ਬਾਦਲਾਂ ਵਾਂਗ ਹੁਣ ’84 ਲਈ ਮਾਫ਼ੀ ਮੰਗੇਗੀ ਕਾਂਗਰਸ ! (ਵੀਡੀਓ)
ਲੁਧਿਆਣਾ : ਸ਼੍ਰੋਮਣੀ ਅਕਾਲੀ ਦਲ ਨੇ ਆਪਣੇ ਕਾਰਜਕਾਲ ਦੌਰਾਨ ਹੋਈਆਂ ਭੁੱਲਾਂ ਲਈ, ਸ੍ਰੀ ਅਕਾਲ ਤਖ਼ਤ ਸਾਹਿਬ ਜਾ ਕੇ ਮੁਆਫ਼ੀ ਮੰਗੀ, ਤਾਂ ਅਕਾਲੀ ਦਲ ਵਾਂਗ ਹੀ ਅਕਾਲੀ ਦਲ ਵੱਲੋਂ ਮੰਗੀ ਮੁਆਫ਼ੀ ਵੀ ਵਿਰੋਧੀਆਂ ਦੇ ਨਿਸ਼ਾਨੇ ਤੇ ਆ ਗਈ। ਕਾਂਗਰਸ ਪ੍ਰਧਾਨ ਸੁਨੀਲ ਜਾਖੜ, ਸੁਖਪਾਲ ਖਹਿਰਾ, ਅਤੇ ਰਾਜ ਕੁਮਾਰ ਵੇਰਕਾ ਵਰਗੇ ਕਈ ਆਗੂ, ਪਹਿਲਾਂ ਹੀ ਇਸ ਖਿਮਾ ਯਾਚਨਾ ਨੂੰ ਡਰਾਮਾ ਕਰਾਰ ਦੇ ਚੁੱਕੇ ਨੇ ਅਤੇ ਹੁਣ ਮੁਆਫ਼ੀਨਾਮੇ ਤੋਂ ਬਾਅਦ ਲੋਕ ਇਨਸਾਫ ਪਾਰਟੀ ਦੇ ਆਗੂ ਸਿਮਰਜੀਤ ਸਿੰਘ ਬੈਂਸ ਅਤੇ ਬਲਵਿੰਦਰ ਸਿੰਘ ਬੈਂਸ ਨੇ ਇਸ ਪੂਰੇ ਘਟਨਾਕ੍ਰਮ ਨੂੰ ਸ਼ੋਸਾ ਕਰਾਰ ਦਿੱਤਾ ਹੈ। ਸਿਮਰਜੀਤ ਬੈਂਸ ਨੇ ਤਾਂ ਇਥੋਂ ਤੱਕ ਕਹਿ ਦਿੱਤਾ ਕਿ ਅਕਾਲੀਆਂ ਦੀ ਇਹ ਮੁਆਫੀ ਸੋਚੀ ਸਮਝੀ ਸਾਜਿਸ਼ ਹੈ।
Read Also ਪ੍ਰਕਾਸ਼ ਸਿੰਘ ਬਾਦਲ ਨੇ ਮੰਨਿਆ ‘ਸਾਥੋਂ ਹੋਈਆਂ ਭੁੱਲਾਂ’? ਝਾੜੇ ਸੰਗਤਾਂ ਦੇ ਜੋੜੇ
ਜਿਸ ਤਹਿਤ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਹਰਪ੍ਰੀਤ ਸਿੰਘ ਨੂੰ ਨਵਾਂ ਜਥੇਦਾਰ ਥਾਪਿਆ ਗਿਆ ਸੀ। ਉਧਰ ਬਲਵਿੰਦਰ ਸਿੰਘ ਬੈਂਸ ਮੁਤਾਬਕ ਜੇਕਰ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਅਕਾਲੀ ਦਲ ਨੂੰ ਹੁਣ ਮੁਆਫ ਕਰ ਦਿੰਦਾ ਨੇ ਤਾਂ ਕਾਂਗਰਸ ਵੀ 1984 ਘੱਲੂਘਾਰਾ ਲਈ ਇਸ ਤਰ੍ਹਾਂ ਹੀ ਮੁਆਫ਼ੀ ਮੰਗਣ ਦੀ ਹੱਕਦਾਰ ਬਣ ਜਾਵੇਗੀ। ਫਿਲਹਾਲ ਪੂਰੇ ਬਾਦਲ ਪਰਿਵਾਰ ਸਣੇ ਸਮੁੱਚੀ ਅਕਾਲੀ ਲੀਡਰਸ਼ਿਪ ਵੱਲੋਂ ਖਿਮਾ ਯਾਚਨਾ ਮੰਗੀ ਗਈ ਹੈ ਪਰ ਮੁਆਫੀ ਮੰਗਣ ਦੇ ਬਾਵਜੂਦ ਵੀ ਅਕਾਲੀ ਦਲ ਬੁਰੀ ਤਰ੍ਹਾਂ ਘਿਰਦਾ ਨਜ਼ਰ ਆ ਰਿਹਾ ਹੈ। ਹੁਣ ਸਭ ਦੀਆਂ ਸੋਮਵਾਰ ਨੂੰ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਮੌਕੇ ਹੋਣ ਵਾਲੇ ਸਮਾਗਮ ਤੇ ਰਹਿਣਗੀਆਂ ਪਰ ਫਿਲਹਾਲ ਲਈ ਬੈਂਸ ਭਰਾਵਾਂ ਸਣੇ ਤਮਾਮ ਵਿਰੋਧੀ ਅਕਾਲੀ ਦਲ ਨੂੰ ਚੰਗੀ ਤਰ੍ਹਾਂ ਰਗੜੇ ਲਾ ਰਹੇ ਹਨ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
