ਸੰਯੁਕਤ ਕਿਸਾਨ ਮੋਰਚਾ ਪਟਿਆਲਾ ਵੱਲੋਂ ਕਣਕ ਖਰੀਦਣ ਲਈ ਬੇਲੋੜੀਆਂ ਲਾਈਆਂ ਪਾਬੰਦੀਆਂ ਰੱਦ ਕਰਨ ਲਈ ਪ੍ਰਧਾਨ ਮੰਤਰੀ ਨੂੰ ਮੰਗ ਪੱਤਰ ਭੇਜਿਆ
ਪਟਿਆਲਾ : ਸੰਯੁਕਤ ਕਿਸਾਨ ਮੋਰਚਾ ਪਟਿਆਲਾ ਵੱਲੋਂ ਪ੍ਰਧਾਨ ਮੰਤਰੀ ਦੇ ਨਾਮ ਮੰਗ ਪੱਤਰ ਰਾਹੀਂ ਡੀ.ਸੀ. ਪਟਿਆਲਾ ਨੂੰ ਸੌਂਪਦਿਆਂ ਮੰਗ ਕੀਤੀ ਗਈ ਕਿ ਫੂਡ ਕਾਰਪੋਰੇਸ਼ਨ ਇੰਡੀਆ ਵੱਲੋਂ ਕਣਕ ਦੀ ਖਰੀਦ ਸਬੰਧੀ ਲਾਈਆਂ ਜਾ ਰਹੀਆਂ ਬੇਲੋੜੀਆਂ ਸ਼ਰਤਾਂ ਤੁਰੰਤ ਵਾਪਸ ਲਈਆਂ ਜਾਣ। ਕਿਉਂਕਿ ਇਹ ਸ਼ਰਤਾਂ ਅੰਦੋਲਨ ਕਰ ਰਹੇ ਕਿਸਾਨਾਂ ਅਤੇ ਸਮੂਹ ਕਾਸ਼ਤਕਾਰਾਂ ਲਈ ਜਖਮਾਂ ਤੇ ਲੂਣ ਛਿਣਕਣ ਦੇ ਬਰਾਬਰ ਹਨ। ਪੰਜ ਦਹਾਕਿਆਂ ਤੋਂ ਕਣਕ ਦੀ ਖਰੀਦ ਤੇ ਸਧਾਰਨ ਸ਼ਰਤਾਂ ਲੱਗੀਆ ਹੋਈਆਂ ਸਨ ਪਰ ਇਹ ਨਵੀਆਂ ਸ਼ਰਤਾਂ ਸਰਕਾਰੀ ਖਰੀਦ ਪ੍ਰਬੰਧ ਨੂੰ ਤੋੜਨ ਦਾ ਇੱਕ ਹੋਰ ਨਵਾਂ ਹਮਲਾ ਹੈ।
ਨੌਜਵਾਨ ਨੇ ਕੀਤਾ ਵੱਡਾ ਕਾਰਨਾਮਾ, ਪਿੰਡ ‘ਚ ਲੱਗਿਆ ਦੇਖਣ ਵਾਲਿਆਂ ਦਾ ਮੇਲਾ,ਵਿਦੇਸ਼ਾਂ ਤੱਕ ਪਈਆਂ ਧੁੰਮਾਂ
ਜਿਸ ਵਿੱਚ ਕਣਕ ਦਾ ਟੋਟਾ 4 ਪ੍ਰਤੀਸ਼ਤ ਤੋਂ ਘੱਟ ਕੇ 2 ਪ੍ਰਤੀਸ਼ਤ ਕੀਤਾ ਹੈ ਨਾਲ ਹੀ ਕਣਕ ਦੀ ਨਮੀ 14 ਪ੍ਰਤੀਸ਼ਤ ਤੋਂ ਘਟਾ ਕੇ 12 ਪ੍ਰਤੀਸ਼ਤ ਕਰਨਾ, ਮਿੱਟੀ ਘੱਟਾ 4 ਪ੍ਰਤੀਸ਼ਤ ਤੋਂ 0 ਪ੍ਰਤੀਸ਼ਤ ਕਰ ਦਿੱਤਾ ਗਿਆ ਹੈ। ਇਹ ਸ਼ਰਤਾਂ ਘੱਟੋ-ਘੱਟ ਸਮਰਥਨ ਮੁੱਲ ਨੂੰ ਤੋੜਨ ਲਈ ਰਾਹ ਪੱਧਰਾ ਕਰਦੀਆਂ ਹਨ। ਜ਼ੋ ਕਿ ਨਿੰਦਣ ਯੋਗ ਦੇ ਨਾਲ ਤਰਕਹੀਣ ਫੈਸਲਾ ਹੈ। ਅਸੀਂ ਇਸ ਦਾ ਤਿੱਖਾ ਵਿਰੋਧ ਕਰਦੇ ਹਾਂ। ਦੂਜੇ ਪਾਸੇ ਕਣਕ ਦੀ ਫਸਲ ਦੀ ਅਦਾਇਗੀ ਸਿਰਫ ਮਾਲਕ ਨੂੰ ਹੀ ਕਰਨੀ ਵਾਜਬ ਨਹੀਂ ਕਿਉਂਕਿ 60 ਪ੍ਰਤੀਸ਼ਤ ਕਿਸਾਨੀ ਕਾਸ਼ਤਕਾਰ ਹੁੰਦੀ ਹੋਈ ਜਮੀਨ ਦੀ ਮਾਲਕ ਨਹੀਂ ਹੈ।
ਲਓ ਸਰਕਾਰ ਕਿਸਾਨਾਂ ਦੀ ਗੱਲ ਮੰਨਣ ਨੂੰ ਤਿਆਰ!ਜਥੇਬੰਦੀਆਂ ਨੇ ਸਟੇਜ ਤੋਂ ਸੁਣਾਈ ਵੱਡੀ ਖੁਸ਼ਖਬਰੀ
ਅਜਿਹਾ ਉਸ ਦੇ ਨਾਲ ਘੋਰ ਬੇਇਨਸਾਫੀ ਤੇ ਧੱਕਾ ਹੋਵੇਗਾ। ਅਸੀਂ ਮੰਗ ਕਰਦੇ ਹਾਂ ਕਿ ਇਹ ਸਾਰੀਆਂ ਉਪਰੋਕਤ ਸ਼ਰਤਾਂ ਤੁਰੰਤ ਵਾਪਸ ਲਈਆਂ ਜਾਣ, ਨਹੀਂ ਤਾਂ ਇਨ੍ਹਾਂ ਸਮੱਸਿਆਵਾਂ ਲਈ ਸੰਘਰਸ਼ ਹੋਰ ਤੇਜ਼ ਹੋਵੇਗਾ, ਜੋ ਕਿ ਦੇਸ਼ ਅੰਦਰ ਬੇਗਾਨਗੀ ਦਾ ਮਾਹੌਲ ਅਤੇ ਉੱਥਲ ਪੁੱਥਲ ਹੋਣ ਦੀ ਸੰਭਾਵਨਾ ਬਣੇਗੀ। ਜਿਸ ਦੀ ਜਿੰਮੇਵਾਰ ਸਰਕਾਰ ਅਤੇ ਫੂਡ ਕਾਰਪੋਰੇਸ਼ਨ ਆਫ ਇੰਡੀਆ ਹੋਵੇਗੀ। ਇਸ ਮੌਕੇ ਹੋਰਨਾ ਤੋਂ ਇਲਾਵਾ ਗੁਰਧਿਆਨ ਸਿੰਘ, ਦਵਿੰਦਰ ਸਿੰਘ ਪੂੰਨੀਆ, ਗੁਰਦਰਸ਼ਨ ਸਿੰਘ, ਨੇਕ ਸਿੰਘ ਸਿੱਧੂਵਾਲ, ਪਰਦੀਪ ਸਿੰਘ ਸਿੱਧੂਵਾਲ, ਬਲਵਿੰਦਰ ਸਿੰਘ ਸਿਉਣਾ, ਸ਼ੇਰ ਸਿੰਘ ਸਿੱਧੂਵਾਲ, ਗੁਰਦੀਪ ਸਿੰਘ ਸਿਉਣਾ ਅਤੇ ਸੁਰਿੰਦਰ ਸਿੰਘ ਆਦਿ ਹਾਜਰ ਸਨ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
