆ ਹੈ। ਪੁਲਿਸ ਅਤੇ ਫੌਜ ਘਰ-ਘਰ ਤਲਾਸ਼ੀ ਸ਼ੁਰੂ ਕਰ ਰਹੀ ਹੈ। ਪਰ  ਦਸ ਦਿਨ ਬੀਤ ਜਾਣ ਦੇ ਬਾਵਜੂਦ ਵੀ ਕੋਈ ਸੁਰਾਗ ਨਹੀਂ ਮਿਲਿਆ ਹੈ।