ਨਗਰ ਨਿਗਮ ਵੱਲੋਂ ਫੋਕਲ ਪੁਆਇੰਟ ’ਤੇ ਸਥਾਪਤ ਐਮ.ਆਰ.ਐਫ ਕੇਂਦਰ ਨੂੰ ਮਾਡਲ ਐਮ.ਆਰ.ਐਫ ਕੇਂਦਰ ‘ਚ ਤਬਦੀਲ ਕਰਨ ਦੀਆਂ ਤਿਆਰੀਆਂ

ਬੂਟੇ ਲਗਾਉਣ ਤੋਂ ਇਲਾਵਾ ਵੇਸਟ ਸਮਾਨ ਤੋਂ ਮਾਡਲ ਤਿਆਰ ਕੀਤੇ ਜਾਣਗੇ

ਪਟਿਆਲਾ:ਇੰਦੌਰ ਮਾਡਲ ਦੀ ਤਰਜ਼ ‘ਤੇ ਸ਼ਹਿਰ ਨੂੰ ਸੁੰਦਰ ਅਤੇ ਸਾਫ਼ ਸੁਥਰਾ ਬਣਾਉਣ ਲਈ ਦਿਨ-ਰਾਤ ਯਤਨਸ਼ੀਲ ਨਿਗਮ ਕਮਿਸ਼ਨਰ ਅਦਿੱਤਿਆ ਉੱਪਲ (ਆਈ.ਏ.ਐਸ.) ਨੇ ਇਕ ਕਦਮ ਅੱਗੇ ਵਧਾਇਆ ਹੈ। ਨਗਰ ਨਿਗਮ ਵੱਲੋਂ ਫੋਕਲ ਪੁਆਇੰਟ ’ਤੇ ਸਥਾਪਤ ਐਮ.ਆਰ.ਐਫ ਕੇਂਦਰ ਨੂੰ ਮਾਡਲ ਐਮ.ਆਰ.ਐਫ ਕੇਂਦਰ ਵਿੱਚ ਤਬਦੀਲ ਕਰਨ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ।

Aghneepath Protest : ਲਓ ਮੋਦੀ ਨੂੰ ਲੱਗਿਆ ਵੱਡਾ ਝਟਕਾ, ਸਰਕਾਰ ਖਿਲਾਫ਼ ਖੜ੍ਹਾ ਹੋਇਆ ਅੰਦੋਲਨ | D5 Channel Punjabi

ਇਸ ਦੇ ਲਈ ਐਮ.ਆਰ.ਐਫ ਸੈਂਟਰ ਵਿੱਚ ਕਈ ਤਰ੍ਹਾਂ ਦੇ ਬੂਟੇ ਲਗਾਉਣ ਸਮੇਤ ਵੇਸਟ ਆਈਟਮਾਂ ਦੀ ਵਰਤੋਂ ਕਰਕੇ ਵੱਖ-ਵੱਖ ਮਾਡਲ ਤਿਆਰ ਕੀਤੇ ਜਾਣਗੇ ਅਤੇ ਸਜਾਏ ਜਾਣਗੇ, ਜੋ ਇਲਾਕਾ ਨਿਵਾਸੀਆਂ ਨੂੰ ਆਕਰਸ਼ਿਤ ਕਰਨਗੇ। ਇਸ ਦੇ ਨਾਲ ਹੀ ਹਰੇਕ ਘਰ ਵਿੱਚ ਗਿੱਲੇ ਅਤੇ ਸੁੱਕੇ ਕੂੜੇ ਨੂੰ ਵੱਖ-ਵੱਖ ਕਰਨ ਲਈ ਸ਼ੁਰੂ ਕੀਤੇ ਪਾਇਲਟ ਪ੍ਰੋਜੈਕਟ ਵਿੱਚ ਪਹਿਲੇ ਪੜਾਅ ਦੌਰਾਨ ਵਾਰਡ ਨੰਬਰ 14, 16, 17 ਅਤੇ 18 ਨੂੰ ਸ਼ਾਮਲ ਕੀਤਾ ਗਿਆ ਸੀ। ਸੋਮਵਾਰ ਨੂੰ ਨਿਗਮ ਕਮਿਸ਼ਨਰ ਨੇ ਵਾਰਡ ਨੰਬਰ 3 ਅਤੇ 41 ਨੂੰ ਪਾਇਲਟ ਪ੍ਰੋਜੈਕਟ ਵਿੱਚ ਸ਼ਾਮਲ ਕਰਕੇ ਦੋਵਾਂ ਵਾਰਡਾਂ ਦਾ ਦੌਰਾ ਕੀਤਾ।

