ਭਾਰਤੀ ਫੌਜ ਦੇ ਜਵਾਨ ਲੈਣਗੇ ਵੇਰਕਾ ਦੀ ਲੱਸੀ ਦਾ ਸਵਾਦ

ਨਵੀਂ ਦਿੱਲੀ/ਚੰਡੀਗੜ੍ਹ : ਦੇਸ਼ ਦੀਆਂ ਸਰਹੱਦਾਂ ‘ਤੇ ਡਟੇ ਜਵਾਨਾਂ ਨੂੰ ਹੁਣ ਪੰਜਾਬ ਦੀ ਲੱਸੀ ਪੀਣ ਲਈ ਮਿਲੇਗੀ। ਇਸ ਗੱਲ ਦਾ ਖੁਲਾਸਾ ਕਰਦੇ ਹੋਏ ਪੰਜਾਬ ਦੇ ਸਹਿਕਾਰੀ ਵਿਭਾਗ ਦੇ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਦੱਸਿਆ ਕਿ ਵੇਰਕਾ ਪਲਾਂਟ ਦੀ ਲੱਸੀ ਫੌਜ ਨੂੰ ਭੇਜੀ ਜਾਵੇਗੀ। ਸਿਰਫ ਗੁਜਰਾਤ ਨੂੰ ਲੱਸੀ ਨਹੀਂ ਮਿਲੇਗੀ। ਉਨ੍ਹਾਂ ਨੇ ਕਿਹਾ ਦੀ ਇਹ ਠੀਕ ਅਰਥਾਂ ‘ਚ ‘ਜੈ ਜਵਾਨ, ਜੈ ਕਿਸਾਨ ਹਨ।’ ਉਨ੍ਹਾਂ ਨੇ ਕਿਹਾ ਕਿ ਵੇਰਕਾ ਦੀ ਲੱਸੀ ਕਸ਼ਮੀਰ, ਉਤਰਾਖੰਡ, ਲੇਹ- ਲੱਦਾਖ, ਅਰੁਣਾਚਲ ਪ੍ਰਦੇਸ਼,ਮਿਜ਼ੋਰਮ, ਪੰਜਾਬ, ਹਰਿਆਣਾ, ਦਿੱਲੀ, ਉੱਤਰ ਪ੍ਰਦੇਸ਼, ਰਾਜਸਥਾਨ ਅਤੇ ਦੂਜੇ ਰਾਜਾਂ ‘ਚ ਜਿੱਥੇ  ਜਿੱਥੇ ਫੌਜ ਤੈਨਾਤ ਹੈ, ਉੱਥੇ ਜਾਵੇਗੀ।

ਮੌਸਮ ਵਿਭਾਗ ਦੀ ਚੇਤਾਵਨੀ! ਕਿਉਂ ਲੱਗ ਰਿਹੈ ਲੋਕਾਂ ਨੂੰ ਕਰੰਟ ?ਵੀਡੀਓ ‘ਚ ਸੱਚ ਆਇਆ ਸਾਹਮਣੇ, ਸੁਣ ਕੇ ਉੱਡ ਜਾਣਗੇ ਤੋਤੇ!

ਵੇਰਕਾ 9 ਕਰੋੜ ਦੀ ਲੱਸੀ ਸਪਲਾਈ ਕਰੇਗਾ। ਉਨ੍ਹਾਂ ਨੇ ਕਿਹਾ ਕਿ ਪਿਛਲੇ ਸਾਲ ਪੰਜਾਬ  ਦੇ ਵੇਰਕਾ ਪਲਾਂਟਾਂ ਨੇ 7,88,800 ਲਿਟਰ ਲੱਸੀ ਦੀ ਸੇਲ ਕੀਤੀ ਸੀ ਜੋ ਕਿ ਇਸ ਵਾਰ ਵਧਕੇ 16 , 35 , 600 ਲਿਟਰ ਹੋ ਗਈ ਹੈ। ਇਹ ਕਾਫ਼ੀ ਵੱਡੀ ਉਪਲਬਧੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਪੰਜਾਬ ਮਿਲਕਫੈਡ ਵੱਲੋਂ ਬਣਾਈ ਜਾ ਰਹੀ ਦਹੀ, ਆਇਸਕ੍ਰੀਮ ਅਤੇ ਦੂਜੀਆਂ ਵਸਤਾਂ ਦੀ ਵੀ ਬਹੁਤ ਮੰਗ ਹੈ ਅਤੇ ਇਸ ਵਿੱਚ ਬਹੁਤ ਤੇਜੀ ਨਾਲ ਬੜੌਤਰੀ ਹੋ ਰਹੀ ਹੈ। ਵੇਰਕਾ ਮਠਿਆਈ ਬਣਾਉਣ ਦਾ ਕੰਮ ਵੀ ਕਰੇਗਾ।