ਬੋਰ ’ਚ ਡਿੱਗੇ ਬੱਚੇ ਬਾਰੇ ਵੱਡੀ ਖ਼ਬਰ! ਦੇਖੋ ਕਿਉਂ ਵਾਪਰੀ ਘਟਨਾ ?
ਪਟਿਆਲਾ : ਜ਼ਿਲ੍ਹਾ ਹੁਸ਼ਿਆਰਪੁਰ ‘ਚ ਪੈਂਦੇ ਗੜ੍ਹਦੀਵਾਲਾ ਦੀ ਘਟਨਾ ਬਹੁਤ ਮੰਦਭਾਗੀ ਹੈ, ਜਿਥੇ ਇੱਕ 6 ਸਾਲਾ ਬੱਚਾ ਬੋਰਵੈੱਲ ’ਚ ਜਾ ਡਿੱਗਿਆ। ਬੱਚੇ ਨੂੰ ਬਚਾਉਣ ਦੀਆਂ ਬਹੁਤ ਕੋਸ਼ਿਸ਼ਾਂ ਕੀਤੀਆਂ ਗਈਆਂ ਪਰ ਪੁਲਿਸ ਪ੍ਰਸ਼ਾਸਨ ਅਤੇ ਸੰਸਥਾਵਾਂ ਵੱਲੋਂ ਕੀਤੀਆਂ ਗਈਆਂ ਸਾਰੀਆਂ ਕੋਸ਼ਿਸ਼ਾਂ ਵੀ ਉਸ ਛੋਟੀ ਜਿਹੀ ਜਾਨ ਨੂੰ ਬਚਾ ਨਹੀਂ ਸਕੀਆਂ। ਇਸ ਘਟਨਾ ਤੋਂ ਇਕ ਗੱਲ ਤਾਂ ਸਾਫ਼ ਹੈ ਕਿ ਅਸੀਂ ਆਪਣੇ ਅਤੀਤ ਤੋਂ ਸਬਕ ਨਹੀਂ ਲੈ ਰਹੇ, ਕਿਉਂਕਿ ਇਸ ਤੋਂ ਪਹਿਲਾਂ ਵੀ ਇਸੇ ਤਰ੍ਹਾਂ ਦੀਆਂ ਬਹੁਤ ਸਾਰੀਆਂ ਘਟਨਾਵਾਂ ਵਾਪਰ ਚੁੱਕੀਆਂ ਹਨ ਪਰ ਇਸਦੇ ਬਾਵਜੂਦ ਵੀ ਫਿਰ ਤੋਂ ਉਹੀ ਗ਼ਲਤੀ ਦੁਬਾਰਾ ਕਰਦੇ ਹਾਂ।
ਬੋਰ ’ਚ ਡਿੱਗੇ ਬੱਚੇ ਬਾਰੇ ਵੱਡੀ ਖ਼ਬਰ! ਦੇਖੋ ਕਿਉਂ ਵਾਪਰੀ ਘਟਨਾ ? | D5 Channel Punjabi
ਇੱਥੇ ਧਿਆਨ ਦੇਣ ਵਾਲੀ ਗੱਲ ਇਹ ਕਿ ਅਜਿਹੀ ਘਟਨਾ ਕਿਸੇ ਨਾਲ ਵੀ ਹੋ ਸਕਦੀ ਹੈ, ਖਾਸ ਕਰਕੇ ਜਿਸ ਵਿਅਕਤੀ ਦਾ ਬੋਰ ਖੁੱਲ੍ਹਾ ਪਿਆ ਹੈ, ਉਸ ਦੇ ਪਰਿਵਾਰ ਨੂੰ ਹੀ ਸਭ ਤੋਂ ਵੱਧ ਖ਼ਤਰਾ ਹੁੰਦਾ ਹੈ, ਹਾਲਾਂਕਿ ਪ੍ਰਸ਼ਾਸਨ ਵੱਲੋਂ ਅਜਿਹੇ ਮਾਮਲਿਆਂ ’ਤੇ ਰੋਕ ਲਾਉਣ ਲਈ ਸਖ਼ਤੀ ਕੀਤੀ ਗਈ ਹੈ ਪਰ ਬੋਰ ਖੁੱਲ੍ਹੇ ਛੱਡਣ ਵਾਲੇ ਵਿਅਕਤੀ ਇਸ ਗੱਲ ਦਾ ਖਿਆਲ ਕਰਨ ਕਿ ਤੁਹਾਡੀ ਇਸ ਗ਼ਲਤੀ ਨਾਲ ਕਿਸੇ ਪਰਿਵਾਰ ਨੂੰ ਕਦੇ ਨਾ ਪੂਰਾ ਹੋਣ ਵਾਲਾ ਘਾਟਾ ਪੈ ਸਕਦਾ ਹੈ। ਇਸ ਲਈ ਇਹ ਧਿਆਨ ਰੱਖੋ ਕਿ ਤੁਹਾਡੀ ਜਾਣਕਾਰੀ ‘ਚ ਕੋਈ ਵਿਅਕਤੀ ਬੋਰ ਖੁੱਲ੍ਹਾ ਛੱਡਣ ਵਰਗੀ ਗ਼ਲਤੀ ਨਾ ਕਰੇ, ਇਸ ਤੋਂ ਇਲਾਵਾ ਕੋਈ ਡੂੰਘਾ ਟੋਆ ਤੇ ਬਿਜਲੀ ਦੀਆਂ ਖੁੱਲ੍ਹੀਆਂ ਤਾਰਾਂ ਦੀ ਅਣਦੇਖੀ ਨਾ ਕਰੋ, ਖਾਸ ਕਰਕੇ ਪਿੰਡ ਦੇ ਪੰਚ-ਸਰਪੰਚ ਤੇ ਨੌਜਵਾਨ ਇਸ ਗੱਲ ਦਾ ਖਿਆਲ ਰੱਖਣ, ਕਿਉਂਕਿ ਤੁਹਾਡੀ ਛੋਟੀ ਜਿਹੀ ਸਾਵਧਾਨੀ ਕਿਸੇ ਦੀ ਜ਼ਿੰਦਗੀ ਬਚਾ ਸਕਦੀ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
