ਸਿੰਗਾਪੁਰ ਚ ਨਸ਼ੇ ਦੀ ਤਸਕਰੀ ਦੇ ਦੋਸ਼ ‘ਚ 3 ਭਾਰਤੀ ਨਾਗਰਿਕਾਂ ਨੂ ਹੋ ਸਕਦੀ ਹੈ ਫਾਂਸੀ

ਸਿੰਗਾਪੁਰ ਦੇ ਝੰਡੇ ਵਾਲੇ ਇਕ ਜਹਾਜ਼ ‘ਤੇ ਨਸ਼ੇ ਦੀ ਤਸਕਰੀ ਦੇ ਦੋਸ਼ ‘ਚ 3 ਭਾਰਤੀ ਨਾਗਰਿਕਾਂ ਨੂੰ ਜੁਲਾਈ 2024 ‘ਚ ਇੰਡੋਨੇਸ਼ੀਆ ‘ਚ ਹਿਰਾਸਤ ‘ਚ ਲਿਆ ਗਿਆ ਸੀ। ਹੁਣ ਇਹ ਤਿੰਨੋਂ ਮੌਤ ਦੀ ਸਜ਼ਾ ਦਾ ਸਾਹਮਣਾ ਕਰ ਰਹੇ ਹਨ।ਮੀਡੀਆ ਰਿਪੋਰਟਾਂ ਅਨੁਸਾਰ, ਤਿੰਨੋਂ ਦੀ ਪਛਾਣ 38 ਸਾਲਾ ਰਾਜੂ ਮੁਥੁਕੁਮਾਰਨ, 34 ਸਾਲਾ ਸੇਲਵਾਦੁਰਈ ਦਿਨਕਰਨ ਅਤੇ 45 ਸਾਲਾ ਗੋਵਿੰਦਸਾਮੀ ਵਿਮਲਕਾਂਧਨ ਵਜੋਂ ਹੋਈ ਹੈ, ਜੋ ਸਿੰਗਾਪੁਰ ‘ਚ ਸ਼ਿਪਿੰਗ ਉਦਯੋਗ ‘ਚ ਕੰਮ ਕਰਦੇ ਸਨ।ਇਨ੍ਹਾਂ ਨੂੰ ਲੀਜੈਂਡ ਐਕਵੇਰੀਅਸ ਕਾਰਗੋ ਜਹਾਜ਼ ‘ਚ 106 ਕਿਲੋਗ੍ਰਾਮ ਕ੍ਰਿਸਟਲ ਮੈਥ ਦੀ ਤਸਕਰੀ ਦੇ ਦੋਸ਼ ‘ਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਇਹ ਤਿੰਨੇ ਦੋਸ਼ੀ ਤਮਿਲਨਾਡੂ ਨਾਲ ਸਬੰਧ ਰੱਖਦੇ ਹਨ।
ਕੈਪਟਨ ਦੀ ਗਵਾਹੀ ਜ਼ਰੂਰੀ ਸੀ

ਇੰਡੋਨੇਸ਼ੀਆਈ ਅਧਿਕਾਰੀਆਂ ਨੇ ਇਕ ਗੁਪਤ ਸੂਚਨਾ ‘ਤੇ ਕਾਰਵਾਈ ਕਰਦੇ ਹੋਏ ਕਰੀਮੁਨ ਜ਼ਿਲ੍ਹੇ ਦੇ ਪੋਂਗਕਰ ‘ਚ ਜਹਾਜ਼ ਨੂੰ ਰੋਕਿਆ, ਜੋ ਸਿੰਗਾਪੁਰ ਤੋਂ ਫੇਰੀ ਰਾਹੀਂ ਲਗਪਗ ਇਕ ਘੰਟੇ ਦੀ ਦੂਰੀ ‘ਤੇ ਹੈ। ਤਿੰਨੋਂ ਨੂੰ 14 ਮਾਰਚ ਨੂੰ ਇਕ ਵੱਡਾ ਝਟਕਾ ਲੱਗਿਆ, ਜਦੋਂ ਜਹਾਜ਼ ਦੇ ਕਪਤਾਨ, ਜਿਨ੍ਹਾਂ ਨੂੰ ਨਿੱਜੀ ਤੌਰ ‘ਤੇ ਗਵਾਹੀ ਦੇਣ ਦਾ ਹੁਕਮ ਦਿੱਤਾ ਗਿਆ ਸੀ, ਅਦਾਲਤ ‘ਚ ਪੇਸ਼ ਨਹੀਂ ਹੋਏ।

