ਸ਼ਰਮ ਕਰੋ – ਗੁਰਦੁਆਰਿਆਂ ’ਚ ਹੁਣ ਆਹ ਕੰਮ ਹੋਣਗੇ ! (ਵੀਡੀਓ)

ਪੰਜਾਬ ‘ਚ ਸਰਪੰਚੀ ਚੋਣਾਂ ਦਾ ਬਿਗੁਲ ਤਾਂ ਵੱਜ ਚੁੱਕਿਆ ਹੈ ਨਾਲ ਹੀ ਵੱਜਣੇ ਸ਼ੁਰੂ ਹੋ ਗਏ ਨੇ ਗੁਰੂ ਘਰਾਂ ਦੇ ਸਪੀਕਰ। ਜਿਹੜੇ ਸਪੀਕਰਾਂ ‘ਚ ਸਵੇਰੇ ਸ਼ਾਮ ਗੁਰਬਾਣੀ ਦਾ ਪ੍ਰਵਾਹ ਚੱਲਦਾ ਹੈ। ਉਹੀ ਸਪੀਕਰ ਹੁਣ ਸਿਆਸੀ ਗੁਣਗਾਨ ਕਰਨ ਲਈ ਵਰਤੇ ਜਾ ਰਹੇ ਹਨ। ਜੀ ਹਾਂ ਇਹਨਾਂ ਸਪੀਕਰਾਂ ‘ਚ ਚੋਣਾਂ ਦਾ ਝੂਠਾ-ਸੱਚਾ ਪ੍ਰਚਾਰ ਗੂੰਜ ਰਿਹਾ ਹੈ। ਸਿਆਸਤ ਅਜਿਹੀ ਕਿ ਗੁਰੂ ਘਰ ਨੂੰ ਵੀ ਨਹੀਂ ਬਖ਼ਸ਼ਿਆ ਜਾ ਰਿਹਾ, ਆਪਣੇ ਸਿਆਸੀ ਮੁਫ਼ਾਦ ਲਈ ਲੀਡਰਾਂ ਨੇ ਸਰਪੰਚੀ ਹਥਿਆਉਣ ਦਾ ਟੋਟਕਾ ਛੱਡ ਦਿੱਤਾ ਹੈ। ਅਸੀਂ ਚਾਲੀ ਮੁਕਤਿਆਂ ਦੀ ਧਰਤੀ ਸ੍ਰੀ ਮੁਕਤਸਰ ਸਾਹਿਬ ਦੇ ਬਲਾਕ ਲੰਬੀ ਦੇ ਪਿੰਡ ਭਾਗੂ ਦੀ ਗੱਲ ਕਰ ਰਹੇ ਹਾਂ।

Read Also ਗੁਰਦੁਆਰਿਆਂ ‘ਤੇ ਕਬਜ਼ਾ ਕਰਨ ਲਈ ਸਾਨੂੰ ਉਲਝਾ ਰਹੀ ਹੈ ਕੈਪਟਨ ਸਰਕਾਰ : ਪ੍ਰਕਾਸ਼ ਸਿੰਘ ਬਾਦਲ

ਬਾਦਲਾਂ ਦੇ ਹਲਕੇ ਦੇ ਇਸ ਪਿੰਡ ਦੀ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਵਾਇਰਲ ਹੋ ਰਹੀ ਹੈ। ਜਿਸ ਵਿੱਚ ਗੁਰਦੁਆਰੇ ਦੇ ਸਪੀਕਰ ‘ਚ ਸਰਪੰਚੀ ਬਦਲੇ ਜ਼ਮੀਨ ਦੇਣ ਦਾ ਢੰਡੋਰਾ ਪਿੱਟਿਆ ਜਾ ਰਿਹਾ ਹੈ ਤਾਂ ਇਹ ਅਨਾਊਂਸਮੈਂਟ ਸੁਖਜਿੰਦਰ ਸਿੰਘ ਨਾਮ ਦੇ ਉਮੀਦਵਾਰ ਲਈ ਕੀਤੀ ਗਈ ਹੈ, 2 ਕਿੱਲੇ ਜ਼ਮੀਨ ਪਿੰਡ ਦੇ ਗੁਰਦੁਆਰੇ ਨੂੰ ਦਿੱਤੇ ਜਾਣ ਦਾ ਹੋਕਾ ਦਿੱਤਾ ਗਿਆ। ਪਹਿਲਾਂ ਵੀ ਸਰਪੰਚੀ ਕਰ ਚੁੱਕੇ ਸੁਖਜਿੰਦਰ ਨੇ ਗੁਰੂ ਘਰ ਦੇ ਸਪੀਕਰ ਦਾ ਮਜ਼ਾਕ ਉਡਾਇਆ ਹੈ। ਇਸ ਵੱਲ ਸ਼ਾਇਦ ਹੀ ਕਿਸੇ ਨੇ ਧਿਆਨ ਦਿੱਤਾ ਹੋਵੇ ਵੱਡੀ ਗੱਲ ਇਹ ਵੀ ਚੋਣ ਜ਼ਾਬਤਾ ਲੱਗਿਆ ਹੋਇਆ ਹੈ। ਅਜਿਹੇ ਵਿੱਚ ਵੋਟਾਂ ਲਈ ਲਾਲਚ ਜਾਂ ਰਿਸ਼ਵਤ ਦੇਣਾ ਕਾਨੂੰਨਨ ਜ਼ੁਰਮ ਹੈ, ਹੁਣ ਇਸ ਉਮੀਦਵਾਰ ਨੂੰ ਸਰਪੰਚੀ ਮਿਲਦੀ ਹੈ ਜਾਂ ਸਜ਼ਾ ਮਿਲਦੀ ਹੈ ਇਹ ਫ਼ੈਸਲਾ ਚੋਣ ਕਮਿਸ਼ਨ ਦੇ ਹੱਥ ਹੈ।