ਗੁਆਂਢੀ ਸੂਬੇ ਰਾਜਸਥਾਨ ਦੇ ਅਜਮੇਰ ਤੋਂ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ 100 ਤੋਂ ਵੱਧ ਪੁਲਸ ਵਾਲਿਆਂ ਨਾਲ ਧੋਖਾ ਹੋਇਆ ਹੈ। ਅਤੇ ਸਭ ਤੋਂ ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਜਿਸ ਵਿਅਕਤੀ ਨੇ ਉਨ੍ਹਾਂ ਨਾਲ ਠੱਗੀ ਮਾਰੀ ਹੈ ਉਹ ਕੋਈ ਬਾਹਰੀ ਨਹੀਂ ਸਗੋਂ ਉਨ੍ਹਾਂ ਦਾ ਆਪਣਾ ਸਾਥੀ ਕਾਂਸਟੇਬਲ ਸੀ। ਪੁਲਸ ਲਾਈਨ ਅਜਮੇਰ ਵਿੱਚ ਤਾਇਨਾਤ ਕਾਂਸਟੇਬਲ ਪਵਨ ਮੀਣਾ ‘ਤੇ ਆਪਣੇ ਸਾਥੀ ਪੁਲਸ ਮੁਲਾਜ਼ਮਾਂ ਨੂੰ ਕਰੋੜਾਂ ਦੇ ਹਾਈਵੇ ਪ੍ਰੋਜੈਕਟਾਂ ਅਤੇ ਵੱਡੀ ਕਮਾਈ ਦੇ ਸੁਪਨੇ ਦਿਖਾ ਕੇ ਧੋਖਾ ਦੇਣ ਦਾ ਦੋਸ਼ ਹੈ। ਪਵਨ ਮੀਣਾ ਨੇ ਉਨ੍ਹਾਂ ਨੂੰ ਭਰੋਸਾ ਦਿੱਤਾ ਕਿ ਜੇਕਰ ਉਹ ਇਹਨਾਂ ਪ੍ਰੋਜੈਕਟਾਂ ਵਿੱਚ ਪੈਸਾ ਲਗਾਉਂਦੇ ਹਨ, ਤਾਂ ਉਨ੍ਹਾਂ ਦੀ ਆਮਦਨ ਚੌਗੁਣੀ ਹੋ ਜਾਵੇਗੀ। ਉਹ ਕਹਿੰਦਾ ਹੁੰਦਾ ਸੀ, ‘ਨੌਕਰੀ ਤੋਂ ਮਿਲਣ ਵਾਲੀ ਤਨਖਾਹ ਨਾਲ ਘਰ ਚਲਾਉਣਾ ਔਖਾ ਹੈ, ਸਾਨੂੰ ਕੁਝ ਵੱਡਾ ਕਰਨਾ ਪਵੇਗਾ।’
ਇਹ ਧੋਖਾਧੜੀ ਉਦੋਂ ਸਾਹਮਣੇ ਆਈ ਜਦੋਂ ਕਾਂਸਟੇਬਲ ਦੀਪਕ ਵੈਸ਼ਨਵ ਨੇ 9 ਅਪ੍ਰੈਲ 2025 ਨੂੰ ਕਲਾਕ ਟਾਵਰ ਪੁਲਸ ਸਟੇਸ਼ਨ ਵਿੱਚ ਪਵਨ ਵਿਰੁੱਧ ਸ਼ਿਕਾਇਤ ਦਰਜ ਕਰਵਾਈ। ਦੀਪਕ ਨੇ ਕਿਹਾ ਕਿ ਪਵਨ ਉਸਦਾ ਬੈਚਮੇਟ ਸੀ ਅਤੇ ਅਕਸਰ ਉਸਨੂੰ ਪੁਲਸ ਸਟੇਸ਼ਨ ਮਿਲਣ ਆਉਂਦਾ ਸੀ, ਜਿੱਥੇ ਉਸਦੀ ਹੋਰ ਪੁਲਸ ਵਾਲਿਆਂ ਨਾਲ ਵੀ ਜਾਣ-ਪਛਾਣ ਹੋਈ। ਹੌਲੀ-ਹੌਲੀ ਉਸਨੇ ਸਾਰਿਆਂ ਨੂੰ ਨਿਵੇਸ਼ ਲਈ ਲੁਭਾਉਣਾ ਸ਼ੁਰੂ ਕਰ ਦਿੱਤਾ। ਦੀਪਕ ਨੇ ਦੋਸ਼ ਲਗਾਇਆ ਕਿ ਪਵਨ ਨੇ ਉਸ ਨਾਲ 1 ਕਰੋੜ ਰੁਪਏ ਦੀ ਧੋਖਾਧੜੀ ਕੀਤੀ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
