ਮੱਧ ਪ੍ਰਦੇਸ਼ ’ਚ ਛਤਰਪੁਰ ਜ਼ਿਲ੍ਹੇ ਦੇ ਧਮੌਰਾ ਕਸਬਾ ਸਥਿਤ ਸਰਕਾਰੀ ਹਾਇਰ ਸੈਕੰਡਰੀ ਸਕੂਲ ਵਿਚ ਸ਼ੁੱਕਰਵਾਰ ਦੁਪਹਿਰ ਵੇਲੇ 12ਵੀਂ ਜਮਾਤ ਦੇ ਵਿਦਿਆਰਥੀ ਨੇ ਝਿੜਕਣ ਤੋਂ ਨਾਰਾਜ਼ ਹੋ ਕੇ ਪ੍ਰਿੰਸੀਪਲ ਐੱਸ ਕੇ ਸਕਸੈਨਾ ਦਾ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ। ਵਾਰਦਾਤ ਦੇ ਮਗਰੋਂ ਮੁਲਜ਼ਮ ਪ੍ਰਿੰਸੀਪਲ ਦੀ ਸਕੂਟੀ ਲੈ ਕੇ ਫਰਾਰ ਹੋ ਗਿਆ। ਭੱਜਦੇ ਵਿਦਿਆਰਥੀ ਦੀ ਫੁਟੇਜ ਸੀਸੀਟੀਵੀ ਕੈਮਰੇ ’ਚ ਮਿਲੀ ਹੈ। ਪੁਲਿਸ ਨੇ ਵਾਰਦਾਤ ਦੇ ਦੋ ਘੰਟੇ ਬਾਅਦ ਮੁਲਜ਼ਮ ਵਿਦਿਆਰਥੀ ਨੂੰ ਮਹੋਬਾ ਦੇ ਲਾਗਿਓਂ ਫੜ ਲਿਆ ਹੈ। ਮੁਲਜ਼ਮ ਵਿਦਿਆਰਥੀ ਨਾਬਾਲਗ ਹੈ।
ਵਾਰਦਾਤ ਦੀ ਸੂਚਨਾ ਮਿਲਣ ’ਤੇ ਪੁਲਿਸ ਸੁਪਰੀਟੈਂਡੈਂਟ ਅਗਮ ਜੈਨ, ਐੱਸਐੱਸਪੀ ਵਿਕਰਮ ਸਿੰਘ ਮੈਯ ਪੁਲਿਸ ਬਲ ਨਾਲ ਮੌਕੇ ’ਤੇ ਪਹੁੰਚ ਗਏ ਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਦੱਸਿਆ ਗਿਆ ਹੈ ਕਿ ਐੱਸ ਕੇ ਸਕਸੈਨਾ ਜਦੋਂ ਵਾਸ਼ਰੂਮ ਵੱਲ ਜਾ ਰਹੇ ਸੀ ਤਾਂ ਮੁਲਜ਼ਮ ਵਿਦਿਆਰਥੀ ਵੀ ਕੱਟਾ ਲੈ ਕੇ ਉੱਥੇ ਪਹੁੰਚਿਆ ਤੇ ਉਸ ਦੇ ਸਿਰ ਵਿਚ ਗੋਲੀ ਮਾਰ ਦਿੱਤੀ। ਉਨ੍ਹਾਂ ਦੀ ਘਟਨਾ ਵਾਲੀ ਥਾਂ ’ਤੇ ਹੀ ਮੌਤ ਹੋ ਗਈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
