ਮਾਸਟਰ ਦੀ ਬਦਲੀ ਤੋਂ ਖ਼ਫਾ ਪਿੰਡ ਜੰਡਸਰ ਦੇ ਲੋਕਾਂ ਨੇ ਪ੍ਰਾਇਮਰੀ ਸਕੂਲ ਨੂੰ ਲਾਇਆ ਜਿੰਦਰਾ

ਕਈ ਘੰਟਿਆਂ ਬਾਦਮਸਲਾ ਹੱਲ ਹੋਂਣ ਤੇ ਖੋਲ੍ਹਿਆ ਗਿਆ ਜਿੰਦਰਾ
ਭਦੌੜ ਸਹਿਬ ਸੰਧੂ
ਅੱਜ ਸਵੇਰੇ ਹਲਕਾ ਭਦੌੜ ਦੇ ਪਿੰਡ ਜੰਡਸਰ ਵਿਖੇ ਸਰਕਾਰੀ ਪ੍ਰਾਇਮਰੀ ਸਕੂਲ ਦੇ ਅਧਿਆਪਕ ਦੀ ਬਦਲੀ ਦਾ ਪਤਾ ਲਗਦਿਆਂ ਹੀ ਪਿੰਡ ਵਾਸੀ ਗੁੱਸੇ ਵਿੱਚ ਆ ਗਏ ਤੇ ਬੱਚਿਆਂ ਦੇ ਮਾਪਿਆਂ, ਸਕੂਲ ਕਮੇਟੀ ਅਤੇ ਪੰਚਾਇਤ ਮੈਂਬਰਾਂ ਨੇ ਸਕੂਲ ਨੂੰ ਜਿੰਦਰਾ ਮਾਰ ਦਿੱਤਾ ਤੇ ਨਾਹਰੇਬਾਜ਼ੀ ਕੀਤੀ।
ਮੌਕੇ ਤੇ ਪਹੁੰਚੀ ਪੱਤਰਕਾਰਾਂ ਦੀ ਟੀਮ ਨਾਲ ਗੱਡ ਕਰਦਿਆਂ ਸੁਨੀਤਾ ਕੌਰ, ਰਣਜੀਤ ਸਿੰਘ, ਜਸਵੀਰ ਸਿੰਘ, ਕੁਲਵੰਤ ਸਿੰਘ, ਰੁਪਿੰਦਰ ਸਿੰਘ,  ਜਰਨੈਲ ਖਾਨ, ਰਣਜੀਤ ਸਿੰਘ, ਪ੍ਰਲਾਦ ਸਰਮਾ ਆਦਿ ਨੇ ਦੱਸਿਆ ਈਟੀਟੀ ਮਾਸਟਰ ਮੰਗਲ ਸਿੰਘ ਪਿਛਲੇ ਕਈ ਸਾਲਾਂ ਤੋਂ ਸਾਡੇ ਪਿੰਡ ਸਕੂਲ ਅੰਦਰ ਤੈਨਾਤ ਸੀ ਤੇ ਜੇਬ੍ਹ ਚੋਂ ਵੀ ਪੈਸੇ ਖਰਚ ਕਰ ਸਕੂਲ ਦੀ ਦੇਖ਼ਭਾਲ ਕਰਦਾ ਸੀ, ਪਰ ਸਾਨੂੰ ਪਤਾ ਲੱਗਿਆ ਕਿ ਰੰਜਿਸ਼ਬਾਜੀ ਤਹਿਤ ਉਹਨਾਂ ਦੀ ਆਰਜੀ ਬਦਲੀ ਪਿੰਡ ਮੌੜ ਦੇ ਸਕੂਲ ਅਤੇ ਪਿੰਡ ਮੌੜ ਤੋਂ ਗੁਰਜੀਤ ਸਿੰਘ ਪ੍ਰੀ ਪ੍ਰਾਇਮਰੀ ਐਸੋਸਾਇਟ ਦੀ ਆਰਜੀ ਬਦਲੀ ਪਿੰਡ ਜੰਡਸਰ ਦੀ ਕੀਤੀ ਗਈ ।
ਪਿੰਡ ਵਾਸੀਆਂ ਨੇ ਆਖਿਆ ਕਿ ਅਸੀਂ ਮੰਗਲ ਸਿੰਘ ਮਾਸਟਰ ਦੀ ਬਦਲੀ ਦਾ ਵਿਰੋਧ ਕਰਨ ਲਈ ਬੱਚਿਆਂ ਨੂੰ ਬਾਹਰ ਕਰ ਸਕੂਲ ਨੂੰ ਜਿੰਦਰਾ ਮਾਰਿਆ ਹੈ ਤੇ ਜਦੋਂ ਤੱਕ ਮੰਗਲ ਸਿੰਘ ਦੀ ਬਦਲੀ ਮੁੜ ਇਸ ਸਕੂਲ ਅੰਦਰ ਨਹੀਂ ਕੀਤੀ ਜਾਂਦੀ ਅਸੀਂ ਸਕੂਲ ਨਹੀਂ ਖੁੱਲ੍ਹਣ ਦੇਵਾਂਗੇ

