ਵਿਨੋਦ ਕਾਂਬਲੀ ਨੂੰ ਮੁੰਬਈ ਪੁਲਿਸ ਨੇ ਕੀਤਾ ਗ੍ਰਿਫ਼ਤਾਰ

ਮੁੰਬਈ : ਭਾਰਤੀ ਕ੍ਰਿਕੇਟ ਟੀਮ (Indian Cricket Team) ਦੇ ਸਾਬਕਾ ਬੱਲੇਬਾਜ਼ ਵਿਨੋਦ ਕਾਂਬਲੀ (Vinod Kambli) ਕਈ ਵਾਰ ਆਪਣੀਆਂ ਗਤੀਵਿਧੀਆਂ ਦੇ ਕਾਰਨ ਚਰਚਾ ‘ਚ ਰਹਿੰਦੇ ਹਨ। ਆਪਣੇ ਸੁਭਾਅ ਦੇ ਕਾਰਨ ਸੁਰਖੀਆਂ ਬਟੋਰਨ ਵਾਲੇ ਕਾਂਬਲੀ ਇੱਕ ਵਾਰ ਫਿਰ ਸੁਰਖੀਆਂ ‘ਚ ਆ ਗਏ ਹਨ ਅਤੇ ਇਸ ਵਾਰ ਵਜ੍ਹਾ ਚੰਗੀ ਨਹੀਂ ਹੈ। ਸਾਬਕਾ ਕ੍ਰਿਕੇਟਰ ਵਿਨੋਦ ਕਾਂਬਲੀ ਨੂੰ ਐਤਵਾਰ ਨੂੰ ਮੁੰਬਈ ਦੇ ਬਾਂਦਰੇ ਸੋਸਾਇਟੀ ‘ਚ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਤੇ ਕੋਲੋਂ ਲੰਘ ਰਹੀ ਕਾਰ ਨੂੰ ਟੱਕਰ ਮਾਰਨ ਦੇ ਦੋਸ਼ ‘ਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਉਨ੍ਹਾਂ ਨੂੰ ਹਿਰਾਸਤ ‘ਚ ਲੈ ਕੇ ਬਾਂਦਰਾ ਪੁਲਿਸ ਸਟੇਸ਼ਨ ‘ਚ ਪੁੱਛਗਿੱਛ ਕੀਤੀ ਗਈ ਤੇ ਬਾਅਦ ‘ਚ ਜ਼ਮਾਨਤ ਤੇ ਰਿਹਾ ਕਰ ਦਿੱਤਾ ਗਿਆ।

ਯੂਕ੍ਰੇਨ ’ਚ ਫਸੇ ਪੰਜਾਬੀਆਂ ਪਿੱਛੇ ਸਾਡੀਆਂ ਸਰਕਾਰਾਂ ਦਾ ਵੱਡਾ ਹੱਥ? ਦੇਖੋ ਸਿੱਧਾ ਲਾਈਵ

ਬਾਂਦਰਾ ਦੇ ਵਸਨੀਕ ਉਕਤ ਪੀੜਿਤ ਦੀ ਸ਼ਿਕਾਇਤ ਤੋਂ ਬਾਅਦ 50 ਸਾਲਾ ਵਿਨੋਦ ਕਾਂਬਲੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆਈ ਹੈ। ਕਾਂਬਲੀ ਤੇ ਮੋਟਰ ਵਾਹਨ ਐਕਟ ਦੇ ਤਹਿਤ ਭਾਰਤੀ ਸਜ਼ਾ ਜ਼ਾਬਤੇ (ਆਈ.ਪੀ.ਸੀ.) ਦੀ ਧਾਰਾ r.w.185 ਦੇ ਤਹਿਤ ਦੋਸ਼ ਲਾਇਆ ਗਿਆ ਸੀ। ਖ਼ਬਰਾਂ ਦੀ ਇਕ ਏਜੰਸੀ ਦੇ ਮੁਤਾਬਕ ਕਾਂਬਲੀ ਨੂੰ ਬਾਅਦ ‘ਚ ਜ਼ਮਾਨਤ ਤੇ ਰਿਹਾਅ ਕਰ ਦਿੱਤਾ ਗਿਆ। ਕਾਂਬਲੀ ਨੇ ਘਟਨਾ ਦੇ ਬਾਅਦ ਕੰਪਲੈਕਸ ਦੇ ਚੌਕੀਦਾਰ ਤੇ ਕੁਝ ਨਿਵਾਸੀਆਂ ਨਾਲ ਕਥਿਤ ਤੌਰ ਤੇ ਬਹਿਸ ਵੀ ਕੀਤੀ। ਕਾਂਬਲੀ ਨੇ ਭਾਰਤ ਲਈ 17 ਟੈਸਟ ਖੇਡੇ ਜਿਨ੍ਹਾਂ ‘ਚ 4 ਸੈਂਕੜਿਆਂ ਸਮੇਤ 1084 ਦੌੜਾਂ ਬਣਾਈਆਂ।

