ਪ੍ਰਧਾਨ ਮੰਤਰੀ ਤੋਂ ਅਕਸ਼ੈ ਨੇ ਪੁੱਛਿਆ- ਮਾਂ ਦੇ ਨਾਲ ਰਹਿਣ ਨੂੰ ਦਿਲ ਨਹੀਂ ਕਰਦਾ ? ਤਾਂ ਮੋਦੀ ਨੇ ਦਿੱਤਾ ਕੀ ਜਵਾਬ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਬਾਲੀਵੁੱਡ ਆਦਾਕਾਰ ਅਕਸ਼ੈ ਕੁਮਾਰ ਨੂੰ ਦਿੱਤੀ ਪਹਿਲੀ ਗੈਰ ਰਾਜਨੀਤਿਕ ਇੰਟਰਵਿਊ ਵਿਚ ਕਈ ਮੁੱਦਿਆਂ ਉਤੇ ਖੁੱਲ੍ਹ ਕੇ ਚਰਚਾ ਕੀਤੀ। ਅਕਸ਼ੈ ਨੇ ਸੋਸ਼ਲ ਮੀਡੀਆ ‘ਤੇ ਕੁਝ ਅਜਿਹੇ ਵੀਡੀਓਜ਼ ਸ਼ੇਅਰ ਕੀਤੇ ਹਨ ਜਿਸ ਵਿੱਚ ਉਹ ਮੋਦੀ ਦੇ ਅਣਸੁਣੇ ਕਿੱਸਿਆਂ ਨੂੰ ਸਾਹਮਣੇ ਲਿਆਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਇਸ ਇੰਟਰਵਿਊ ਵਿਚ ਪ੍ਰਧਾਨ ਮੰਤਰੀ ਮੋਦੀ ਤੋਂ ਅਕਸ਼ੈ ਕੁਮਾਰ ਨੇ ਪੁੱਛਿਆ ਕੀ ਤੁਹਾਡਾ ਮਨ ਕਰਦਾ ਹੈ ਕਿ ਤੁਹਾਡੀ ਮਾਂ, ਤੁਹਾਡੇ ਭਾਈ, ਤੁਹਾਡੇ ਨਾਲ ਘਰ ਵਿਚ ਰਹਿਣ।

Read Also ਨਵਜੋਤ ਸਿੱਧੂ ਨੇ ਖੋਲ੍ਹੀਆਂ ਮੋਦੀ ਦੀਆਂ ਪੋਲ੍ਹਾਂ ! ਮੋਦੀ ਕਿਉਂ ਬਣਿਆ ਚੌਕੀਦਾਰ ? (ਵੀਡੀਓ)

ਇਸ ਉਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਜੇਕਰ ਮੈਂ ਪ੍ਰਧਾਨ ਮੰਤਰੀ ਬਣਕੇ ਘਰ ਤੋਂ ਨਿਕਲਿਆ ਹੁੰਦਾ ਤਾਂ ਸੁਭਾਵਿਕ ਤੌਰ ਉਤੇ ਮਨ ਹੁੰਦਾ ਕਿ ਉਹ ਰਹਿਣ। ਪ੍ਰੰਤੂ ਜ਼ਿੰਦਗੀ ਦੀ ਛੋਟੀ ਉਮਰ ਵਿਚ ਘਰ ਛੱਡ ਦਿੱਤਾ ਹੈ। ਇਸ ਕਾਰਨ ਜ਼ਿੰਦਗੀ ਅਜਿਹੀ ਸੀ ਕਿ ਪੂਰੀ ਤਰ੍ਹਾਂ ਡਿਟੈਚ ਬਣ ਗਿਆ। ਮੇਰੀ ਟ੍ਰੇਨਿੰਗ ਉਸ ਤਰ੍ਹਾਂ ਨਾਲ ਹੋਈ ਹੈ। ਇਕ ਅਵਸਥਾ ਵਿਚ ਛੱਡਣਾ ਹੋਵੇ ਤਾਂ ਮੁਸ਼ਕਿਲ ਹੁੰਦਾ। ਉਸ ਸਮੇਂ ਛੱਡਿਆ ਤਾਂ ਤਕਲੀਫ ਹੋਈ ਹੋਵੇਗੀ, ਪ੍ਰੰਤੂ ਹੁਣ ਜ਼ਿੰਦਗੀ ਵੈਸੀ ਬਣ ਗਈ ਹੈ।

ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਕਦੇ ਮਾਂ ਨੂੰ ਬੁਲਾ ਲਿਆ ਸੀ ਮੈਂ, ਕੁਝ ਦਿਨ ਲੰਘਾਏ ਮੈਂ। ਮਾਂ ਮੈਨੂੰ ਕਹਿੰਦੀ ਕਿ ਮੇਰੇ ਪਿਛੇ ਕਿਉਂ ਸਮਾਂ ਬਰਬਾਦ ਕਰਦੇ ਹੋ, ਮੈਂ ਇਥੇ ਕੀ ਕਰੂ, ਪਿੰਡ ਵਿਚ ਲੋਕ ਆਉਂਦੇ ਹਨ, ਗੱਲਾਂ ਕਰਦੇ ਹਨ। ਮੈਂ ਵੀ ਸਮਾਂ ਨਹੀਂ ਦੇ ਸਕਿਆ। ਉਨ੍ਹਾਂ ਕਿਹਾ ਕਿ ਜਿੰਨੇ ਦਿਨ ਮਾਂ ਇੱਥੇ ਰਹੀ ਮੈਂ ਸਮਾਂ ਨਹੀਂ ਦੇ ਸਕਿਆ ਸੀ। ਇਸ ਲਈ ਦੁੱਖ ਹੁੰਦਾ ਸੀ ਕਿ ਮੈਂ ਰਾਤ 12 ਵਜੇ ਆ ਰਿਹਾ ਹਾਂ ਤੇ ਮਾਂ ਨੂੰ ਦੁੱਖ ਹੋ ਰਿਹਾ ਹੈ।