ਹਰਿਆਣਾ ਖੇਤੀਬਾੜੀ ਮੰਤਰੀ ‘ਤੇ ਭੜਕੀ ਤਾਪਸੀ – ਰਿਚਾ,’ਇਹ ਬਹੁਤ ਹੀ ਅਪਮਾਨਜਨਕ ਹੈ’
ਮੁੰਬਈ : ਕਾਲੇ ਖੇਤੀਬਾੜੀ ਕਾਨੂੰਨਾਂ ਦੇ ਖਿਲਾਫ ਕਿਸਾਨਾਂ ਦਾ ਅੰਦੋਲਨ ਅਜੇ ਤੱਕ ਜਾਰੀ ਹੈ। ਇਸ ਮੁੱਦੇ ‘ਤੇ ਨਾ ਸਿਰਫ ਕਈ ਵੱਡੇ ਆਗੂ ਬਲਕਿ ਬਾਲੀਵੁੱਡ ਅਦਾਕਾਰ ਵੀ ਆਪਣੀ ਰਾਏ ਰੱਖ ਰਹੇ ਹਨ। ਹਾਲ ਹੀ ‘ਚ ਹਰਿਆਣਾ ਖੇਤੀਬਾੜੀ ਮੰਤਰੀ ਜੈ ਪ੍ਰਕਾਸ਼ ਨੇ ਕਿਸਾਨ ਅੰਦੋਲਨ ਨੂੰ ਲੈ ਕੇ ਇੱਕ ਅਜਿਹਾ ਬਿਆਨ ਦਿੱਤਾ ਜਿਸ ਕਾਰਨ ਉਨ੍ਹਾਂ ਦੀ ਸਖ਼ਤ ਨਿੰਦਿਆ ਕੀਤੀ ਜਾ ਰਹੀ ਹੈ।
ਖ਼ਤਮ ਹੋਈਆਂ ਵੋਟਾਂ ,ਹੁਣ ਹੋਵੇਗਾ ਪੰਜਾਬ ‘ਚ ਏਹ ਕੰਮ, ਦੇਖੋ ਅੱਗੇ ਕੀ ਬਣਦਾ ?
ਦਰਅਸਲ, ਹਰਿਆਣਾ ਖੇਤੀਬਾੜੀ ਮੰਤਰੀ ਜੈ ਪ੍ਰਕਾਸ਼ ਨੇ ਕਿਸਾਨ ਅੰਦੋਲਨ ਨੂੰ ਲੈ ਕੇ ਬਿਆਨ ਦਿੰਦੇ ਹੋਏ ਕਿਹਾ – ਜੇਕਰ ਕਿਸਾਨ ਘਰ ਵਿੱਚ ਹੁੰਦੇ ਤਾਂ ਕਿ ਉਨ੍ਹਾਂ ਦੀ ਮੌਤ ਨਹੀਂ ਹੁੰਦੀ ? ਜੇਕਰ ਉਹ ਆਪਣੇ ਘਰਾਂ ‘ਚ ਹੁੰਦੇ ਤਾਂ ਵੀ ਉਹ ਮਰਦੇ, ਦੋ ਲੱਖ ਲੋਕਾਂ ‘ਚੋਂ ਇੱਕ, ਕਿ ਛੇ ਮਹੀਨੇ ‘ਚ 200 ਲੋਕ ਨਹੀਂ ਮਰਦੇ ਹਨ? ਕਿਸੇ ਦੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਜਾਂਦੀ ਹੈ ਅਤੇ ਕਈ ਬੀਮਾਰ ਹੋਣ ਨਾਲ ਮਰ ਜਾਂਦੇ ਹਨ। ਉਹ ਆਪਣੀ ਮਰਜ਼ੀ ਨਾਲ ਮਰ ਗਏ, ਮੈਨੂੰ ਉਨ੍ਹਾਂ ਨਾਲ ਡੂੰਘਾ ਦੁੱਖ ਹੈ।
ਖੇਤੀਬਾੜੀ ਮੰਤਰੀ ਦੇ ਇਸ ਬਿਆਨ ‘ਤੇ ਇਤਰਾਜ਼ ਜਤਾਉਂਦਿਆਂ ਅਦਾਕਾਰਾ ਤਾਪਸੀ ਨੇ ਟਵੀਟ ਕਰਕੇ ਪੁੱਛਿਆ- ‘ਕੀ ਮਨੁੱਖੀ ਜੀਵਨ ਦਾ ਕੋਈ ਮੁੱਲ ਨਹੀਂ? ਜੋ ਤੁਹਾਡੇ ਲਈ ਖਾਣਾ ਪੈਦਾ ਕਰਦੇ ਹਨ ਉਨ੍ਹਾਂ ਦੀ ਕੀਮਤ ਕੁੱਝ ਵੀ ਨਹੀਂ ਹੈ? ਅਖੀਰ ‘ਚ ਤਾਪਸੀ ਕਹਿੰਦੀ ਹੈ ਕਿ ਉਨ੍ਹਾਂ ਦੀ ਮੌਤ ਦਾ ਮਜ਼ਾਕ ਬਣਾ ਰਹੇ ਹਨ।
ਉਥੇ ਹੀ ਅਦਾਕਾਰ ਰਿਚਾ ਚੱਡਾ ਨੇ ਟਵੀਟ ਕਰ ਕਿਹਾ ਕਿ ਇਹ ਬਹੁਤ ਹੀ ਅਪਮਾਨਜਨਕ ਹੈ! ਇਸ ਤੋਂ ਬਾਅਦ ਇੱਕ ਹੋਰ ਟਵੀਟ ਕਰ ਰਿਚਾ ਨੇ ਲਿਖਿਆ – ਜੇਕਰ ਹਰ ਕੋਈ ਜੇਲ੍ਹ ਚਲਾ ਜਾਵੇਗਾ ਤਾਂ ਟੈਕਸ ਕੌਣ ਦੇਵੇਗਾ? ਬਾਲੀਵੁੱਡ ਤੋਂ ਇਲਾਵਾ ਵਿਦੇਸ਼ੀ ਅਦਾਕਾਰਾਂ ਪੋਪ ਸਿੰਗਰ ਰਿਆਨਾ, ਮਿਆ ਖ਼ਲੀਫ਼ਾ ਅਤੇ ਗ੍ਰੈਟਾ ਥਾਨਬਰਗ ਵੀ ਇਸ ‘ਤੇ ਆਪਣੀ ਰਾਏ ਰੱਖ ਚੁੱਕਿਆ ਹਨ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