ਕੇਂਦਰ ਦਾ ਪੰਜਾਬ ਨੂੰ ਝਟਕਾ, ਭਾਖੜਾ ਮਾਮਲੇ ‘ਚ ਬੇਮੁੱਖ ਹੋਏ ਪੰਜਾਬ ਦੇ ਸਿਆਸਤਦਾਨ, ਯੂਕਰੇਨ ‘ਚ ਖ਼ਤਮ ਹੋਵੇਗੀ ਜੰਗ !

ਉਨ੍ਹਾਂ ਨੇ ਭਾਰਤ ਲਈ 104 ਵਨ – ਡੇ ਮੈਚ ਖੇਡੇ ਜਿਸ ‘ਚ ਦੋ ਸੈਂਕੜਿਆਂ ਸਮੇਤ 2477 ਦੌੜਾਂ ਬਣਾਈਆਂ। ਮੁੰਬਈ ਦੇ ਬੱਲੇਬਾਜ਼ ਨੇ 1991 ‘ਚ ਡੈਬਿਊ ਕੀਤਾ ਤੇ ਅਕਤੂਬਰ 2000 ‘ਚ ਆਪਣਾ ਆਖ਼ਰੀ ਮੈਚ ਖੇਡਿਆ ਸੀ। ਇਕ ਹੁਨਰਮੰਦ ਕ੍ਰਿਕੇਟਰ ਜੋ ਸਚਿਨ ਤੇਂਦਲੁਕਰ ਦੇ ਨਾਲ ਖੇਡ ਦੀ ਕਲਾ ਸਿਖਦੇ ਹੋਏ ਵੱਡਾ ਹੋਇਆ। ਸਾਬਕਾ ਕ੍ਰਿਕੇਟਰ ਸੋਸ਼ਲ ਮੀਡੀਆ ਤੇ ਸਰਗਰਮ ਹੈ ਤੇ ਉਨ੍ਹਾਂ ਨੇ ਇੰਡੀਅਨ ਪ੍ਰੀਮੀਅਰ ਲੀਗ ‘ਚ ਕੰਮ ਕਰਨ ਦੀ ਇੱਛਾ ਜ਼ਾਹਰ ਕੀਤੀ ਸੀ। ਜ਼ਿਕਰਯੋਗ ਹੈ ਕਿ ਕਾਂਬਲੀ ਪਿਛਲੇ ਸਾਲ ਦਸੰਬਰ ‘ਚ ਸਾਈਬਰ ਫ੍ਰਾਡ ਦਾ ਸ਼ਿਕਾਰ ਹੋਏ ਸਨ। ਇਕ ਜਾਲਸਾਜ਼ ਨੇ ਫ਼ੋਨ ਤੇ ਆਪਣੇ ਆਪ ਨੂੰ ਇਕ ਨਿੱਜੀ ਬੈਂਕ ਦਾ ਕਾਰਜਕਾਰੀ ਅਧਿਕਾਰੀ ਕਹਿੰਦੇ ਹੋਏ ਕੇ.ਵਾਈ.ਸੀ. ਅਪਡੇਟ ਕਰਨ ਦੇ ਬਹਾਨੇ 1.14 ਲੱਖ ਰੁਪਏ ਦਾ ਚੂਨਾ ਲਾਇਆ ਸੀ।