ਨਵੇਂ ਸਾਲ ਦਾ ਆਗਾਜ਼

ਨਵਾਂ ਸਾਲ ਆ ਗਿਆ,
ਪਰ ਭੇਸ ਅਜੇ ਵੀ ਉਹੀ ਨੇ।
ਖ਼ੁਸ਼ੀ ਨਾਲ ਕਰ ਰਹੇ ਹਾਂ ਨਵੇਂ ਸਾਲ ਦਾ ਆਗਾਜ਼,
ਪਰ ਦੇਸ਼ ਅਜੇ ਵੀ ਉਹੀ ਏ।
ਜਿੱਥੇ ਵਰ੍ਹੀਆਂ ਡਾਂਗਾਂ ਸੀ,
ਜਿੱਥੇ ਲੱਗੇ ਮੋਰਚੇ ਸੀ,
ਕਈ ਮਹੀਨੇ ਬੈਠੇ ਰਹੇ,
ਤੇ ਸਰਕਾਰ ਨੇ
ਮਿੱਠੇ ਲੋਲ੍ਹੀ-ਪੋਪ ਦੇ ਕੇ ਤੋਰ ਤੇ ਸੀ।
ਹੋਵੇ ਅਧਿਆਪਕ, ਕਿਸਾਨ ਜਾਂ ਬਰਗਾੜੀ ਮੋਰਚੇ ਜੀ।
ਜਿਨ੍ਹਾਂ ਦੇ ਸਾਲ 2018 ‘ਚ ਹੋਏ ਪੂਰੇ ਚਰਚੇ ਜੀ।
ਇਨ੍ਹਾਂ ਸਭ ਦੇ ਹੱਕਾਂ ਨੂੰ ਕੌਣ ਜਾਂਦੇ ਖੋਹੀ ਨੇ।
ਖ਼ੁਸ਼ੀ ਨਾਲ ਸਾਲ ਦਾ ਆਗਾਜ਼ ਕਰ ਰਹੇ ਹਾਂ,
ਪਰ ਦੇਸ਼ ਅਜੇ ਵੀ ਉਹੀ ਏੇ।
ਬੱਚਿਆਂ ਨੂੰ ਚੰਗੀ ਵਿੱਦਿਆ ਦੇਣੀ,
ਗ਼ਰੀਬ ਮਾਪਿਆਂ ਦੀਆਂ ਖ਼ਾਹਿਸ਼ਾਂ ਨੇ,
ਪਰ ਕੀ ਕਰਨ ਕਿਸੇ ਵੱਡੇ ਬੰਦੇ ਦੀਆਂ ਚਲਦੀਆਂ ਸਿਫਾਰਿਸ਼ਾਂ ਨੇ।
ਜਿੱਥੇ ਸਕੂਲਾਂ, ਕਾਲਜਾਂ ਦੀਆਂ ਵਧੀਆਂ ਫ਼ੀਸਾਂ ਨੇ,
ਮਾਪੇਂ ਬੱਚੇ ਕਿਵੇਂ ਪੜਾਉਣ ਉਨ੍ਹਾਂ ਦੇ ਦਿਲਾਂ ਚੋਂ ਨਿਕਲਦੀਆਂ ਚੀਸਾਂ ਨੇ।
ਇਨ੍ਹਾਂ ਸਭ ਚੀਜ਼ਾਂ ਤੋਂ ਕਿਵੇਂ ਪੈਣੀ ਠੱਲ੍ਹ ਜੀ।
ਮੰਤਰੀ ਤਾਂ ਆਪਣੇ ਬੱਚਿਆਂ ਨੂੰ ਦੇਂਦੇ ਬਾਹਰ ਘੱਲ ਜੀ।
ਸਿਆਸਤਦਾਨ ਦੇਸ਼ ਨੂੰ ਝੂਠੇ ਲਾਰੇ ਦੇ ਕੇ ਜਾਂਦੇ ਮੋਹੀ ਨੇ।
ਖ਼ੁਸ਼ੀ ਨਾਲ ਸਾਲ ਦਾ ਆਗਾਜ਼ ਕਰ ਰਹੇ ਹਾਂ,
ਪਰ ਦੇਸ਼ ਅਜੇ ਵੀ ਉਹੀ ਏ।
