‘ਖਾਲੀ ਸਰਿੰਜ਼ ਨਾਲ ਲੱਗਦਾ ਰਿਹਾ ਕੋਰੋਨਾ ਦਾ ਟੀਕਾ ! ਹੁਣ ਘੋਟਾਲੇ ਦੀ ਹੋਵੇਗੀ ਜਾਂਚ

ਇੰਟਰਨੈਸ਼ਨਲ ਡੈਸਕ : ਕੋਰੋਨਾ ਵੈਕਸੀਨੇਸ਼ਨ ਨੂੰ ਲੈ ਕੇ ਹੁਣ ਨਵਾਂ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਪੇਰੂ ‘ਚ ਕੋਰੋਨਾ ਵਾਇਰਸ ਟੀਕਾਕਰਣ ਮੁਹਿੰਮ ਦੇ ਦੌਰਾਨ ਖਾਲੀ ਸਰਿੰਜ ਦੇ ਜ਼ਰੀਏ ਲੋਕਾਂ ਨੂੰ ਟੀਕਾ ਲਗਾਉਣ ਦਾ ਪਰਦਾਫਾਸ਼ ਹੋਇਆ ਹੈ। ਪੇਰੂ ਦੇ ਸਿਹਤ ਮੰਤਰਾਲੇ ਨੇ ਦੱਸਿਆ ਕਿ ਮਾਰਚ ‘ਚ ਸ਼ੁਰੂ ਹੋਈ ਮੁਹਿੰਮ ਦੇ ਦੌਰਾਨ ਰਾਜਧਾਨੀ ਲੀਮਾ ‘ਚ ਤਿੰਨ ਅਜਿਹੇ ਮਾਮਲੇ ਸਾਹਮਣੇ ਆਏ ਹਨ। ਸਿਹਤ ਮੰਤਰਾਲੇ ਦੇ ਬੁਲਾਰੇ ਨੇ ਕਿਹਾ ਇਨ੍ਹਾਂ ਤਿੰਨ ਮਾਮਲਿਆਂ ‘ਚ ਸ਼ਾਮਿਲ ਲੋਕਾਂ ਅਤੇ ਸਥਾਨਾਂ ਦੀ ਪਹਿਚਾਣ ਕਰ ਲਈ ਗਈ ਹੈ। ਉਨ੍ਹਾਂ ਨੇ ਇਸ ਮਾਮਲੇ ‘ਚ ਸ਼ਾਮਿਲ ਨਰਸਾਂ ਦੀ ਪਹਿਚਾਣ ਪਰਗਟ ਕਰਨ ਤੋਂ ਮਨਾਹੀ ਕਰ ਦਿੱਤੀ ਹੈ ਅਤੇ ਕਿਹਾ ਕਿ ਜਾਂਚ ਦੇ ਨਤੀਜ਼ੇ ਵੀਰਵਾਰ ਨੂੰ ਜਾਰੀ ਕੀਤੇ ਜਾਣਗੇ। ਆਰੋਪੀ ਨਰਸਾਂ ਦੇ ਖਿਲਾਫ ਜਾਂਚ ਕੀਤੀ ਜਾ ਰਹੀ ਹੈ।

ਰਾਤ ਦੇ ਹਨੇਰੇ ‘ਚ ਦੁਕਾਨਦਾਰ ਕਰਦੇ ਸੀ ਆਹ ਕੰਮ ! ਮੌਕੇ ‘ਤੇ ਪਹੁੰਚ ਗਿਆ ਪੱਤਰਕਾਰ ! ਫਿਰ ਹੋਏ ਵੱਡੇ ਖੁਲਾਸੇ !

