ਭਦੌੜ ਵਾਲੇ ਅਰਜਨ ਢਿੱਲੋਂ ਦਾ ਚੰਡੀਗੜ੍ਹ ਸ਼ੋ ਹੋਇਆ ਰੱਦ, ਪ੍ਰਬੰਧ ਤੋਂ ਜਿਆਦਾ ਹੋ ਗਿਆ ਸੀ ਇਕੱਠ

ਚੰਡੀਗੜ੍ਹ : ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਵਿੱਚ ਪ੍ਰਸਿੱਧ ਗਾਇਕ ਅਰਜਨ ਢਿੱਲੋਂ ਦਾ ਸ਼ੋ ਵਿਸ਼ਾਲ ਭੀੜ ਕਾਰਨ ਰੱਦ ਕਰਨਾ ਪਿਆ। ਇਹ ਸ਼ੋ ਵਿਦਿਆਰਥੀਆਂ ਲਈ ਆਯੋਜਿਤ ਕੀਤਾ ਗਿਆ ਸੀ, ਪਰ ਉਮੀਦ ਤੋਂ ਕਈ ਵਧ ਗਿਣਤੀ ‘ਚ ਆਉਟਸਾਈਡਰ ਵੀ ਪਹੁੰਚ ਗਏ, ਜਿਸ ਕਰਕੇ ਭੀੜ ਬੇਕਾਬੂ ਹੋ ਗਈ। ਕੰਟਰੋਲ ਤੋਂ ਬਾਹਰ ਭੀੜ: ਪ੍ਰਬੰਧਕਾਂ ਨੇ ਇੰਨੀ ਵੱਡੀ ਗਿਣਤੀ ਦਾ ਅੰਦਾਜ਼ਾ ਨਹੀਂ ਲਗਾਇਆ ਸੀ।  ਬਿਨਾਂ ਟਿਕਟ ਐਂਟਰੀ: ਸ਼ੋ ਮੁਫ਼ਤ ਹੋਣ ਕਰਕੇ ਆਉਣ ਵਾਲਿਆਂ ਦੀ ਕੋਈ ਜ਼ਿਆਦਾ ਚੈਕਿੰਗ ਨਹੀਂ ਹੋਈ। ਪੁਲਿਸ ਅਤੇ ਯੂਨੀਵਰਸਿਟੀ ਪ੍ਰਸ਼ਾਸਨ ਦੀ ਸੁਰੱਖਿਆ ਚੁਣੌਤੀ: ਹਾਲਾਤ ਕੰਟਰੋਲ ਤੋਂ ਬਾਹਰ ਹੋਣ ਕਰਕੇ ਸ਼ੋ ਰੱਦ ਕਰਨਾ ਪਿਆ।ਧੱਕਾ-ਮੁੱਕੀ ਅਤੇ ਅਸੁਰੱਖਿਆ: ਭੀੜ ਕਾਰਨ ਕਈ ਵਿਦਿਆਰਥੀਆਂ ਨੂੰ ਮੁਸ਼ਕਲਾਂ ਆਈਆਂ, ਅਤੇ ਇੱਕ ਬੱਚਾ ਵੀ ਜ਼ਖਮੀ ਹੋਣ ਦੀ ਖ਼ਬਰ ਹੈ।

ਆਪਣੇ ਫੇਸਬੁੱਕ ਤੇ ਵੀਡੀਓ ਪਾ ਅਰਜਨ ਢਿੱਲੋਂ ਨੇ ਸਭ ਤੋਂ ਮਾਫੀ ਮੰਗੀ ਅਤੇ ਭਵਿੱਖ ‘ਚ ਹੋਰ ਵਧੀਆ ਇੰਤਜ਼ਾਮ ਨਾਲ ਸ਼ੋ ਕਰਨ ਦਾ ਵਾਅਦਾ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ “ਇਹ ਕੋਈ ਮਜਾਕ ਨਹੀਂ, ਪਰ ਹਾਲਾਤ ਦੇਖਦੇ ਹੋਏ ਇਹ ਫੈਸਲਾ ਲੈਣਾ ਪਿਆ”।

ਯੂਨੀਵਰਸਿਟੀ ਸ਼ੋ ਮੁੜ ਆਯੋਜਿਤ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਪ੍ਰਸ਼ਾਸਨ ਨੇ ਵਧੀਆ ਇੰਤਜ਼ਾਮਾਂ ਦੇ ਨਾਲ ਨਵੀਂ ਤਰੀਕ ਜਲਦੀ ਐਲਾਨਣ ਦਾ ਵਾਅਦਾ ਕੀਤਾ।