ਜਿੱਥੇ ਧੀਆਂ ਭੈਣਾਂ ਦੀ ਇੱਜ਼ਤ ਸ਼ਰੇਆਮ ਸੜਕਾਂ ਤੇ ਰੁਲਦੀ ਏ,
ਜਦ ਹੋ ਜਾਂਦਾ ਕੋਈ ਕਾਂਡ, ਸਿਆਸਤਦਾਨਾਂ ਦੀ ਅੱਖ ਉਦੋਂ ਖੁੱਲ੍ਹਦੀ ਏ।
ਦੋ ਦਿਨ ਕੈਂਡਲ ਮਾਰਚ, ਧਰਨੇ ਚਲਦੇ, ਬਾਅਦ ਚ ਸਾਰੀ ਦੁਨੀਆ ਭੁੱਲਦੀ ਏ।
ਪਤਾ ਨਹੀਂ ਲਗਦਾ ਕੋਣ ਇੱਥੇ ਅਪਣਾ ਤੇ ਕੋਣ ਦੇਸ਼-ਧ੍ਰੋਹੀ ਏ।
ਖ਼ੁਸ਼ੀ ਨਾਲ ਸਾਲ ਦਾ ਆਗਾਜ਼ ਕਰ ਰਹੇ ਹਾਂ,
ਪਰ ਦੇਸ਼ ਅਜੇ ਵੀ ਉਹੀ ਏ।
ਹੁਣ 2019 ‘ਚ ਪੈਣੀਆਂ ਵੋਟਾਂ ਜੀ।
ਵੋਟਾਂ ਲਈ ਹੁਣ ਸ਼ਰਾਬਾਂ ਤੇ ਪੈਸਾ ਲੱਗਣਾ ਮੋਟਾ ਜੀ।
ਚੱਲਣੀਆਂ ਤਲਵਾਰਾਂ, ਗੋਲੀਆਂ ਤੇ ਪਤਾ ਨਹੀਂ ਕੀਦੇ-ਕੀਦੇ ਲੱਗਣੀਆਂ ਚੋਟਾਂ ਜੀ।
ਸਿਆਸਤਦਾਨ ਸਹੀ ਚੁਣਿਓ ਕਿਤੇ ਨਿਕਲੇ ਨਾ ਪਹਿਲਾ ਵਾਂਗ ਖੋਟਾ ਜੀ।
ਰਜਨੀਤ ਕੌਰ ਦਿਮਾਗ ਤੋਂ ਕੰਮ ਲਈ,
ਤੂੰ ਵੀ ਨਾ ਇਨ੍ਹਾਂ ਚ ਜਾਵੀਂ ਸਮੋਹੀ ਏ।
ਰੱਬ ਨੂੰ ਚੇਤੇ ਕਰਕੇ ਸਾਲ ਦਾ ਆਗਾਜ਼ ਕਰ,
ਕਿਉਂਕਿ ਸਾਰਿਆਂ ਚ ਰੱਬ, ਖ਼ੁਦਾ ਉਹੀ ਏ।
ਅਰਦਾਸ ਕਰ ਤੇ ਸਰਬੱਤ ਦਾ ਮੰਗ ਭਲਾ।
ਨਵੇਂ ਸਾਲ ਦਾ ਆਗਾਜ਼ ਕਰ ਕਹਿ ਕਿ ਬਿਸਮਿੱਲਾ।
ਨਾ ਦੇਖ ਕੋਣ ਕਿਸੇ ਦੇ ਹੱਕ ਜਾਂਦੇ ਖੋਹੀ ਏ।
ਖ਼ੁਸ਼ੀ ਨਾਲ ਸਾਲ ਦਾ ਆਗਾਜ਼ ਕਰ ਰਹੇ ਹਾਂ,
ਪਰ ਦੇਸ਼ ਅਜੇ ਵੀ ਉਹੀ ਏ।
ਰਜਨੀਤ ਕੌਰ
rajneetkaurchauhan06@gmail.com
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.