ਪਿੰਡ ਬੰਬੀਹਾ ਦੀ ਮਹਿਲਾ ਸਰਪੰਚ ਦੇ ਘਰ ਪਹੁੰਚੀਆਂ ਨਿਹੰਗ ਜਥੇਬੰਦੀਆਂ, ਹੋਇਆ ਹੰਗਾਮਾ,

ਬਠਿੰਡਾ : ਜ਼ਿਲ੍ਹੇ ਦੇ ਪਿੰਡ ਬੰਬੀਹਾ ਵਿਖੇ ਪੰਚਾਇਤ ਵੱਲੋਂ ਸਰਕਾਰੀ ਪਹੀ ਦੀ ਮਿਣਤੀ ਕਰਵਾਉਣ ਨੂੰ ਲੈ ਕੇ ਸਰਪੰਚ ਤੇ ਫੌਜੀ ਦਾ ਪਰਿਵਾਰ ਆਹਮੋ–ਸਾਹਮਣੇ ਹੋ ਗਏ।ਫੌਜੀ ਗੁਰਪ੍ਰੀਤ ਸਿੰਘ ਦੇ ਬਜ਼ੁਰਗ ਮਾਤਾ ਪਿਤਾ ਨੇ ਸਰਪੰਚ ’ਤੇ ਦੋਸ਼ ਲਗਾਏ ਹਨ ਕਿ ਸਰਪੰਚ ਵੱਲੋਂ ਪਹੀ ਦੀ ਮਿਣਤੀ ਤੋਂ ਬਅਦ ਬੁਰਜ਼ੀ ਲਗਾਉਣ ਸਮੇਂ ਬਜ਼ੁਰਗ ਜੋੜੇ ਨੂੰ ਜਿੱਥੇ ਧੱਕੇ ਮਾਰੇ ਗਏ, ਉਥੇ ਬਜ਼ੁਰਗ ਔਰਤ ਦੇ ਕਰਾਰਾਂ ਦੀ ਵੀ ਬੇਅਦਬੀ ਕੀਤੀ ਗਈ। ਦੂਸਰੇ ਪਾਸੇ ਸਰਪੰਚ ਦੇ ਪਤੀ ਵੱਲੋਂ ਉਨ੍ਹਾਂ ਉਪਰ ਲਗਾਏ ਗਏ ਦੋਸ਼ ਨੂੰ ਬੇਬੁਨਿਆਦ ਤੇ ਝੂਠਾ ਦੱਸਿਆ। ਕਕਾਰਾਂ ਦੀ ਬੇਅਦਬੀ ਦੀ ਵੀਡੀਓ ਸ਼ੋਸ਼ਲ ਮੀਡੀਆਂ ’ਤੇ ਪਾਉਣ ਤੇ ਅੱਜ ਸਿੱਖ ਜਥੇਬੰਦੀ ਦੇ ਆਗੂ ’ਤੇ ਸਾਬਕਾ ਫੌਜੀ ਬਜ਼ੁਰਗ ਜੋੜੇ ਨੂੰ ਇਨਸਾਫ਼ ਦਵਾਉਣ ਲਈ ਪਿੰਡ ਪਹੁੰਚ
ਸ੍ਰੋਮਣੀ ਪੰਥਕ ਅਕਾਲੀ ਦਸਮੇਸ਼ ਤਰਨਾ ਦਲ ਦੇ ਆਗੂ ਜਸਵੰਤ ਸਿੰਘ ਨੇ ਦੱਸਿਆ ਕਿ ਉਹ ਸ਼ੋਸ਼ਲ ਮੀਡੀਆਂ ’ਤੇ ਵੀਡੀਓ ਵੇਖੀ ਸੀ ਜਿਸ ’ਚ ਫੌਜੀ ਪਰਿਵਾਰ ਵੱਲੋਂ ਸਰਪੰਚ ਦੇ ਪਤੀ ’ਤੇ ਕੁੱਟਮਾਰ ਕਰਕੇ ਕਕਾਰਾਂ ਦੀ ਬੇਅਦਬੀ ਕਰਨ ਦੇ ਦੋਸ਼ ਲਗਾਏ ਸਨ। ਉਹ ਇਹ ਵੀਡੀਓ ਵੇਖ ਕੇ ਹੀ ਆਏ ਹਨ। ਉਨ੍ਹਾਂ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਜੇਕਰ ਸਰਪੰਚ ਦੇ ਪਤੀ ਵੱਲੋਂ ਅਜਿਹਾ ਕੀਤਾ ਗਿਆ ਹੈ ਤਾਂ ਉਸ ਵਿਰੁੱਧ ਸਖਤ ਕਾਰਵਾਈ ਕੀਤੀ ਜਾਵੇ। ਪਿੰਡ ਦੀ ਸਰਪੰਚ ਕੁਲਦੀਪ ਕੌਰ ਦੇ ਪਤੀ ਹਰਬੰਸ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਕੰਪਿਊਟਰ ਨਾਲ ਸਰਕਾਰੀ ਰਸਤੇ ਦੀ ਮਿਣਤੀ ਕਰਵਾਈ ਗਈ, ਇਸ ਮਿਣਤੀ ’ਤੇ ਫੌਜੀ ਗੁਰਪ੍ਰੀਤ ਸਿੰਘ ਦੇ ਮਾਤਾ–ਪਿਤਾ ਨੂੰ ਇਤਰਾਜ਼ ਸੀ। ਉਨ੍ਹਾਂ ਵੱਲੋਂ ਕਿਹਾ ਗਿਆ ਕਿ ਉਹ ਮਿਣਤੀ ਦੁਬਾਰਾ ਕਰਵਾ ਸਕਦੇ ਹਨ, ਉਨ੍ਹਾਂ ਨਾਲ ਕੋਈ ਧੱਕਾ ਨਹੀਂ ਕੀਤਾ ਗਿਆ ਅਤੇ ਨਾਂ ਹੀ ਕਕਾਰਾਂ ਦੀ ਬੇਅਦਬੀ ਕੀਤੀ ਗਈ ਹੈ।ਉਨ੍ਹਾਂ ਵੱਲੋਂ ਪਿੰਡ ਦੇ ਹੋਰ ਪੰਜ ਰਸਤਿਆਂ ਦੀ ਵੀ ਮਿਣਤੀ ਕਰਵਾਈ ਗਈ ਹੈ ਕਿਤੇ ਕੋਈ ਰੌਲਾ ਨਹੀਂ ਪਿਆ, ਸਿਰਫ ਇੱਥੇ ਹੀ ਉਕਤ ਫੌਜੀ ਜੋੜੇ ਨੂੰ ਮਿਣਤੀ ’ਤੇ ਇਤਰਾਜ ਹੈ। ਇਸ ਮਾਮਲੇ ਸਬੰਧੀ ਐਸਐਚਓ ਨੰਦਗੜ੍ਹ ਨੂੰ ਫੋਨ ਕੀਤਾ ਗਿਆ ਪਰ ਉਨ੍ਹਾਂ ਦਾ ਸਰਕਾਰੀ ਫੋਨ ਬੰਦ ਆ ਰਿਹਾ ਸੀ।ਡੀਐਸਪੀ ਦਿਹਾਤੀ ਹਰਜੀਤ ਸਿੰਘ ਮਾਨ ਨੇ ਦੱਸਿਆ ਕਿ ਪਿੰਡ ਪੰਚਾਇਤ ਨੇ ਰਾਸਤੇ ਦੀ ਸਰਕਾਰੀ ਤੌਰ ’ਤੇ ਮਿਣਤੀ ਕਰਵਾ ਕੇ ਠੱਡੇ ਲਗਾਏ ਸਨ ਪਰ ਸੁਖਦੇਵ ਸਿੰਘ ਦੇ ਪਰਿਵਾਰ ਨੇ ਠੱਡੇ ਪੁੱਟ ਕੇ ਜਮੀਨ ’ਤੇ ਮੁੜ ਕਬਜਾ ਕਰ ਲਿਆ। ਉਨ੍ਹਾਂ ਦੱਸਿਆ ਕਿ ਇਸ ਮਾਮਲੇ ਵਿਚ ਪੁਲਿਸ ਨੇ ਕੇਸ ਦਰਜ ਕੀਤਾ ਹੈ।