Sidhu Moosewala Murder Case : ਮੋਦੀ ਦੇ ਗੜ੍ਹ ’ਚੋਂ ਮੂਸੇਵਾਲਾ ਦੇ ਕਾਤਲ ਗ੍ਰਿਫ਼ਤਾਰ | D5 Channel Punjabi

ਸੋਮਵਾਰ ਸਵੇਰੇ 7 ਵਜੇ ਨਿਗਮ ਕਮਿਸ਼ਨਰ ਆਦਿਤਿਆ ਉੱਪਲ ਆਪਣੀ ਟੀਮ ਨਾਲ ਭਾਦਸੋਂ ਰੋਡ ਸਥਿਤ ਨਾਰਥ ਐਵੇਨਿਊ ਪਹੁੰਚੇ। ਉਨ੍ਹਾਂ ਨੇ ਘਰ-ਘਰ ਜਾ ਕੇ ਲੋਕਾਂ ਨੂੰ ਗਿੱਲੇ ਅਤੇ ਸੁੱਕੇ ਕੂੜੇ ਨੂੰ ਸੰਭਾਲਣ ਬਾਰੇ ਜਾਗਰੂਕ ਕੀਤਾ। ਇਸ ਦੌਰਾਨ ਉਨ੍ਹਾਂ ਲੋਕਾਂ ਦੀ ਪ੍ਰਸ਼ੰਸਾ ਕੀਤੀ ਜੋ ਪਹਿਲਾਂ ਹੀ ਗਿੱਲੇ ਅਤੇ ਸੁੱਕੇ ਕੂੜੇ ਨੂੰ ਵੱਖ-ਵੱਖ ਢੰਗ ਨਾਲ ਸੰਭਾਲ ਰਹੇ ਹਨ।

Moosewala ਤੋਂ ਬਾਅਦ Davinder Bambiha ਦੇ ਪਿੰਡ ਬੰਬੀਹਾ ‘ਚ ਚੱਲੀਆਂ ਗੋਲੀਆਂ | D5 Channel Punjabi

ਇਸ ਤੋਂ ਬਾਅਦ ਉਨ੍ਹਾਂ ਕੇਂਦਰੀ ਜੇਲ੍ਹ ਦੇ ਨਾਲ ਲੱਗਦੇ ਸੈਮੀ ਅੰਡਰ ਗਰਾਊਂਡ ਬਿਨ ਦਾ ਦੌਰਾ ਕੀਤਾ ਅਤੇ ਜੋਨਟਾ ਕੰਪਨੀ ਦੇ ਕਰਮਚਾਰੀਆਂ ਦੇ ਨਾਲ-ਨਾਲ ਘਰ-ਘਰ ਜਾ ਕੇ ਕੂੜਾ ਚੁੱਕਣ ਵਾਲੇ ਕਰਮਚਾਰੀਆਂ ਨੂੰ ਚੰਗੇ ਕੰਮ ਕਰਨ ਲਈ ਪ੍ਰੇਰਿਤ ਕੀਤਾ। ਨਗਰ ਨਿਗਮ ਕਮਿਸ਼ਨਰ ਨੇ ਕਿਹਾ ਕਿ ਪਾਇਲਟ ਪ੍ਰੋਜੈਕਟ ਤਹਿਤ ਲਏ ਗਏ ਕਿਸੇ ਵੀ ਵਾਰਡ ਵਿੱਚ ਖੁੱਲ੍ਹੇ ਵਿੱਚ ਕੂੜਾ ਨਹੀਂ ਸੁੱਟਣ ਦਿੱਤਾ ਜਾਵੇਗਾ। ਹਰੇਕ ਅਰਧ-ਗਰਾਊਂਡ ਬਿਨ ਦੇ ਆਲੇ-ਦੁਆਲੇ ਹਰਿਆਲੀ ਅਤੇ ਸਫਾਈ ਵਧਾ ਕੇ ਇਨ੍ਹਾਂ ਨੂੰ ਸੁੰਦਰ ਦਿੱਖ ਦਿੱਤੀ ਜਾਵੇਗੀ।