ਪੀ. ਚਿਦੰਬਰਮ ਦੇ ਬੇਟੇ ‘ਤੇ ਈਡੀ ਦੀ ਵੱਡੀ ਕਾਰਵਾਈ, ਜ਼ਬਤ ਹੋਈ ਕਰੋੜਾਂ ਦੀ ਜਾਇਦਾਦ

ਨਵੀਂ ਦਿੱਲੀ: ਆਈਐੱਨਐਕਸ ਮੀਡੀਆ ਮਾਮਲੇ ‘ਚ ਈਡੀ ਨੇ ਸਾਬਕਾ ਵਿੱਤ ਮੰਤਰੀ ਪੀ. ਚਿਦੰਬਰਮ ਨੂੰ ਵੱਡਾ ਝਟਕਾ ਦਿੰਦਿਆਂ ਉਨ੍ਹਾਂ ਦੇ ਬੇਟੇ ਕਾਰਤੀ ਚਿਦੰਬਰਮ ‘ਤੇ ਵੱਡੀ ਕਾਰਵਾਈ ਕੀਤੀ ਹੈ। ਈਡੀ ਨੇ ਕਾਰਤੀ ਚਿਤੰਬਰਮ ਦੀ ਭਾਰਤ ਅਤੇ ਵਿਦੇਸ਼ਾਂ ‘ਚ ਮੌਜੂਦ 54 ਕਰੋੜ ਰੁਪਏ ਦੀ ਜਾਇਦਾਦ ਜ਼ਬਤ ਕਰ ਲਈ ਹੈ। ਈਡੀ ਨੇ ਜਿਹੜੀ ਜਾਇਦਾਦ ਜ਼ਬਤ ਕੀਤੀ ਹੈ ਉਸ ‘ਚ ਦਿੱਲੀ ਦੇ ਜੋਰਬਾਗ਼, ਊਟੀ ਅਤੇ ਕੋਡਿਕਨਾ ਦੇ ਬੰਗਲੇ, ਬ੍ਰਿਟੇਨ ਦਾ ਘਰ ਅਤੇ ਬਾਰਸੀਲੋਨਾ ਦੀ ਜਾਇਦਾਦ ਸ਼ਾਮਲ ਹੈ।

Read Also ਚਿਦੰਬਰਮ ਦੀ ਗ੍ਰਿਫ਼ਤਾਰੀ ‘ਤੇ 10 ਜੁਲਾਈ ਤੱਕ ਲੱਗੀ ਰੋਕ

ਈਡੀ ਨੇ ਕਾਰਤੀ ਦੇ ਕਈ ਬੈਂਕ ਅਕਾਊਂਟ ਵੀ ਸੀਲ ਕੀਤੇ ਹਨ। ਕਾਰਤੀ ਚਿਦੰਬਰਮ ਨੇ ਕਿਹਾ ਕਿ ਇਹ ਕਾਰਵਾਈ ਨੂੰ ਹੈੱਡਲਾਈਨ ਬਣਨ ਲਈ ਕੀਤੀ ਗਈ ਹੈ। ਉਨ੍ਹਾਂ ਇਸ ਮਾਮਲੇ ਨੂੰ ਲੀਗਲ ਫੋਰਮ ਅੱਗੇ ਚੁੱਕਣ ਦੀ ਗੱਲ ਕਹੀ ਹੈ। ਜ਼ਿਕਰਯੋਗ ਹੈ ਕਿ ਈਡੀ ਨੇ ਪਿਛਲੇ ਮਈ ਵਿੱਚ ਕਾਰਤੀ ਚਿਦੰਬਰਮ ਵਿਰੁੱਧ ਕੇਸ ਦਰਜ ਕੀਤਾ ਸੀ। ਉਨ੍ਹਾਂ ਦੇ ਇਲਜ਼ਾਮ ਲਾਇਆ ਗਿਆ ਸੀ ਕਿ ਉਨ੍ਹਾਂ ਆਈਐੱਨਐਕਸ ਮੀਡੀਆ ਨੂੰ ਫੋਰਨ ਇਨਵੇਸਟਮੈਂਟ ਪ੍ਰਮੋਸ਼ਨ ਬੋਰਡ (FIPB) ਦੀ ਮੰਜ਼ੂਰੀ ਦਿਵਾਉਣ ਬਦਲੇ 3.5 ਕਰੋੜ ਦੀ ਰਕਮ ਲਈ ਸੀ।