ਭਾਰਤੀ ਅਮਰੀਕੀ ਵਕੀਲ ਵਨੀਤਾ ਗੁਪਤਾ ਦੇ ਨਾਮਜ਼ਦਗੀ ਲਈ ਸੈਨੇਟ ‘ਚ ਹੋਵੇਗੀ ਵੋਟਿੰਗ
ਵਾਸ਼ਿੰਗਟਨ : ਭਾਰਤੀ ਮੂਲ ਦੇ ਨਾਗਰਿਕ ਅਧਿਕਾਰ ਦੀ ਵਕੀਲ ਵਨੀਤਾ ਗੁਪਤਾ ਦੇ ਐਸੋਸੀਏਟ ਅਟਾਰਨੀ ਜਨਰਲ ਦੇ ਅਹੁਦੇ ‘ਤੇ ਨਾਮਜ਼ਦਗੀ ਦੀ ਪੁਸ਼ਟੀ ਲਈ ਹੋਣ ਵਾਲੀ ਵੋਟਿੰਗ ਦੀ ਪ੍ਰਕਿਰਿਆ ਨੂੰ ਅਗਲੇ ਹਫ਼ਤੇ ਲਈ ਮੁਲਤਵੀ ਕਰ ਦਿੱਤਾ ਗਿਆ ਹੈ। ਹਾਲਾਂਕਿ ਇਸ ਤੋਂ ਪਹਿਲਾਂ ਉਨ੍ਹਾਂ ਦੀ ਉਮੀਦਵਾਰੀ ‘ਤੇ ਕਈ ਘੰਟਿਆਂ ਤੱਕ ਬਹਿਸ ਹੋਈ ਸੀ । ਮਹੱਤਵਪੂਰਨ ਹੈ ਕਿ ਐਸੋਸੀਏਟ ਅਟਾਰਨੀ ਜਨਰਲ ਦਾ ਅਹੁਦਾ ਜਸਟਿਸ ਵਿਭਾਗ ਵਿੱਚ ਤੀਸਰਾ ਸਭ ਤੋਂ ਵੱਡਾ ਅਹੁਦਾ ਹੈ। ਵਿਰੋਧੀ ਰਿਪਬਲਿਕਨ ਮੈਂਬਰਾਂ ਨੇ 46 ਸਾਲਾ ਗੁਪਤਾ ਦੇ ਨਾਮਜ਼ਦਗੀ ਦਾ ਜ਼ੁਬਾਨੀ ਰੂਪ ਤੋਂ ਵਿਰੋਧ ਕੀਤਾ। ਪਿਛਲੇ ਹਫਤੇ ਗੁਪਤਾ ਨੂੰ ਲੈ ਕੇ ਹੋਈ ਬਹਿਸ ‘ਚ ਰਿਪਬਲਿਕਨ ਮੈਂਬਰਾਂ ਨੇ ਉਨ੍ਹਾਂ ਦੇ ਨਾਮਜ਼ਦਗੀ ਦਾ ਵਿਰੋਧ ਕਰਦੇ ਹੋਏ ਉਨ੍ਹਾਂ ਦੇ ਟਵੀਟ ਦਾ ਹਵਾਲਾ ਦਿੱਤਾ ਜਿਨ੍ਹਾਂ ‘ਚ ਰਿਪਬਲਿਕਨ ਮੈਂਬਰਾਂ ਦੀ ਆਲੋਚਨਾ ਕੀਤੀ ਗਈ ਸੀ ।
ਸਿੰਘੂ ਬਾਰਡਰ ‘ਤੇ ਅੱਗ ਲੱਗਣ ਪਿੱਛੇ ਕੀਹਦਾ ਹੱਥ ? ਕਿੱਧਰ ਭੱਜਿਆ ਅੱਗ ਲਾਕੇ ਬੰਦਾ! ਜਾਣੋ ਅੱਖੀਂ ਦੇਖਿਆ ਹਾਲ
ਗੁਪਤਾ ਦੇ ਨਾਮਜ਼ਦਗੀ ਨੂੰ ਮਨਜ਼ੂਰੀ ਲਈ ਵੋਟਿੰਗ ਅਗਲੇ ਹਫਤੇ ਤੱਕ ਮੁਲਤਵੀ ਕਰਨ ਦਾ ਕੋਈ ਕਾਰਨ ਨਹੀਂ ਦੱਸਿਆ ਗਿਆ। ਹਾਲਾਂਕਿ ਸੈਨੇਟ ‘ਚ ਬਹੁਮਤ ਦੇ ਨੇਤਾ ਚੱਕ ਸ਼ੂਮਰ ਨੇ ਭਰੋਸਾ ਜਤਾਇਆ ਕਿ ਵਨੀਤਾ ਗੁਪਤਾ ਐਸੋਸੀਏਟ ਅਟਾਰਨੀ ਜਨਰਲ ਜ਼ਰੂਰ ਬਣੇਗੀ ਅਤੇ ਇਸ ਤਰ੍ਹਾਂ ਉਹ ਇਸ ਅਹੁਦੇ ‘ਤੇ ਵਿਰਾਜਮਾਨ ਹੋਣ ਵਾਲੀ ਪਹਿਲੀ ਅਸ਼ਵੇਤ ਹੋਵੇਗੀ। ਸ਼ੂਮਰ ਨੇ ਕਿਹਾ , ‘‘ਸੈਨੇਟ ਐਸੋਸੀਏਟ ਅਟਾਰਨੀ ਜਨਰਲ ਅਹੁਦੇ ਲਈ ਵਨੀਤਾ ਗੁਪਤਾ ਦੇ ਨਾਮਜ਼ਦਗੀ ‘ਤੇ ਮੋਹਰ ਲਗਾਉਣ ਲਈ ਛੇਤੀ ਹੀ ਵੋਟ ਕਰੇਗਾ। ਪ੍ਰਵਾਸੀ ਪਰਿਵਾਰ ਦੀ ਧੀ ਗੁਪਤਾ ਇਹ ਅਹੁਦਾ ਸੰਭਾਲਣ ਵਾਲੀ ਪਹਿਲੀ ਨਾਗਰਿਕ ਅਧਿਕਾਰਾਂ ਦੀ ਵਕੀਲ ਹੋਵੇਗੀ।’’ ਸ਼ੂਮਰ ਨੇ ਕਿਹਾ ਕਿ ਰਿਪਬਲਿਕਨ ਮੈਂਬਰਾਂ ਦੇ ਵਿਰੋਧ ਦੇ ਬਾਵਜੂਦ ਉਨ੍ਹਾਂ ਦੇ ਨਾਮਜ਼ਦਗੀ ਨੂੰ ਮਨਜ਼ੂਰੀ ਮਿਲੇਗੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
