ਰੂਸ ‘ਚ ਯਹੂਦੀ ਪ੍ਰਾਰਥਨਾ ਸਥਾਨ ਅਤੇ ਚਰਚ ‘ਤੇ ਅੱਤਵਾਦੀ ਹਮਲਾ, 17 ਪੁਲਸ ਕਰਮਚਾਰੀਆਂ ਅਤੇ ਇਕ ਪਾਦਰੀ ਸਮੇਤ ਕਈ ਲੋਕਾਂ ਦੀ ਮੌਤ

ਰੂਸ ‘ਚ ਯਹੂਦੀ ਪ੍ਰਾਰਥਨਾ ਸਥਾਨ ਅਤੇ ਚਰਚ ‘ਤੇ ਅੱਤਵਾਦੀ ਹਮਲਾ ਹੋਇਆ ਹੈ। ਇਸ ਹਮਲੇ ‘ਚ 17 ਪੁਲਸ ਕਰਮਚਾਰੀਆਂ ਅਤੇ ਇਕ ਪਾਦਰੀ ਸਮੇਤ ਕਈ ਲੋਕਾਂ ਦੀ ਮੌਤ ਹੋ ਗਈ ਹੈ ਜਦਕਿ 25 ਤੋਂ ਜ਼ਿਆਦਾ ਲੋਕ ਜ਼ਖਮੀ ਹੋ ਗਏ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਅੱਤਵਾਦੀਆਂ ਨੇ ਪੁਜਾਰੀ ਦਾ ਗਲਾ ਵੱਢ ਦਿੱਤਾ। ਜਵਾਬੀ ਕਾਰਵਾਈ ‘ਚ ਰੂਸੀ ਸੁਰੱਖਿਆ ਬਲਾਂ ਨੇ 6 ਅੱਤਵਾਦੀਆਂ ਨੂੰ ਮਾਰ ਦਿੱਤਾ। ਰੂਸ ਦੇ ਦਾਗੇਸਤਾਨ ‘ਚ ਫੌਜੀ ਕਾਰਵਾਈ ਅਜੇ ਵੀ ਜਾਰੀ ਹੈ। ਇਹ ਅੱਤਵਾਦੀ ਹਮਲਾ ਦਾਗੇਸਤਾਨ ਸੂਬੇ ਦੇ ਦੋ ਸ਼ਹਿਰਾਂ ‘ਚ ਹੋਇਆ ਹੈ, ਇਸ ਹਮਲੇ ਤੋਂ ਬਾਅਦ ਲੋਕ ਡਰੇ ਹੋਏ ਹਨ। ਰੂਸ ਦੀਆਂ ਸੜਕਾਂ ‘ਤੇ ਟੈਂਕ ਅਤੇ ਵਿਸ਼ੇਸ਼ ਬਲ ਤਾਇਨਾਤ ਹਨ। ਇਹ ਕਾਰਵਾਈ ਪਿਛਲੇ 9 ਘੰਟਿਆਂ ਤੋਂ ਚੱਲ ਰਹੀ ਹੈ। ਇਸ ਅੱਤਵਾਦੀ ਹਮਲੇ ਵਿੱਚ ਮਾਰੇ ਗਏ ਲੋਕਾਂ ਵਿੱਚ ਸੱਤ ਅਧਿਕਾਰੀ, ਇੱਕ ਪਾਦਰੀ ਅਤੇ ਇੱਕ ਚਰਚ ਦਾ ਸੁਰੱਖਿਆ ਗਾਰਡ ਸ਼ਾਮਲ ਹੈ। ਇਸ ਅੱਤਵਾਦੀ ਹਮਲੇ ਤੋਂ ਬਾਅਦ ਦਾਗੇਸਤਾਨ ਦੇ ਦੋ ਸ਼ਹਿਰਾਂ ਡੇਰਬੇਂਟ ਅਤੇ ਮਖਾਚਕਾਲਾ ਵਿਚ ਸੋਮਵਾਰ, ਮੰਗਲਵਾਰ ਅਤੇ ਬੁੱਧਵਾਰ ਨੂੰ ਸੋਗ ਦੇ ਦਿਨ ਐਲਾਨੇ ਗਏ ਸਨ। ਅੱਤਵਾਦੀ ਸ਼ਾਮ ਦੀ ਨਮਾਜ਼ ਤੋਂ ਬਾਅਦ ਚਰਚ ਵਿਚ ਦਾਖਲ ਹੋਏ। ਦੱਸਿਆ ਜਾ ਰਿਹਾ ਹੈ ਕਿ ਅੱਤਵਾਦੀਆਂ ਨੇ ਆਟੋਮੈਟਿਕ ਹਥਿਆਰਾਂ ਨਾਲ ਚਰਚ ‘ਚ ਅੰਨ੍ਹੇਵਾਹ ਗੋਲੀਬਾਰੀ ਕੀਤੀ। ਅੱਤਵਾਦੀਆਂ ਨੇ 66 ਸਾਲਾ ਪਾਦਰੀ ਦਾ ਗਲਾ ਵੱਢ ਕੇ ਕਤਲ ਕਰ ਦਿੱਤਾ। ਫਾਦਰ ਨਿਕੋਲੇ ਪਿਛਲੇ 40 ਸਾਲਾਂ ਤੋਂ ਚਰਚ ਵਿੱਚ ਸੇਵਾ ਕਰ ਰਹੇ ਸਨ। ਅੱਤਵਾਦੀਆਂ ਨੇ ਯਹੂਦੀ ਪੂਜਾ ਸਥਾਨ ਸਿਨਾਗੋਗ ‘ਤੇ ਵੀ ਗੋਲੀਬਾਰੀ ਕੀਤੀ।