ਧਰਤੀ ਵੱਲ ਨੂੰ ਆ ਰਿਹਾ 23 ਟਨ ਭਾਰ ਵਾਲੇ ਚੀਨੀ ਰਾਕੇਟ ਦਾ ਮਲਬਾ

ਚਾਈਨਾ ਮੈਨਡ ਸਪੇਸ ਏਜੰਸੀ (CSMA) ਨੇ ਮੇਂਗਟੀਅਨ ਮਾਡਿਊਲ ਨਾਲ ਲੌਂਗ ਮਾਰਟ 5ਬੀ ਰਾਕੇਟ ਨੂੰ ਤਿਆਨਗੋਂਗ ਸਪੇਸ ਸਟੇਸ਼ਨ ਲਈ ਲਾਂਚ ਕੀਤਾ ਸੀ। ਰਾਕੇਟ ਦੇ ਵਾਯੂਮੰਡਲ ਵਿੱਚ ਕ੍ਰੈਸ਼ ਅਤੇ ਸੜਨ ਦੀ ਉਮੀਦ ਹੈ, ਪਰ ਕੁਝ ਟੁਕੜੇ ਜ਼ਮੀਨ ‘ਤੇ ਡਿੱਗ ਸਕਦੇ ਹਨ। ਚੀਨ ਦਾ ਪੁਲਾੜ ਮਲਬਾ ਪੂਰੀ ਦੁਨੀਆ ਲਈ ਖ਼ਤਰਾ ਹੈ। ਦੁਨੀਆ ਦੀ ਲਗਭਗ 88 ਫੀਸਦੀ ਆਬਾਦੀ ਖਤਰੇ ‘ਚ ਹੈ। ਚੀਨੀ ਪੁਲਾੜ ਏਜੰਸੀ ਵੱਲੋਂ ਭੇਜਿਆ ਗਿਆ 23 ਟਨ ਦਾ ਰਾਕੇਟ ਲਾਂਚਿੰਗ ਤੋਂ ਬਾਅਦ ਫੇਲ੍ਹ ਹੋ ਗਿਆ ਹੈ ਅਤੇ ਧਰਤੀ ਵੱਲ ਵਾਪਸ ਡਿੱਗ ਰਿਹਾ ਹੈ। ਇਹ ਰਾਕੇਟ ਮੇਂਗਟੀਅਨ ਮਾਡਿਊਲ ਨੂੰ ਲੈ ਕੇ ਸਪੇਸ ਸਟੇਸ਼ਨ ਲਈ ਉੱਡਿਆ। ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਚੀਨੀ ਵਿਗਿਆਨੀ ਰਾਕੇਟ ਨੂੰ ਆਰਬਿਟ ਵਿੱਚ ਨਹੀਂ ਲਗਾ ਸਕੇ, ਜਿਸ ਤੋਂ ਬਾਅਦ ਇਹ ਭਾਰੀ ਰਾਕੇਟ ਧਰਤੀ ਵੱਲ ਡਿੱਗ ਰਿਹਾ ਹੈ। ਇਹ ਪੁਲਾੜ ਸਟੇਸ਼ਨ ‘ਤੇ ਭੇਜਿਆ ਗਿਆ ਦੂਜਾ ਰਾਕੇਟ ਸੀ। ਲਾਂਚ ਦੇ ਛੇ ਦਿਨਾਂ ਬਾਅਦ ਹੀ ਇਸ ਨੇ ਕੰਟਰੋਲ ਗੁਆ ਦਿੱਤਾ। ਰਾਕੇਟ ਦਾ ਕੰਟਰੋਲ ਗੁਆਉਣ ਤੋਂ ਬਾਅਦ ਚੀਨ ਨੇ ਇਸ ਬਾਰੇ ਕਿਸੇ ਨੂੰ ਜਾਣਕਾਰੀ ਨਹੀਂ ਦਿੱਤੀ। ਰਾਹਤ ਦੀ ਗੱਲ ਇਹ ਰਹੀ ਕਿ ਰਾਕੇਟ ਦਾ ਕੁਝ ਹਿੱਸਾ ਹਿੰਦ ਮਹਾਸਾਗਰ ਵਿੱਚ ਡਿੱਗ ਗਿਆ ਸੀ।ਜ਼ਿਆਦਾਤਰ ਰਾਕੇਟ ਸੜ ਗਿਆ ਸੀ। ਇਸ ਦੇ ਬੂਸਟਰ ਅਤੇ ਲਾਂਚਰ ਦੇ ਕੁਝ ਹਿੱਸੇ ਮਲੇਸ਼ੀਆ ਅਤੇ ਇੰਡੋਨੇਸ਼ੀਆ ਸਮੇਤ ਦੱਖਣ-ਪੂਰਬੀ ਏਸ਼ੀਆ ਦੇ ਕੁਝ ਹਿੱਸਿਆਂ ‘ਤੇ ਡਿੱਗੇ ਹੋਏ ਪਾਏ ਗਏ ਸਨ।