ਰੇਲਾਂ ਰੁਕਣ ਕਾਰਨ ਪਰਿਵਾਰਾਂ ਨਾਲ ਤਿਓਹਾਰ ਨਹੀਂ ਮਨਾ ਸਕਣਗੇ ਫੌਜ ਦੇ ਜਵਾਨ ਤੇ ਪ੍ਰਵਾਸੀ ਮਜਦੂਰ
ਫ਼ਤਹਿਗੜ੍ਹ ਸਾਹਿਬ, 08 ਨਵੰਬਰ :
ਪੰਜਾਬ ਸਰਕਾਰ ਦੇ ਸਾਰੇ ਯਤਨਾਂ ਦੇ ਬਾਵਜੂਦ ਕੇਂਦਰ ਸਰਕਾਰ ਵੱਲੋਂ ਰੇਲਾਂ ਨਾ ਚਲਾਉਣ ਕਾਰਨ ਭਾਰਤੀ ਫੌਜ ਦੇ ਉਨ੍ਹਾਂ ਜਵਾਨਾਂ ਤੇ ਪ੍ਰਵਾਸੀ ਮਜਦੂਰਾਂ ਦੇ ਦਿਲਾਂ ਨੂੰ ਗਹਿਰੀ ਸੱਟ ਲੱਗੀ ਹੈ ਜਿਨ੍ਹਾਂ ਨੇ ਤਿਓਹਾਰ ਆਪਣੇ ਪਰਿਵਾਰਾਂ ਨਾਲ ਮਨਾਉਣ ਦੇ ਸੁਪਨੇ ਵੇਖੇ ਸਨ। ਦੇਸ਼ ਦੀ ਸਰਹੱਦਾਂ ’ਤੇ ਰਾਖੀ ਕਰਦੇ ਭਾਰਤ ਮਾਂ ਦੇ ਸਪੂਤ ਤੇ ਰੋਜੀ ਰੋਟੀ ਕਾਰਨ ਪੰਜਾਬ ਮਜਦੂਰੀ ਕਰਨ ਆਏ ਪ੍ਰਵਾਸੀ ਮਜਦੂਰ ਦੀਵਾਲੀ ਤੇ ਛਟ ਪੂਜਾ ਵਰਗੇ ਤਿਓਹਾਰ ਆਪਣੇ ਪਰਿਵਾਰਾਂ ਨਾਲ ਨਹੀਂ ਮਨਾ ਸਕਣਗੇ ਜਿਸ ਕਾਰਨ ਉਨ੍ਹਾਂ ਵਿੱਚ ਮਾਯੂਸੀ ਛਾਈ ਹੋਈ ਹੈ। ਕੇਂਦਰ ਸਰਕਾਰ ਦੇ ਰੇਲਵੇ ਮੰਤਰਾਲੇ ਨੇ ਪੰਜਾਬ ਵਿੱਚ ਰੇਲ ਗੱਡੀਆਂ ਬੰਦ ਰੱਖਣ ਦੀ ਤਰੀਕ ਵਿੱਚ ਵੀ ਵਾਧਾ ਕਰ ਦਿੱਤਾ ਗਿਆ ਹੈ।
ਕਿਸਾਨਾਂ ਲਈ ਬੀਜੇਪੀ ਦੇ ਆਹ ਵੱਡਾ ਮੰਤਰੀ ਹੋਇਆ ਮੋਦੀ ਦੇ ਉਲਟ?ਲਿਆ ਹੱਕ ‘ਚ ਸਟੈਂਡ
ਮੰਡੀ ਗੋਬਿੰਦਗੜ੍ਹ ਵਿਖੇ ਬਿਹਾਰ ਤੋਂ ਆਏ ਰਾਧੇ ਸਿ਼ਆਮ ਦਾ ਕਹਿਣਾ ਹੈ ਕਿ ਉਨ੍ਹਾਂ ਪੂਰਾ ਸਾਲ ਹੱਡ ਭੰਨਵੀਂ ਮਿਹਨਤ ਇਸ ਲਈ ਕੀਤੀ ਹੈ ਕਿ ਉਹ ਤਿਓਹਾਰ ਆਪਣੇ ਪਰਿਵਾਰਾਂ ਨਾਲ ਮਿਲ ਕੇ ਮਨਾਉਣਗੇ ਪ੍ਰੰਤੂ ਕੇਂਦਰ ਵੱਲੋਂ ਰੇਲ ਆਵਾਜਾਈ ਬਾਰੇ ਕੋਈ ਸਾਰਥਕ ਰਵਈਆ ਨਾ ਆਪਣਾਉਣ ਕਾਰਨ ਉਨ੍ਹਾਂ ਦੀ ਸਾਲ ਦੀ ਉਡੀਕ ਵਿਅਰਥ ਹੀ ਚਲੀ ਜਾਵੇਗੀ। ਉਨ੍ਹਾਂ ਕੇਂਦਰ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਤਿਓਹਾਰਾਂ ਨੂੰ ਵੇਖਦੇ ਹੋਏ ਰੇਲਵੇ ਨੂੰ ਰੇਲਾਂ ਚਲਾਉਣ ਵਿੱਚ ਦੇਰੀ ਨਹੀਂ ਕਰਨੀ ਚਾਹੀਦੀ ਅਤੇ ਤੁਰੰਤ ਰੇਲਵੇ ਆਵਾਜਾਈ ਨੂੰ ਖੋਲਣਾ ਚਾਹੀਦਾ ਹੈ ਤਾਂ ਜੋ ਉਹ ਆਪਣੇ ਪਰਿਵਾਰਾਂ ਨਾਲ ਤਿਓਹਾਰ ਮਨਾ ਸਕਣ।
-NAV GILL
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
