ਝਾਰਖੰਡ ਸਰਕਾਰ ਵੱਲੋਂ ਗਿਰੀਡੀਹ ਸਥਿਤ ਤੀਰਥ ਸਥਾਨ ਸੰਮੇਦ ਸ਼ਿਖਰਜੀ ਨੂੰ ਸੈਰ-ਸਪਾਟਾ ਸਥਾਨ ਐਲਾਨੇ ਜਾਣ ਤੋਂ ਬਾਅਦ ਜੈਨ ਭਾਈਚਾਰੇ ਵਿੱਚ ਗੁੱਸਾ ਹੈ। ਇਸੇ ਲੜੀ ਵਿਚ ਜੈਨ ਭਾਈਚਾਰੇ ਦੇ ਲੋਕਾਂ ਨੇ ਰਾਸ਼ਟਰੀ ਰਾਜਧਾਨੀ ਦਿੱਲੀ ਦੇ ਇੰਡੀਆ ਗੇਟ ‘ਤੇ ਐਤਵਾਰ ਨੂੰ ਝਾਰਖੰਡ ਸਰਕਾਰ ਵਲੋਂ ‘ਸ਼੍ਰੀ ਸੰਮੇਦ ਸ਼ਿਖਰਜੀ’ ਨੂੰ ਸੈਰ-ਸਪਾਟਾ ਸਥਾਨ ਐਲਾਨਣ ਦੇ ਫੈਸਲੇ ਦੇ ਖਿਲਾਫ ਪ੍ਰਦਰਸ਼ਨ ਕੀਤਾ।
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ 21 ਦਸੰਬਰ ਬੁੱਧਵਾਰ ਨੂੰ ਯਮੁਨਾਪਰ ‘ਚ ਜੈਨ ਸਮਾਜ ਦੇ ਲੋਕਾਂ ਨੇ ਝਾਰਖੰਡ ਸਰਕਾਰ ਖਿਲਾਫ ਪ੍ਰਦਰਸ਼ਨ ਕੀਤਾ ਸੀ।ਇਸ ਦੌਰਾਨ ਜੈਨ ਭਾਈਚਾਰੇ ਦੇ ਲੋਕਾਂ ਨੇ ਕਿਹਾ ਕਿ ਸੰਮੇਦ ਸ਼ਿਖਰਜੀ ਸਾਡੇ ਸਭ ਤੋਂ ਵੱਡੇ ਤੀਰਥ ਸਥਾਨਾਂ ‘ਚੋਂ ਇਕ ਹੈ। ਜੇਕਰ ਉੱਥੇ ਕੋਈ ਸੈਰ-ਸਪਾਟਾ ਜਾਂ ਮਨੋਰੰਜਨ ਸਥਾਨ ਬਣਾਇਆ ਗਿਆ ਤਾਂ ਉਸ ਥਾਂ ‘ਤੇ ਮੀਟ-ਸ਼ਰਾਬ ਵੇਚੀ ਜਾਵੇਗੀ। ਨਾਲ ਹੀ ਨਜਾਇਜ਼ ਤੌਰ ‘ਤੇ ਦਰੱਖਤ ਕੱਟੇ ਜਾਣਗੇ। । ਜਿਸ ਕਾਰਨ ਸਾਡੇ ਸੰਤਾਂ ਦੀ ਮੁਕਤੀ ਦਾ ਸਥਾਨ ਪਲੀਤ ਹੋ ਜਾਵੇਗਾ।ਜੈਨ ਸਮਾਜ ਦੇ ਲੋਕਾਂ ਨੇ ਝਾਰਖੰਡ ਸਰਕਾਰ ਨੂੰ ਫੈਸਲਾ ਵਾਪਸ ਨਾ ਲੈਣ ‘ਤੇ ਭੁੱਖ ਹੜਤਾਲ ਅਤੇ ਹਿੰਸਕ ਪ੍ਰਦਰਸ਼ਨ ਦੀ ਚਿਤਾਵਨੀ ਦਿੱਤੀ ਸੀ। ਸੰਸਦ ਮੈਂਬਰ ਮਨੋਜ ਤਿਵਾੜੀ ਨੇ ਵੀ ਇਹ ਮਾਮਲਾ ਸੰਸਦ ਵਿੱਚ ਉਠਾਇਆ ਸੀ। ਇਸੇ ਲੜੀ ਤਹਿਤ ਸ਼ਾਸਤਰੀ ਪਾਰਕ, ਗੌਤਮਪੁਰੀ, ਉਸਮਾਨਪੁਰ, ਕੈਥਵਾੜਾ ਦੇ ਜੈਨ ਸਮਾਜ ਦੀਆਂ ਸੈਂਕੜੇ ਔਰਤਾਂ, ਬੱਚਿਆਂ ਅਤੇ ਬਜ਼ੁਰਗਾਂ ਨੇ ਪੈਦਲ ਮਾਰਚ ਕਰਕੇ ਦੁਕਾਨਾਂ ਬੰਦ ਕਰ ਦਿੱਤੀਆਂ ਅਤੇ ਸੀਲਮਪੁਰ ਦੇ ਐਸਡੀਐਮ ਨੂੰ ਮੰਗ ਪੱਤਰ ਵੀ ਸੌਂਪਿਆ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
