ਪਾਕਿਸਤਾਨ ਖਿਲਾਫ ਮੈਚ ਤੋਂ ਪਹਿਲਾਂ ਭਾਰਤ ਨੂੰ ਵੱਡਾ ਝਟਕਾ, ਪਹਿਲਾ ਮੈਚ ਨਹੀਂ ਖੇਡ ਸਕੇਗੀ ਸਮ੍ਰਿਤੀ ਮੰਧਾਨਾ

ਭਾਰਤੀ ਮਹਿਲਾ ਟੀਮ ਦੀ ਉਪ ਕਪਤਾਨ ਸਮ੍ਰਿਤੀ ਮੰਧਾਨਾ ਦੇ ਐਤਵਾਰ ਨੂੰ ਪਾਕਿਸਤਾਨ ਖਿਲਾਫ ਹੋਣ ਵਾਲੇ ਮਹਿਲਾ ਟੀ-20 ਵਿਸ਼ਵ ਕੱਪ ਦੇ ਪਹਿਲੇ ਮੈਚ ਤੋਂ ਖੁੰਝਣ ਦੀ ਉਮੀਦ ਹੈ। ਕਿਉਂਕਿ ਸਮ੍ਰਿਤੀ ਅਭਿਆਸ ਮੈਚ ਦੌਰਾਨ ਲੱਗੀ ਉਂਗਲੀ ਦੀ ਸੱਟ ਤੋਂ ਅਜੇ ਤੱਕ ਠੀਕ ਨਹੀਂ ਹੋ ਸਕੀ ਹੈ। ਸੋਮਵਾਰ ਨੂੰ ਆਸਟ੍ਰੇਲੀਆ ਖਿਲਾਫ ਖੇਡੇ ਗਏ ਅਭਿਆਸ ਮੈਚ ਦੌਰਾਨ ਫੀਲਡਿੰਗ ਕਰਦੇ ਸਮੇਂ ਹੱਥ ਦੀ ਉਂਗਲ ‘ਚ ਸੱਟ ਲੱਗ ਗਈ ਸੀ। ਖੱਬੇ ਹੱਥ ਦੇ ਇਸ ਬੱਲੇਬਾਜ਼ ਨੇ ਆਸਟ੍ਰੇਲੀਆ ਖਿਲਾਫ ਪਾਰੀ ਦੀ ਸ਼ੁਰੂਆਤ ਕਰਨ ਦੀ ਬਜਾਏ ਤੀਜੇ ਨੰਬਰ ‘ਤੇ ਬੱਲੇਬਾਜ਼ੀ ਕੀਤੀ। ਉਹ ਆਪਣੀ ਪਾਰੀ ਦੌਰਾਨ ਸਿਰਫ਼ ਤਿੰਨ ਗੇਂਦਾਂ ਹੀ ਟਿਕ ਸਕੀ ਸੀ।ਬੰਗਲਾਦੇਸ਼ ਖ਼ਿਲਾਫ਼ ਬੁੱਧਵਾਰ ਨੂੰ ਖੇਡੇ ਗਏ ਦੂਜੇ ਅਭਿਆਸ ਮੈਚ ਵਿੱਚ ਸਮ੍ਰਿਤੀ ਮੰਧਾਨਾ ਨਹੀਂ ਖੇਡੀ ਸੀ। ਕੈਪਟਨ ਹਰਮਨਪ੍ਰੀਤ ਕੌਰ ਦੀ ਸਿਹਤ ਵੀ ਸਵਾਲਾਂ ਦੇ ਘੇਰੇ ਵਿੱਚ ਹੈ। ਪਿਛਲੇ ਹਫਤੇ ਤਿਕੋਣੀ ਸੀਰੀਜ਼ ਚੈਂਪੀਅਨਸ਼ਿਪ ‘ਚ ਦੱਖਣੀ ਅਫਰੀਕਾ ਖਿਲਾਫ ਮੈਚ ਦੌਰਾਨ ਹਰਮਨਪ੍ਰੀਤ ਦੇ ਮੋਢੇ ‘ਤੇ ਸੱਟ ਲੱਗ ਗਈ ਸੀ।ਮੰਧਾਨਾ ਹੈ ਜ਼ਬਰਦਸਤ ਫਾਰਮ ‘ਚ – ਧਿਆਨ ਰਹੇ ਕਿ ਪਿਛਲੇ ਦੋ ਸਾਲਾਂ ‘ਚ ਸਮ੍ਰਿਤੀ ਮੰਧਾਨਾ ਨੇ ਟੀ-20 ਵਿਸ਼ਵ ਕੱਪ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। 2021 ਟੀ-20 ਵਿਸ਼ਵ ਕੱਪ ‘ਚ ਸਮ੍ਰਿਤੀ ਨੇ ਸਿਰਫ 5 ਪਾਰੀਆਂ ‘ਚ 46 ਦੀ ਔਸਤ ਅਤੇ 138 ਦੇ ਸਟ੍ਰਾਈਕ ਰੇਟ ਨਾਲ 235 ਦੌੜਾਂ ਬਣਾਈਆਂ ਸਨ, ਜਿਸ ‘ਚ ਸਮ੍ਰਿਤੀ ਦਾ ਸਰਵੋਤਮ ਸਕੋਰ ਅਜੇਤੂ 83 ਰਿਹਾ ਸੀ। ਇਸੇ ਤਰ੍ਹਾਂ 2022 ਟੀ-20 ਵਿਸ਼ਵ ਕੱਪ ‘ਚ ਸਮ੍ਰਿਤੀ ਨੇ ਆਪਣੀ ਸ਼ਾਨਦਾਰ ਫਾਰਮ ਨੂੰ ਜਾਰੀ ਰੱਖਦੇ ਹੋਏ ਇਕ ਵਾਰ ਫਿਰ ਭਾਰਤ ਲਈ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।ਭਾਰਤੀ ਟੀਮ ਨੂੰ ਇਸ ਦਾ ਬਦਲ ਲੱਭਣਾ ਹੋਵੇਗਾ-  ਸਮ੍ਰਿਤੀ ਮੰਧਾਨਾ ਨੇ ਸਿਰਫ 6 ਪਾਰੀਆਂ ‘ਚ 38 ਦੀ ਔਸਤ ਨਾਲ 228 ਦੌੜਾਂ ਬਣਾਈਆਂ ਸਨ। 144 ਦੀ ਸਟ੍ਰਾਈਕ ਰੇਟ। ਸਮ੍ਰਿਤੀ ਨੇ ਤੇਜ਼ ਦੌੜਾਂ ਬਣਾਉਣ ਦੀ ਆਪਣੀ ਕਾਬਲੀਅਤ ਨਾਲ ਭਾਰਤੀ ਟੀਮ ਨੂੰ ਮੱਧਕ੍ਰਮ ‘ਚ ਖੁੱਲ੍ਹ ਕੇ ਖੇਡਣ ਦੀ ਖੁੱਲ੍ਹ ਦਿੱਤੀ ਹੈ। ਇਸ ਲਈ ਸਮ੍ਰਿਤੀ ਮੰਧਾਨਾ ਦਾ ਪਾਕਿਸਤਾਨ ਖਿਲਾਫ ਪਹਿਲੇ ਮੈਚ ਤੋਂ ਗੈਰਹਾਜ਼ਰੀ ਭਾਰਤੀ ਟੀਮ ਲਈ ਵੱਡਾ ਝਟਕਾ ਹੋ ਸਕਦਾ ਹੈ।