ਮੌਕੇ ਤੇ ਪਹੁੰਚੀ ਸ਼ਹਿਣਾ ਪੁਲਸ
ਇਸ ਮੌਕੇ ਤੇ ਥਾਣਾ ਸਹਿਣਾ ਦੇ ਮੁੱਖੀ ਗੁਰਮੰਦਰ ਸਿੰਘ ਪਹੁੰਚੇ ਤੇ ਓਹਨਾਂ ਨੇ ਧਰਨਾਕਾਰੀਆਂ ਨਾਲ ਕੀਤੀ ਤੇ ਮਾਮਲਾ ਜਾਣਿਆਂ। ਉਹਨਾਂ ਨੇ ਪਿੰਡ ਵਾਸੀਆਂ ਨੂੰ ਸਮਝਾਇਆ ਕਿ ਐਸਡੀਐਮ ਤਪਾ ਨੂੰ ਮਿਲ ਲੈਂਦੇ ਹਾਂ ਤੁਸੀਂ ਆਪਣੀ ਮੰਗ ਉਹਨਾਂ ਕੋਲ ਰੱਖੋ।

ਮੌਕੇ ਤੇ ਆਏ ਜਿਲ੍ਹਾ ਸਿੱਖਿਆ ਅਧਿਕਾਰੀ :- ਸਕੂਲ ਨੂੰ ਤਾਲਾ ਲਾਏ ਜਾਂਣ ਦਾ ਪਤਾ ਲਗਦਿਆਂ ਹੀ ਮੌਕੇ ਤੇ ਬਲਾਕ ਸਿੱਖਿਆ ਪ੍ਰਾਇਮਰੀ ਸਕੂਲ ਅਫ਼ਸਰ ਹਰਿੰਦਰ ਸਿੰਘ ਬਰਾੜ ਪਹੁੰਚੇ ਤੇ  ਨੇ ਪਿੰਡ ਵਾਸੀਆਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਮਾਸਟਰ ਮੰਗਲ ਸਿੰਘ ਦੀ ਬਦਲੀ ਜਿੱਥੇ ਪਹਿਲਾਂ ਸੀ ਉੱਥੇ ਕੀਤੀ ਜਾਵੇਗੀ। ਜਿਸ ਤੋਂ ਬਾਦ ਧਰਨਕਾਰੀਆਂ ਨੇ ਸ਼ਾਂਤੀਪੂਰਵਕ ਧਰਨਾ ਖ਼ਤਮ ਕਰਦਿਆਂ ਗੇਟ ਖੋਲ੍ਹ ਦਿੱਤਾ।
ਇਸ ਮੌਕੇ ਮਨਦੀਪ ਸਿੰਘ, ਅੰਮ੍ਰਿਤਪਾਲ ਸਿੰਘ ਚੈਅਰਮੈਨ, ਹਰਬੰਸ ਕੌਰ, ਜਸਵੀਰ ਕੌਰ, ਸੁਖਵੀਰ ਸਿੰਘ, ਜਗਸੀਰ ਸਿੰਘ, ਚਰਨਜੀਤ ਕੌਰ, ਲਖਵੀਰ ਸਿੰਘ ਆਦਿ ਮੋਜੂਦ ਸਨ