ਪੰਜਾਬੀ ਗਾਣੇ ‘ਤੇ ਪਿਸਤੌਲ ਲਹਿਰਾਉਂਦੇ ਹੋਇਆਂ ਰੀਲ ਬਣਾ ਰਹੀ ਇੱਕ ਕੁੜੀ ਗ੍ਰਿਫ਼ਤਾਰ

ਬਠਿੰਡਾ ਵਿੱਚ ਇੱਕ ਕੁੜੀ ਦਾ ਪਿਸਤੌਲ ਲਹਿਰਾਉਂਦਿਆਂ ਹੋਇਆਂ ਦੀ ਵੀਡੀਓ ਸਾਹਮਣੇ ਆਈ ਹੈ। ਵੀਡੀਓ ਵਿੱਚ ਕੁੜੀ ਇੱਕ ਪੰਜਾਬੀ ਗਾਣੇ ‘ਤੇ ਪਿਸਤੌਲ ਲਹਿਰਾਉਂਦੇ ਹੋਇਆਂ ਰੀਲ ਬਣਾ ਰਹੀ ਹੈ। ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਤੋਂ ਬਾਅਦ, ਪੁਲਿਸ ਨੇ ਹੁਣ ਕੁੜੀ ਦੀ ਭਾਲ ਸ਼ੁਰੂ ਕਰ ਦਿੱਤੀ

ਅਸਲੇ ਨੂੰ ਪ੍ਰਮੋਟ ਕਰਦੀ ਲੜਕੀ ਦੀਆਂ ਵੀਡੀਓ ਵਾਇਰਲ ਹੋਈਆਂ ਸਨ ਜਿਸ ਦੇ ਆਧਾਰ ਉਤੇ ਬਠਿੰਡਾ ਦੇ ਥਾਣਾ ਸਦਰ ਵੱਲੋਂ ਲੜਕੀ ਨੂੰ ਗ੍ਰਿਫਤਾਰ ਕਰਕੇ ਉਸ ਉੱਪਰ ਅਸਲੇ ਨੂੰ ਪ੍ਰਮੋਟ ਕਰਨ ਦਾ ਮਾਮਲਾ ਦਰਜ ਕੀਤਾ ਗਿਆ। ਇਸ ਦੀ ਜਾਣਕਾਰੀ ਐਸਐਚਓ ਥਾਣਾ ਸਦਰ ਜਸਵਿੰਦਰ ਸਿੰਘ ਨੇ ਦਿੱਤੀ।

ਵੀਡੀਓ ਵਿੱਚ ਕੁੜੀ ਪੰਜਾਬੀ ਗੀਤ “ਗੋਲੀ ਮਹਿੰਗੀ ਬੰਦੇ ਤੱਕ ਦੇ ਰੱਖਣੇ” ‘ਤੇ ਪਿਸਤੌਲ ਲਹਿਰਾਉਂਦੇ ਹੋਏ ਰੀਲ ਬਣਾ ਰਹੀ ਹੈ। ਕੁੜੀ ਨੇ ਸੋਸ਼ਲ ਮੀਡੀਆ ‘ਤੇ ਕਈ ਵੀਡੀਓ ਅਪਲੋਡ ਕੀਤੇ ਹਨ, ਜਿਨ੍ਹਾਂ ਵਿੱਚ ਉਹ ਕਦੇ ਪਿਸਤੌਲ ਲੋਡ ਕਰਦੀ ਦਿਖਾਈ ਦੇ ਰਹੀ ਹੈ ਅਤੇ ਕਦੇ ਹੱਥ ਵਿੱਚ ਐਕਸ਼ਨ ਕਰਦੀ ਦਿਖਾਈ ਦੇ ਰਹੀ ਹੈ। ਬਠਿੰਡਾ ਦੇ ਐਸਪੀ ਸਿਟੀ ਨਰਿੰਦਰ ਸਿੰਘ ਨੇ ਦੱਸਿਆ ਕਿ ਵੀਡੀਓ ਪੁਲਿਸ ਦੇ ਧਿਆਨ ਵਿੱਚ ਆਈ ਹੈ।