ਜੰਮੂ ‘ਚ ਮਿਲਟਰੀ ਸਟੇਸ਼ਨ ਅਤੇ ਹਵਾਈ ਫੌਜ ਸਿਗਨਲ ‘ਤੇ ਫਿਰ ਦੇਖੇ ਗਏ ਡਰੋਨ

ਜੰਮੂ : ਫੌਜ ਦੇ ਜਵਾਨਾਂ ਨੇ ਲਗਾਤਾਰ ਤੀਸਰੇ ਦਿਨ ਬੁੱਧਵਾਰ ਨੂੰ ਜੰਮੂ ਮਿਲਟਰੀ ਸਟੇਸ਼ਨ ਅਤੇ ਹਵਾ ਫੌਜ ਸਿਗਨਲ ‘ਤੇ ਡਰੋਨ ਨੂੰ ਉੱਡਦੇ ਹੋਏ ਦੇਖਿਆ। ਸੁਰੱਖਿਆ ਏਜੰਸੀ ਦੇ ਸੂਤਰਾਂ ਨੇ ਦੱਸਿਆ ਕਿ ਕਰੀਬ ਸਾਢੇ ਚਾਰ ਵਜੇ ਫੌਜ ਦੇ ਜਵਾਨਾਂ ਨੇ ਕਾਲੂਚਕ ‘ਚ ਗੋਸਵਾਮੀ ਐਨਕਲੇਵ ਦੇ ਕੋਲ ਮਿਲਟਰੀ ਸਟੇਸ਼ਨ ਦੇ ‘ਤੇ ਉੱਡਦੇ ਹੋਏ ਇੱਕ ਡਰੋਨ ਦੇਖਿਆ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਘਟਨਾ ਦੇ ਕਰੀਬ ਇੱਕ ਘੰਟੇ ਬਾਅਦ ਕੁੰਜਵਾਨੀ ਖੇਤਰ ‘ਚ 800 ਤੋਂ 1000 ਮੀਟਰ ਦੀ ਉਚਾਈ ‘ਤੇ ਹਵਾ ਫੌਜ ਦੇ ਸਿਗਨਲ ‘ਤੇ ਇੱਕ ਹੋਰ ਡਰੋਨ ਨੂੰ ਦੇਖਿਆ ਗਿਆ।

ਲੱਭ ਗਿਆ ਬਿਜਲੀ ਦੀ ਘਾਟ ਦਾ ਅਸਲ ਕਾਰਣ! ਹੁਣ ਕਿਸਾਨਾਂ ਨੂੰ ਮਿਲੇਗੀ 8 ਘੰਟੇ ਬਿਜਲੀ! ਸੁਣ ਬਾਗੋ-ਬਾਗ ਹੋਏ ਕਿਸਾਨ!

ਸੂਤਰਾਂ ਨੇ ਕਿਹਾ ‘‘ਦੋਵੇਂ ਸਥਾਨਾਂ ਦੀ ਪਹਿਲਾਂ ਹੀ ਘੇਰਾਬੰਦੀ ਕਰ ਦਿੱਤੀ ਗਈ ਅਤੇ ਹਾਈ ਅਲਰਟ ਜਾਰੀ ਕੀਤਾ ਗਿਆ ਹੈ।’’ ਇਸ ਤੋਂ ਇੱਕ ਦਿਨ ਪਹਿਲਾਂ ਫੌਜ ਦੇ ਜਵਾਨਾਂ ਨੇ ਮੰਗਲਵਾਰ ਨੂੰ ਸ਼ਹਿਰ ਦੇ ਬਾਹਰੀ ਇਲਾਕਿਆਂ ‘ਚ ਰਤਨੁਚਕ – ਕੁੰਜਵਾਨੀ ਇਲਾਕਿਆਂ ‘ਚ ਫੌਜੀ ਸਟੇਸ਼ਨ ਦੇ ਕੋਲ ਡਰੋਨ ਦੇਖਿਆ ਸੀ। ਇਸ ਤੋਂ ਪਹਿਲਾਂ ਸੋਮਵਾਰ ਨੂੰ ਫੌਜ ਦੇ ਚੇਤੰਨ ਜਵਾਨਾਂ ਨੇ ਜੰਮੂ ਸ਼ਹਿਰ ਦੇ ਬਾਹਰੀ ਇਲਾਕਿਆਂ ‘ਚ ਰਤਨੁਚਕ – ਕਾਲੂਚਕ ਫੌਜੀ ਸਟੇਸ਼ਨ ਦੇ ਕੋਲ ਡਰੋਨ ਗਤੀਵਿਧੀ ਨੂੰ ਅਸਫਲ ਕਰ ਦਿੱਤਾ ਸੀ।