40 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਟੁੱਟੀ ਵਿੰਡ ਸਕਰੀਨ

ਅਮਰੀਕਾ ਦੇ ਸੈਨ ਫਰਾਂਸਿਸਕੋ ਜਾ ਰਹੇ ਜਹਾਜ਼ ਦੀ ਵਿੰਡਸਕਰੀਨ 40 ਹਜ਼ਾਰ ਫੁੱਟ ਦੀ ਉਚਾਈ ‘ਤੇ ਟੁੱਟ ਗਈ। ਇਸ ਕਾਰਨ ਜਹਾਜ਼ ਨੂੰ ਆਪਣੀ ਦਿਸ਼ਾ ਬਦਲਣੀ ਪਈ। ਇਹ ਜਹਾਜ਼ ਵਰਜਿਨ ਐਟਲਾਂਟਿਕ ਏਅਰਲਾਈਨਜ਼ ਦਾ ਸੀ। ਏਅਰਲਾਈਨ ਕੰਪਨੀ ਦਾ ਕਹਿਣਾ ਹੈ ਕਿ ਬੋਇੰਗ 787-9 ਜਹਾਜ਼ ਨੇ ਲੰਡਨ ਦੇ ਹੀਥਰੋ ਹਵਾਈ ਅੱਡੇ ਤੋਂ ਉਡਾਣ ਭਰੀ ਸੀ। ਫਲਾਈਟ ਦੇ ਤਿੰਨ ਘੰਟੇ ਬਾਅਦ ਹੀ ਜਹਾਜ਼ ਦੇ ਕਾਕਪਿਟ ਦੀ ਵਿੰਡਸਕਰੀਨ ਦੀ ਬਾਹਰੀ ਪਰਤ ਫਟ ਗਈ। 

ਵਿੰਡਸਕਰੀਨ ਉਦੋਂ ਟੁੱਟ ਗਈ ਜਦੋਂ ਜਹਾਜ਼ ਗ੍ਰੀਨਲੈਂਡ ਅਤੇ ਆਈਸਲੈਂਡ ਵਿਚਕਾਰ ਸੀ। ਰਿਪੋਰਟਾਂ ਮੁਤਾਬਕ ਬਾਹਰ ਦਾ ਤਾਪਮਾਨ -58 ਡਿਗਰੀ ਸੀ। ਸਾਰੇ ਯਾਤਰੀ ਅਤੇ ਕੈਬਿਨ ਕਰੂ ਮੈਂਬਰ ਸੁਰੱਖਿਅਤ ਹਨ। ਕਪਤਾਨ ਨੇ ਸਮੱਸਿਆ ਦਾ ਪਤਾ ਲੱਗਣ ਤੋਂ ਤੁਰੰਤ ਬਾਅਦ ਹੀਥਰੋ ਵਾਪਸ ਜਾਣ ਦਾ ਫੈਸਲਾ ਕੀਤਾ। ਯਾਤਰੀਆਂ ਨੂੰ ਦੂਜੇ ਜਹਾਜ਼ਾਂ ਦੁਆਰਾ ਸੁਰੱਖਿਅਤ ਢੰਗ ਨਾਲ ਉਨ੍ਹਾਂ ਦੀਆਂ ਮੰਜ਼ਿਲਾਂ ‘ਤੇ ਪਹੁੰਚਾਇਆ ਗਿਆ।