ਪਤਾ ਨਹੀਂ ਸੀ ਕਿ ਉਹ ਅੰਮ੍ਰਿਤਪਾਲ ਸਿੰਘ ਸੀ, ਮੀਡੀਆ ਅੱਗੇ ਬੋਲਿਆ ਜੁਗਾੜੂ ਰੇਹੜਾ ਚਲਾਉਣ ਵਾਲਾ ਡਰਾਈਵਰ

ਨਵੀਂ ਦਿੱਲੀ, 23 ਮਾਰਚ 2023 – ਅੰਮ੍ਰਿਤਪਾਲ ਸਿੰਘ ਦੀ ਪੁਲਿਸ ਵੱਲੋਂ ਭਾਲ ਜਾਰੀ ਹੈ। ਪੁਲਿਸ ਵੱਲੋਂ ਉਸ ਦੀ ਗ੍ਰਿਫ਼ਤਾਰੀ ਲਈ ਲਗਾਤਾਰ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। NDTV ਦੀ ਖ਼ਬਰ ਅਨੁਸਾਰ ਅਮ੍ਰਿਤਪਾਲ ਨੇ ਜੁਗਾੜੂ ਰੇਹੜਾ ਚਲਾਉਣ ਵਾਲੇ ਲਖਬੀਰ ਸਿੰਘ ਕੋਲੋਂ ਮਦਦ ਲਈ ਸੀ। ਡਰਾਈਵਰ ਲਖਬੀਰ ਸਿੰਘ ਨੇ ਦੱਸਿਆ ਕਿ ਉਸ ਨੂੰ ਨਹੀਂ ਪਤਾ ਸੀ ਕਿ ਉਹ ਅੰਮ੍ਰਿਤਪਾਲ ਸਿੰਘ ਹੈ। ਉਸ ਨੇ ਕਿਹਾ ਕਿ ਮੈਂ ਉਸ ਦਿਨ ਆਪਣਾ ਰੇਹੜਾ ਚਲਾ ਰਿਹਾ ਸੀ ਜਦੋਂ ਮੈਨੂੰ ਰੋਕਿਆ ਗਿਆ। ਉਸ ਨੇ ਅੱਗੇ ਦੱਸਿਆ ਕਿ ਦੋ ਜਣੇ ਸਨ, ਉਨ੍ਹਾਂ ਨੇ ਮੈਨੂੰ ਪੁੱਛਿਆ ਕਿ ਪਲਸਰ ਦੀ ਦੁਕਾਨ ਕਿੱਥੇ ਹੈ। ਮੈਂ ਉਨ੍ਹਾਂ ਨੂੰ ਦੱਸਿਆ ਕਿ ਇਹ ਇੱਥੋਂ 5 ਕਿਲੋਮੀਟਰ ਦੂਰ ਹੈ। ਮੈਂ ਉਸਨੂੰ ਮਹਿਤਪੁਰ ਛੱਡ ਦਿੱਤਾ। ਉਸਨੇ ਮੈਨੂੰ 100 ਰੁਪਏ ਕਿਰਾਇਆ ਦਿੱਤਾ। ਦੋਵੇਂ ਵਿਅਕਤੀ ਆਪਸ ਵਿੱਚ ਗੱਲਾਂ ਕਰ ਰਹੇ ਸਨ। ਉਹਨਾਂ ਨੇ ਆਪਣਾ ਭੇਸ ਬਦਲਿਆ ਹੋਇਆ ਸੀ ਜਿਸ ਕਰਕੇ ਉਹ ਉਸ ਨੂੰ ਪਛਾਣ ਨਹੀਂ ਸਕਿਆ।