ਬੈਂਕਿੰਗ ਉਦਯੋਗ ਦੇ ਨਿੱਜੀਕਰਨ ਵਿਰੁੱਧ ਆਵਾਜ਼ ਬੁਲੰਦ ਕੀਤੀ

ਚੰਡੀਗੜ੍ਹ: AIBOC ਨਾਲ ਸਬੰਧਤ ਆਲ ਇੰਡੀਆ ਪੀਐਸਬੀ ਆਫੀਸਰਜ਼ ਐਸੋਸੀਏਸ਼ਨ (ਰਜਿਸਟਰਡ) ਦੀ ਮੀਟਿੰਗ ਚੰਡੀਗੜ੍ਹ ਦੇ ਸੈਕਟਰ 43 ਸਥਿਤ ਹੋਟਲ ਪਾਰਕ ਗ੍ਰੈਂਡ ਵਿਖੇ ਹੋਈ। ਮੀਟਿੰਗ ਬੈਂਕਿੰਗ ਉਦਯੋਗ ਦੇ ਨਿੱਜੀਕਰਨ ਵਿਰੁੱਧ ਕੇਂਦਰਿਤ ਸੀ। ਇਸ ਮੌਕੇ ਐਸੋਸੀਏਸ਼ਨ ਦੇ ਆਲ ਇੰਡੀਆ ਪ੍ਰਧਾਨ GS Khera ਨੇ ਆਏ ਹੋਏ ਅਹੁਦੇਦਾਰਾਂ ਅਤੇ ਮੈਂਬਰਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਦੇਸ਼ ਵਿੱਚ ਕਾਰਪੋਰੇਟ ਹਰ ਮੁਨਾਫਾਖੋਰ ਅਦਾਰੇ ਜਿਵੇਂ ਏਅਰਪੋਰਟ, ਰੇਲਵੇ ਅਤੇ ਹੋਰ ਬਹੁਤ ਸਾਰੀਆਂ ਚੀਜ਼ਾਂ ਨੂੰ ਖਰੀਦ ਰਹੇ ਹਨ। ਹੁਣ ਉਨ੍ਹਾਂ ਦੀ ਨਜ਼ਰ ਬੈਂਕਿੰਗ ਉਦਯੋਗ ‘ਤੇ ਹੈ।

ਕਿਸਾਨ ਜਥੇਬੰਦੀਆਂ ਹੋਈਆਂ ਦੋ-ਫਾੜ, ਚੋਣਾਂ ਲੜਨ ’ਤੇ ਭਖ਼ਿਆ ਵਿਵਾਦ ! D5 Channel Punjabi

ਉਨ੍ਹਾਂ ਕਿਹਾ ਕਿ ਦੇਸ਼ ਭਰ ਦੇ ਬੈਂਕਰਾਂ ਨੇ 16 ਅਤੇ 17 ਦਸੰਬਰ ਨੂੰ ਇਸ ਦੀ ਸਖ਼ਤ ਨਿਖੇਧੀ ਅਤੇ ਵਿਰੋਧ ਕਰਦਿਆਂ ਹੜਤਾਲ ਕੀਤੀ ਅਤੇ 9 ਲੱਖ ਦੇ ਕਰੀਬ ਮੁਲਾਜ਼ਮ ਸੜਕਾਂ ‘ਤੇ ਆ ਗਏ। ਅੱਜ ਦੀ ਮੀਟਿੰਗ ਵਿੱਚ 150 ਦੇ ਕਰੀਬ ਮੁਲਾਜ਼ਮਾਂ ਨੇ ਬੜੇ ਉਤਸ਼ਾਹ ਨਾਲ ਭਾਗ ਲਿਆ। GS Khera ਨੇ ਇਸ ਮੌਕੇ ਏਕਤਾ ਦੀ ਲੋੜ ’ਤੇ ਜ਼ੋਰ ਦਿੱਤਾ। ਉਨ੍ਹਾਂ ਯੂਨੀਅਨ ਅਤੇ ਪੰਜਾਬ ਐਂਡ ਸਿੰਧ ਬੈਂਕ ਦੀ ਮੌਜੂਦਾ ਸਥਿਤੀ ਬਾਰੇ ਵੀ ਗੱਲ ਕੀਤੀ।

ਚੋਣਾਂ ਦੇ ਐਲਾਨ ਤੋਂ ਬਾਅਦ ਕਿਸਾਨਾਂ ਦਾ ਹੋਰ ਵੱਡਾ ਧਮਾਕਾ, ਡਰੀਆਂ ਸਿਆਸੀ ਪਾਰਟੀਆਂ | D5 Channel Punjabi

AIBOC ਨੇ ਵੀ ਯੂਨੀਅਨ ਦੀ ਮੀਟਿੰਗ ਵਿੱਚ ਹਿੱਸਾ ਲਿਆ। AIBOC ਦੇ ਬੈਂਕ ਆਫ਼ ਇੰਡੀਆ ਤੋਂ ਕੁਨਾਲ ਮਿੱਤਲ ਅਤੇ ਏਆਈਐਨਬੀਓਐਫ ਤੋਂ Yogesh Kumar (ਕੈਨੇਰਾ ਬੈਂਕ) ਨੇ ਵੀ ਸ਼ਿਰਕਤ ਕੀਤੀ ਅਤੇ ਆਪਣੇ ਵਿਚਾਰ ਪ੍ਰਗਟ ਕੀਤੇ। ਯੂਨੀਅਨ ਆਗੂਆਂ ਭੁਪਿੰਦਰ ਸਿੰਘ, ਹਰੀਸ਼ ਕੁਮਾਰ, ਸ੍ਰੀਮਤੀ ਜੋਤੀ ਡੱਬਾ, ਗੁਰਨੂਰ ਸਿੰਘ ਅਤੇ ਸੁਖਜਿੰਦਰ ਸਿੰਘ ਨੇ ਬੈਂਕਾਂ ਦੇ ਨਿੱਜੀਕਰਨ ਦੀ ਸਖ਼ਤ ਨਿਖੇਧੀ ਕਰਦਿਆਂ ਕਿਹਾ ਕਿ ਅਸੀਂ ਇਸ ਖ਼ਿਲਾਫ਼ ਕੋਈ ਵੀ ਕੁਰਬਾਨੀ ਦੇਣ ਲਈ ਤਿਆਰ ਹਾਂ। ਪੰਜਾਬ ਐਂਡ ਸਿੰਧ ਬੈਂਕ ਦੇ ਚੰਡੀਗੜ੍ਹ ਜ਼ੋਨ ਦੇ ਪ੍ਰਿੰਸੀਪਲ ਜਨਰਲ ਮੈਨੇਜਰ ਪਰਵੀਨ ਮੋਂਗੀਆ ਨੇ ਯੂਨੀਅਨ ਦੀ ਸਫਲ ਮੀਟਿੰਗ ’ਤੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ।