ਪੰਜਾਬ ਵਿੱਚ ਰੇਲ ਯਾਤਰੀਆਂ ਲਈ 5 ਦਸੰਬਰ ਦਾ ਦਿਨ ਭਾਰੀ ਸਾਬਤ ਹੋਣ ਵਾਲਾ ਹੈ। ਕਿਸਾਨ ਮਜ਼ਦੂਰ ਮੋਰਚਾ (ਭਾਰਤ) ਨੇ ਆਪਣੀਆਂ ਮੰਗਾਂ ਨੂੰ ਲੈ ਕੇ ਸੂਬੇ ਭਰ ਵਿੱਚ ਰੇਲ ਪਟੜੀਆਂ ਨੂੰ ਜਾਮ ਕਰਨ ਦਾ ਵੱਡਾ ਐਲਾਨ ਕਰ ਦਿੱਤਾ ਹੈ। ਮੋਰਚਾ 5 ਦਸੰਬਰ 2025 ਨੂੰ ਦੁਪਹਿਰ 1 ਵਜੇ ਤੋਂ 3 ਵਜੇ ਤੱਕ 2 ਘੰਟੇ ਦਾ ਸੰਕੇਤਕ ‘ਰੇਲ ਰੋਕੋ’ (Rail Roko) ਅੰਦੋਲਨ ਕਰੇਗਾ। ਇਸ ਤਹਿਤ ਸੂਬੇ ਦੇ 19 ਜ਼ਿਲ੍ਹਿਆਂ ਵਿੱਚ 26 ਥਾਵਾਂ ‘ਤੇ ਟਰੇਨਾਂ ਨੂੰ ਰੋਕਿਆ ਜਾਵੇਗਾ।
ਇਹ ਐਲਾਨ ਬਿਜਲੀ ਸੋਧ ਬਿੱਲ 2025 ਦੇ ਖਰੜੇ ਨੂੰ ਰੱਦ ਕਰਨ, ਪ੍ਰੀਪੇਡ ਮੀਟਰ ਹਟਾਉਣ ਅਤੇ ਭਗਵੰਤ ਮਾਨ ਸਰਕਾਰ ਦੁਆਰਾ ਕਥਿਤ ਤੌਰ ‘ਤੇ ਜਨਤਕ ਸੰਪਤੀਆਂ ਨੂੰ ਜਬਰਨ ਵੇਚਣ ਦੇ ਵਿਰੋਧ ਵਿੱਚ ਕੀਤਾ ਗਿਆ ਹੈ।
ਕਿਸਾਨ ਆਗੂਆਂ ਨੇ ਜਾਣਕਾਰੀ ਦਿੱਤੀ ਹੈ ਕਿ ਵਿਰੋਧ ਪ੍ਰਦਰਸ਼ਨ ਦੌਰਾਨ ਹੇਠ ਲਿਖੇ ਰੇਲਵੇ ਸਟੇਸ਼ਨਾਂ ਅਤੇ ਟਰੈਕਾਂ ਨੂੰ ਜਾਮ ਕੀਤਾ ਜਾਵੇਗਾ:
1. ਅੰਮ੍ਰਿਤਸਰ (Amritsar): ਦਿੱਲੀ-ਅੰਮ੍ਰਿਤਸਰ ਮੁੱਖ ਰੇਲ ਮਾਰਗ ‘ਤੇ ਦੇਵੀਦਾਸਪੁਰਾ ਅਤੇ ਮਜੀਠਾ ਸਟੇਸ਼ਨ।
2.ਅੰਮ੍ਰਿਤਸਰ-ਜੰਮੂ ਕਸ਼ਮੀਰ ਰੇਲ ਮਾਰਗ, ਬਟਾਲਾ ਰੇਲਵੇ ਸਟੇਸ਼ਨ, ਗੁਰਦਾਸਪੁਰ ਰੇਲਵੇ ਸਟੇਸ਼ਨ ਅਤੇ ਡੇਰਾ ਬਾਬਾ ਨਾਨਕ ਰੇਲਵੇ ਸਟੇਸ਼ਨ।
3. ਪਰਮਾਨੰਦ ਫਾਟਕ।
4. ਤਰਨਤਾਰਨ ਰੇਲਵੇ ਸਟੇਸ਼ਨ।
5. ਬਸਤੀ ਟੈਂਕਾਂ ਵਾਲੀ, ਮੱਲਾਂਵਾਲਾ ਅਤੇ ਤਲਵੰਡੀ ਭਾਈ।
6. ਡਡਵਿੰਡੀ ਦੇ ਨੇੜੇ (ਸੁਲਤਾਨਪੁਰ ਲੋਧੀ)।
7.ਜਲੰਧਰ ਕੈਂਟ।
8. ਟਾਂਡਾ (ਜੰਮੂ ਕਸ਼ਮੀਰ-ਜਲੰਧਰ ਰੇਲ ਮਾਰਗ) ਅਤੇ ਪੁਰਾਣਾ ਭੰਗਾਲ ਰੇਲਵੇ ਸਟੇਸ਼ਨ।
9. ਸ਼ੰਭੂ ਅਤੇ ਬਾਰਨ (ਨਾਭਾ)।
10. ਸੁਨਾਮ ਊਧਮ ਸਿੰਘ ਵਾਲਾ।
11. ਫਾਜ਼ਿਲਕਾ ਰੇਲਵੇ ਸਟੇਸ਼ਨ।
12. ਮੋਗਾ ਰੇਲਵੇ ਸਟੇਸ਼ਨ।
13.: ਰਾਮਪੁਰਾ ਰੇਲਵੇ ਸਟੇਸ਼ਨ।
14. : ਮਲੋਟ ਅਤੇ ਮੁਕਤਸਰ।
15. ਅਹਿਮਦਗੜ੍ਹ।
16. ਮਾਨਸਾ ਰੇਲਵੇ ਸਟੇਸ਼ਨ।
17. ਸਾਹਨੇਵਾਲ ਰੇਲਵੇ ਸਟੇਸ਼ਨ।
18. ਫਰੀਦਕੋਟ ਰੇਲਵੇ ਸਟੇਸ਼ਨ।
19. ਰੋਪੜ ਰੇਲਵੇ ਸਟੇਸ਼ਨ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
