29 ਦਿਨਾਂ ਤੋਂ ਜੇਲ੍ਹ ‘ਚ ਬੰਦ ਰਾਜਸਥਾਨ ਦੀ ਮਹਿਲਾ SDM ਨੂੰ 10 ਦਿਨ ਦੀ ਮਿਲੀ ਜ਼ਮਾਨਤ, ਜੱਜ ਨਾਲ ਕਰੇਗੀ ਵਿਆਹ
ਜੈਪੁਰ : 10 ਲੱਖ ਰੁਪਏ ਰਿਸ਼ਵਤ ਲੈਣ ਦੇ ਇਲਜ਼ਾਮ ‘ਚ ਜੇਲ੍ਹ ‘ਚ ਬੰਦ SDM ਪਿੰਕੀ ਮੀਨਾ 16 ਫਰਵਰੀ ਨੂੰ ਜੱਜ ਨਾਲ ਵਿਆਹ ਕਰਨ ਵਾਲੀ ਹੈ। ਰਾਜਸਥਾਨ ਹਾਈਕੋਰਟ ਦੇ ਜੈਪੁਰ ਬੈਂਚ ਦੇ ਜਸਟੀਸ ਇੰਦਰਜੀਤ ਸਿੰਘ ਨੇ ਉਨ੍ਹਾਂ ਨੂੰ 10 ਦਿਨ ਦੀ ਬਾਸ਼ਰਤ ਜ਼ਮਾਨਤ ਦਿੱਤੀ ਹੈ। ਦੌਸਾ ਵਿੱਚ ਹਾਈਵੇ ਬਣਾ ਰਹੀ ਕੰਪਨੀ ਤੋਂ ਪੈਸੇ ਲੈਣ ਦੀ ਆਰੋਪੀ SDM ਪਿੰਕੀ 29 ਦਿਨਾਂ ਤੋਂ ਜੈਪੁਰ ਦੀ ਘਾਟਗੇਟ ਜੇਲ੍ਹ ‘ਚ ਬੰਦ ਸਨ। ਬੁੱਧਵਾਰ ਰਾਤ ਉਨ੍ਹਾਂ ਨੂੰ ਰਿਹਾ ਕਰ ਦਿੱਤਾ ਗਿਆ। ਪਿੰਕੀ ਮੀਨਾ ਨੂੰ ਮਹਿਲਾ ਜੇਲ੍ਹ ਦੇ ਗੇਟ ਦੀ ਬਜਾਏ ਸੈਂਟਰਲ ਜੇਲ੍ਹ ਦੇ ਮੇਨ ਗੇਟ ਤੋਂ ਬਾਹਰ ਕੱਢਿਆ ਗਿਆ। ਉਨ੍ਹਾਂ ਦੇ ਪਰਿਵਾਰ ਦੇ ਲੋਕ ਉਨ੍ਹਾਂ ਨੂੰ ਲੈਣ ਆਏ ਸਨ। ਉਹ ਜੈਪੁਰ ਤੋਂ ਚਾਮੂ ਦੇ ਚਿਤਵਾੜੀ ਆਪਣੇ ਪਿੰਡ ਲਈ ਰਵਾਨਾ ਹੋਈ। ਪਿੰਕੀ ਨੂੰ ਵਿਆਹ ਦੇ ਪੰਜ ਦਿਨ ਬਾਅਦ ਯਾਨੀ 21 ਫਰਵਰੀ ਨੂੰ ਸਰੇਂਡਰ ਕਰਨਾ ਹੋਵੇਗਾ। ਮਾਮਲੇ ਦੀ ਅਗਲੀ ਸੁਣਵਾਈ 22 ਫਰਵਰੀ ਨੂੰ ਹੋਵੇਗੀ।
ਕਿਸਾਨਾਂ ਦੇ ਹੱਕ ‘ਚ ‘ਆਪ’ ਆਗੂ ਦਾ ਵੱਡਾ ਬਿਆਨ! ਦਿੱਲੀ ਤੋਂ ਪਹੁੰਚਿਆ ਪੰਜਾਬ, ਕਿਸਾਨ ਹੋਏ ਖੁਸ਼!
