ਮਹਾਰਾਸ਼ਟਰ ਦੇ ਨਾਂਦੇੜ ਵਿੱਚ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਇੱਥੇ ਦੂਜੀ ਜਾਤੀ ਦੀ ਲੜਕੀ ਨਾਲ ਪਿਆਰ ਕਰਨ ਦੀ ਵਜ੍ਹਾ ਕਰਕੇ ਇੱਕ 20 ਸਾਲ ਦੇ ਨੌਜਵਾਨ ਨੂੰ ਆਪਣੀ ਜਾਨ ਗਵਾਉਣੀ ਪਈ। ਲੜਕੀ ਦੇ ਪਿਤਾ ਅਤੇ ਭਰਾਵਾਂ ਨੇ ਪਹਿਲਾਂ ਤਾਂ ਲੜਕੇ ਨੂੰ ਕੁੱਟਿਆ ਫਿਰ ਉਸ ਨੂੰ ਗੋਲੀ ਮਾਰੀ ਅਤੇ ਉਸਦਾ ਸਿਰ ਪੱਥਰ ਨਾਲ ਕੁਚਲ ਦਿੱਤਾ।ਲੜਕੇ ਦੀ ਮੌਤ ਤੋਂ ਬਾਅਦ ਉਸਦੇ ਅੰਤਿਮ ਸੰਸਕਾਰ ਵਿੱਚ ਉਸਦੀ ਪ੍ਰੇਮਿਕਾ ਨੇ ਆਪਣੇ ਮਾਂਗ ‘ਤੇ ਸਿੰਦੂਰ ਲਗਾਇਆ ਅਤੇ ਉਸਦੇ ਘਰ ਵਿੱਚ ਨੂੰਹ ਬਣ ਕੇ ਰਹਿਣ ਦੀ ਕਸਮ ਖਾਧੀ।
ਆਂਚਲ (ਪ੍ਰੇਮਿਕਾ) ਆਪਣੇ ਭਰਾਵਾਂ ਰਾਹੀਂ ਸਸ਼ਕਮ ਨੂੰ ਮਿਲੀ ਅਤੇ ਉਸਦੇ ਘਰ ਅਕਸਰ ਆਉਣ-ਜਾਣ ਨਾਲ ਉਹ ਹੋਰ ਕਰੀਬ ਆ ਗਏ। ਉਨ੍ਹਾਂ ਦੇ ਤਿੰਨ ਸਾਲ ਪੁਰਾਣੇ ਰਿਸ਼ਤੇ ‘ਤੇ ਹਾਲ ਹੀ ਵਿੱਚ ਉਸਦੇ ਪਰਿਵਾਰ ਦਾ ਦਬਾਅ ਪੈਣ ਲੱਗਾ, ਜਿਨ੍ਹਾਂ ਨੇ ਉਨ੍ਹਾਂ ਦੀਆਂ ਜਾਤੀਆਂ ਵਿੱਚ ਅੰਤਰ ਹੋਣ ਦੀ ਵਜ੍ਹਾ ਕਰਕੇ ਉਨ੍ਹਾਂ ਦੇ ਰਿਸ਼ਤੇ ਦਾ ਵਿਰੋਧ ਕੀਤਾ। ਕਈ ਧਮਕੀਆਂ ਦੇ ਬਾਵਜੂਦ ਆਂਚਲ ਨੇ ਸਸ਼ਕਮ ਨਾਲ ਆਪਣਾ ਰਿਸ਼ਤਾ ਜਾਰੀ ਰੱਖਿਆ।ਜਦੋਂ ਆਂਚਲ ਦੇ ਭਰਾਵਾਂ ਅਤੇ ਪਿਤਾ ਨੂੰ ਪਤਾ ਲੱਗਾ ਕਿ ਉਹ ਲੜਕੇ ਨਾਲ ਵਿਆਹ ਕਰਨ ਵਾਲੀ ਹੈ ਤਾਂ ਉਨ੍ਹਾਂ ਨੇ ਵੀਰਵਾਰ ਨੂੰ ਉਸਨੂੰ ਕੁੱਟਿਆ, ਉਸਦੇ ਸਿਰ ਵਿੱਚ ਗੋਲੀ ਮਾਰ ਦਿੱਤੀ ਅਤੇ ਪੱਥਰ ਨਾਲ ਉਸਦਾ ਸਿਰ ਕੁਚਲ ਦਿੱਤਾ।ਜਦੋਂ ਸਸ਼ਕਮ ਦਾ ਅੰਤਿਮ ਸੰਸਕਾਰ ਹੋ ਰਿਹਾ ਸੀ ਆਂਚਲ ਉਸਦੇ ਘਰ ਪਹੁੰਚੀ। ਉਸਨੇ ਸਸ਼ਕਮ ਦੇ ਸਰੀਰ ‘ਤੇ ਹਲਦੀ ਲਗਾਈ, ਮੱਥੇ ‘ਤੇ ਸਿੰਦੂਰ ਲਗਾਇਆ ਅਤੇ ਆਪਣੇ ਮਰੇ ਹੋਏ ਬੁਆਏਫ੍ਰੈਂਡ ਦੀ ਲਾਸ਼ ਨਾਲ ਵਿਆਹ ਕਰ ਲਿਆ। ਫਿਰ ਉਸਨੇ ਆਪਣੀ ਬਾਕੀ ਦੀ ਜ਼ਿੰਦਗੀ ਉਸਦੇ ਘਰ ਵਿੱਚ ਉਸਦੀ ਪਤਨੀ ਦੇ ਤੌਰ ‘ਤੇ ਰਹਿਣ ਦਾ ਫੈਸਲਾ ਕੀਤਾ।ਉਸਨੇ ਪ੍ਰੇਮੀ ਦੇ ਕਾਤਲਾਂ ਲਈ ਮੌਤ ਦੀ ਸਜ਼ਾ ਦੀ ਮੰਗ ਕਰਦੇ ਹੋਏ ਕਿਹਾ, “ਸਸ਼ਕਮ ਦੀ ਮੌਤ ਵਿੱਚ ਵੀ ਸਾਡਾ ਪਿਆਰ ਜਿੱਤ ਗਿਆ ਅਤੇ ਮੇਰੇ ਪਿਤਾ ਤੇ ਭਰਾ ਹਾਰ ਗਏ।” ਲੜਕੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਉਸਨੇ ਉਸ ਨਾਲ ਵਿਆਹ ਇਸ ਲਈ ਕੀਤਾ ਕਿਉਂਕਿ ਭਾਵੇਂ ਉਹ ਮਰ ਚੁੱਕਾ ਹੈ, ਪਰ ਉਨ੍ਹਾਂ ਦਾ ਪਿਆਰ ਅਜੇ ਵੀ ਜ਼ਿੰਦਾ ਹੈ।ਪੁਲਿਸ ਨੇ ਛੇ ਮੁਲਜ਼ਮਾਂ ਖਿਲਾਫ਼ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕਰਕੇ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