ਪੇਰੂ ਦੇ ਰਾਸ਼ਟਰਪਤੀ ਨੇ ਮੰਗਲਵਾਰ ਨੂੰ ਕਿਹਾ ਕਿ ਇਹ ਮਾਮਲਾ ਬਹੁਤ ਚਿੰਤਾਜਨਕ ਹੈ। ਮਿਗੁਐਲ ਓਲਾਵੇ ਨੇ ‘ਐਲ ਕਾਮੇਰਸਿਓ ਨੂੰ ਦੱਸਿਆ ਕਿ ਉਨ੍ਹਾਂ ਦੀ ਮਾਂ ਮਾਰਗਰੀਟਾ ਮੋਰੇਨੋ 30 ਅਪ੍ਰੈਲ ਨੂੰ ਟੀਕਾਕਰਣ ਲਈ ਗਈ ਸੀ, ਉਦੋਂ ਉਨ੍ਹਾਂ ਨੇ ਗੌਰ ਕੀਤਾ ਕਿ ਨਰਸ ਨੇ ਪਹਿਲਾਂ ਉਨ੍ਹਾਂ ਨੂੰ ਖਾਲੀ ਸਰਿੰਜ਼ ਨਾਲ ਸੂਈ ਲਗਾਉਣ ਦੀ ਕੋਸ਼ਿਸ਼ ਕੀਤੀ, ਜਦੋਂ ਉਨ੍ਹਾਂ ਨੇ ਇਸਦਾ ਵਿਰੋਧ ਕੀਤਾ ਤਾਂ ਨਰਸ ਨੇ ਟੀਕੇ ਨਾਲ ਭਰੀ ਸਰਿੰਜ਼ ਦਾ ਇਸਤੇਮਾਲ ਕੀਤਾ। ਖਾਲੀ ਸਰਿੰਜ਼ ਦੇ ਇਨ੍ਹਾਂ ਮਾਮਲਿਆਂ ਤੋਂ ਪਹਿਲਾਂ ਵੀ ਪੇਰੂ ‘ਚ ਇੱਕ ਗੜਬੜੀ ਹੋਈ ਸੀ, ਜਿਸ ‘ਚ ਖੁਲਾਸਾ ਹੋਇਆ ਸੀ ਕਿ ਤੁਰੰਤ ਰਾਸ਼ਟਰਪਤੀ ਮਾਰਟਿਨ ਵਿਜਕਾਰਾ ਅਤੇ ਉਨ੍ਹਾਂ ਦੀ ਪਤਨੀ ਸਮੇਤ ਕਰੀਬ 500 ਵਿਸ਼ੇਸ਼ ਲੋਕਾਂ ਨੇ ਟੀਕਾਕਰਣ ਆਧਿਕਾਰਿਕ ਰੂਪ ਨਾਲ ਸ਼ੁਰੂ ਹੋਣ ਤੋਂ ਪਹਿਲਾਂ ਦੇ ਟੀਕੇ ਲਵਾ ਲਏ ਸਨ।

ਦੁਕਾਨਦਾਰਾਂ ਤੋਂ ਬਾਅਦ ਹੁਣ ਆਹ ਬੰਦਿਆਂ ਦੇ ਹੱਕ ‘ਚ ਡਟੇ ਕਿਸਾਨ ! ਅੱਧੀ ਰਾਤ ਨੂੰ ਚੜੂਨੀ ਨੇ ਰੱਖਤੀ ਨਵੀਂ ਮੰਗ !

ਦੱਸ ਦਈਏ ਕਿ ਕੋਰੋਨਾ ਵੈਕਸੀਨੇਸ਼ਨ ਨੂੰ ਲੈ ਕੇ ਦੁਨੀਆ ਭਰ ‘ਚ ਪਹਿਲਾਂ ਵੀ ਕਈ ਲਾਪਰਵਾਹੀਆਂ ਸਾਹਮਣੇ ਆ ਚੁੱਕੀਆਂ ਹਨ। ਇਸ ਕਾਰਨ ਕਈ ਲੋਕਾਂ ਦੀ ਜਾਨ ਵੀ ਜੋਖਮ ‘ਚ ਪੈ ਚੁੱਕੀ ਹੈ। ਇਸ ਤੋਂ ਪਹਿਲਾਂ ਇਟਲੀ ਦੇ ਟਸਕਨੀ ਵਿੱਚ ਨੋਆ ਹਸਪਤਾਲ ਵਿੱਚ ਇੱਕ ਮਹਿਲਾ ਨੂੰ ਕੋਰੋਨਾ ਵੈਕਸੀਨ ਦੀ ਗਲਤੀ ਨਾਲ ਛੇ ਖੁਰਾਕਾਂ ਦੇ ਦਿੱਤੀਆਂ ਗਈਆਂ। ਮਹਿਲਾ ਦੀ ਉਮਰ 23 ਸਾਲ ਹੈ ਅਤੇ ਉਸਨੂੰ ਫਾਇਜ਼ਰ ਬਾਇਓਐਨਟੈਕ ਦੀਆਂ ਛੇ ਖੁਰਾਕਾਂ ਗਲਤੀ ਨਾਲ ਦੇ ਦਿੱਤੀਆਂ ਗਈਆਂ। ਮਹਿਲਾ ‘ਤੇ ਵੈਕਸੀਨ ਦਾ ਇਨ੍ਹਾਂ ਖੁਰਾਕਾਂ ਦਾ ਕੋਈ ਗਲਤ ਅਸਰ ਨਾ ਪਏ, ਇਸ ਦੇ ਲਈ ਉਸਨੂੰ ਹਸਪਤਾਲ ‘ਚ ਨਿਗਰਾਨੀ ‘ਤੇ ਰੱਖਿਆ ਗਿਆ। ਮਹਿਲਾ ਹਸਪਤਾਲ ਦੇ ਮਨੋਵਿਗਿਆਨਕ ਵਿਭਾਗ ਵਿੱਚ ਇੰਟਰਨ ਸੀ।