ਹੇਠਲੀ ਅਦਾਲਤ ਨੇ ਠੁਕਰਾ ਦਿੱਤੀ ਸੀ ਜ਼ਮਾਨਤ ਮੰਗ
ਐਸ ਡੀ ਐਮ ਮੀਨਾ ਨੇ ਜਨਵਰੀ 2021 ਵਿਚ ਹੇਠਲੀ ਅਦਾਲਤ ਵਿਚ ਜ਼ਮਾਨਤ ਲਈ ਅਰਜ਼ੀ ਦਿੱਤੀ ਸੀ, ਪਰ ਅਦਾਲਤ ਨੇ ਜ਼ਮਾਨਤ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਸਰਕਾਰੀ ਵਕੀਲ ਨੇ ਜਾਂਚ ਪ੍ਰਭਾਵਿਤ ਹੋਣ ਦਾ ਹਵਾਲਾ ਦਿੰਦਿਆਂ ਜ਼ਮਾਨਤ ਦਾ ਵਿਰੋਧ ਕੀਤਾ ਸੀ। ਹਾਲਾਂਕਿ, ਹੁਣ ਹਾਈਕੋਰਟ ਤੋਂ ਪਿੰਕੀ ਨੂੰ ਵਿਆਹ ਦੇ 6 ਦਿਨ ਪਹਿਲਾਂ ਜ਼ਮਾਨਤ ਮਿਲ ਗਈ ਹੈ।
ਦਿੱਲੀ ਮੁੰਬਈ ਐਕਸਪ੍ਰੈਸ ਹਾਈਵੇ ਬਣਾ ਰਹੀ ਕੰਪਨੀ ਤੋਂ ਲਈ ਸੀ ਰਿਸ਼ਵਤ
ACB ਨੇ 13 ਜਨਵਰੀ ਨੂੰ ਹਾਈਵੇ ਉਸਾਰੀ ਕਰਨ ਵਾਲੀ ਕੰਪਨੀ ਤੋਂ 5 ਲੱਖ ਦੀ ਰਿਸ਼ਵਤ ਲੈਂਦੇ ਦੌਸਾ SDM ਪੁਸ਼ਕਰ ਮਿੱਤਲ ਅਤੇ 10 ਲੱਖ ਦੀ ਰਿਸ਼ਵਤ ਲੈਣ ਦੀ ਸ਼ਿਕਾਇਤ ‘ਤੇ ਬਾਂਦੀਕੁਈ SDM ਪਿੰਕੀ ਮੀਨਾ ਨੂੰ ਗ੍ਰਿਫਤਾਰ ਕੀਤਾ ਸੀ। ਇਲਜ਼ਾਮ ਹੈ ਕਿ ਦੋਵੇਂ ਐਸ.ਡੀ.ਐਮਜ਼ ਨੇ ਭਾਰਤਮਾਲਾ ਪ੍ਰਾਜੈਕਟ (ਦਿੱਲੀ ਮੁੰਬਈ ਐਕਸਪ੍ਰੈਸ ਹਾਈਵੇ) ਕੰਪਨੀ ਦੇ ਅਧਿਕਾਰੀਆਂ ਤੋਂ ਰਿਸ਼ਵਤ ਦੀ ਮੰਗ ਕੀਤੀ ਸੀ।
ਕੈਬਨਿਟ ਮੰਤਰੀ ਧਰਮਸੋਤ ਦਾ ਵੱਡਾ ਬਿਆਨ! ਮੋਦੀ ਨੂੰ ਕਹਿ ਗਿਆ ਸਿਰੇ ਦੀ ਗੱਲ
ਮੀਨਾ ਨੇ ਪਹਿਲੀ ਵਾਰ ਆਰਏਐਸ ਕਲੀਅਰ ਕੀਤਾ
ਪਿੰਕੀ ਮੀਨਾ ਜੈਪੁਰ ਜ਼ਿਲੇ ਦੇ ਚੌਮੂਨ ਦੇ ਪਿੰਡ ਚਿਤਵਾੜੀ ਦੀ ਰਹਿਣ ਵਾਲੀ ਹੈ। ਸਰਕਾਰੀ ਸਕੂਲ ਤੋਂ ਪੜਾਈ ਪੂਰੀ ਕਰਨ ਵਾਲੀ ਪਿੰਕੀ ਮੀਨਾ ਦੇ ਪਿਤਾ ਕਿਸਾਨ ਹਨ। ਉਨ੍ਹਾਂ ਨੇ ਪਹਿਲੀ ਵਾਰ ‘ਚ ਹੀ RAS ਦੀ ਪ੍ਰੀਖਿਆ ਕਲੀਅਰ ਕਰ ਲਈ ਸੀ ਪਰ 21 ਸਾਲ ਉਮਰ ਨਹੀਂ ਹੋਣ ਦੇ ਕਾਰਨ ਉਹ ਇੰਟਰਵਿਊ ਨਹੀਂ ਦੇ ਪਾਈ ਸੀ। ਇਸ ਤੋਂ ਬਾਅਦ 2016 ‘ਚ ਫਿਰ ਤੋਂ ਮੇਰਿਟ ਨਾਲ ਪ੍ਰੀਖਿਆ ਕਲਿਅਰ ਕੀਤੀ। ਪਹਿਲੀ ਪੋਸਟਿੰਗ ਟੋਂਕ ਵਿੱਚ ਮਿਲੀ ਸੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