ਇਸ ਤੋਂ ਬਾਅਦ ਅਦਾਲਤ ਨੇ ਕਪਤਾਨ ਨੂੰ 14 ਮਾਰਚ ਨੂੰ ਨਿੱਜੀ ਤੌਰ ‘ਤੇ ਗਵਾਹੀ ਦੇਣ ਲਈ ਬੁਲਾਇਆ। ਹਾਲਾਂਕਿ, ਉਹ ਸਿਰਫ਼ ਜ਼ੂਮ ਰਾਹੀਂ ਕੁਝ ਸਮੇਂ ਲਈ ਹੀ ਹਾਜ਼ਰ ਹੋਏ, ਜਿਸ ਨਾਲ ਬਚਾਅ ਪੱਖ ਵੱਲੋਂ ਜ਼ਿਰਹ ਨਹੀਂ ਹੋ ਸਕੀ।ਬਚਾਅ ਪੱਖ ਦਾ ਕਹਿਣਾ ਹੈ ਕਿ ਕਪਤਾਨ ਦੀ ਗਵਾਹੀ ਉਨ੍ਹਾਂ ਦੇ ਮੁਵੱਕਲਾਂ ਦੀ ਬੇਗੁਨਾਹੀ ਸਾਬਤ ਕਰਨ ਲਈ ਮਹੱਤਵਪੂਰਨ ਹੈ। ਵਕੀਲਾਂ ਨੇ ਮੌਤ ਦੀ ਸਜ਼ਾ ਦੀ ਮੰਗ ਕੀਤੀ ਹੈ, ਜੋ ਇੰਡੋਨੇਸ਼ੀਆਈ ਕਾਨੂੰਨ ਦੇ ਤਹਿਤ ਵੱਧ ਤੋਂ ਵੱਧ ਸਜ਼ਾ ਹੈ। ਤਿੰਨੋਂ ਦਾ ਪ੍ਰਤੀਨਿਧਿਤਵ ਭਾਰਤੀ ਵਕੀਲ ਜਾਨ ਪੌਲ ਕਰ ਰਹੇ ਹਨ, ਜੋ ਭਾਰਤੀ ਕਾਨੂੰਨੀ ਫਰਮ ਸਾਊਥ ਏਸ਼ੀਆ ਲੈਕਸ ਲੀਗਲ ਸਰਵਿਸਿਜ਼ (ਐੱਸ. ਏ. ਐੱਲ) ਦੇ ਪ੍ਰਬੰਧ ਭਾਗੀਦਾਰ ਹਨ। ਲਿੰਕਡਇਨ ਪੋਸਟ ਅਨੁਸਾਰ, ਪੌਲ ਤਮਿਲਨਾਡੂ ਦੇ ਰਹਿਣ ਵਾਲੇ ਹਨ। ਆਪਣੇ ਤਰਕ ਨੂੰ ਮਜ਼ਬੂਤ ਕਰਨ ਲਈ ਬਚਾਅ ਪੱਖ ਨੇ ਸੇਵਾਮੁਕਤ ਇੰਡੋਨੇਸ਼ੀਆਈ ਨੌਸੈਨਾ ਅਧਿਕਾਰੀ ਅਤੇ ਅੰਤਰਰਾਸ਼ਟਰੀ ਸਮੁੰਦਰੀ ਕਾਨੂੰਨ ਵਿਸ਼ੇਸ਼ਗਿਆ ਸੋਲੇਮਨ ਬੀ. ਪੋਂਟੋ ਨੂੰ ਇਕ ਗਵਾਹ ਵਜੋਂ ਪੇਸ਼ ਕੀਤਾ।