ਦੁਨੀਆ ਭਰ ‘ਚ X ਡਾਊਨ

ਮਾਈਕ੍ਰੋਬਲਾਗਿੰਗ ਸਾਈਟ X ਅਚਾਨਕ ਠੱਪ ਹੋ ਗਈ। X ਭਾਰਤ ਵਿੱਚ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 6:07 ਵਜੇ ਤੋਂ ਡਾਊਨ ਹੋ ਗਿਆ। X ਯੂਜ਼ਰਸ ਨੂੰ ਪੋਸਟ ਕਰਨ ਅਤੇ ਰਿਫ੍ਰੈਸ਼ ਕਰਨ ਵਿੱਚ ਸਮੱਸਿਆ ਆ ਰਹੀ ਹੈ। X ਦਾ ਸਰਵਰ ਪੂਰੀ ਦੁਨੀਆ ਭਰ ਵਿੱਚ ਡਾਊਨ ਹੈ।ਡਾਊਨਡਿਟੇਕਟਰ ‘ਤੇ ਰਿਪੋਰਟਾਂ ਦੇ ਅਨੁਸਾਰ, ਆਊਟੇਜ ਨੇ ਖਾਸ ਤੌਰ ‘ਤੇ ਐਂਡਰਾਇਡ ਅਤੇ ਆਈਫੋਨ ‘ਤੇ ਮੋਬਾਈਲ ਉਪਭੋਗਤਾਵਾਂ ਨੂੰ ਪ੍ਰਭਾਵਿਤ ਕੀਤਾ ਹੈ, ਅਤੇ ਡੈਸਕਟੌਪ ਉਪਭੋਗਤਾਵਾਂ ਨੂੰ ਵੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਨ੍ਹਾਂ ਵਿੱਚੋਂ ਕੁਝ ਰਿਪੋਰਟਾਂ ਐਪ ਖੋਲ੍ਹਣ ਨਾਲ ਸਬੰਧਤ ਹਨ, ਜਦੋਂ ਕਿ 38 ਪ੍ਰਤੀਸ਼ਤ ਲੌਗਇਨ ਸਮੱਸਿਆਵਾਂ ਨਾਲ ਸਬੰਧਤ ਹਨ ਅਤੇ 18 ਪ੍ਰਤੀਸ਼ਤ ਉਪਭੋਗਤਾਵਾਂ ਨੇ ਕਿਹਾ ਕਿ ਉਹ ਵੈੱਬਸਾਈਟ ਵੀ ਨਹੀਂ ਖੋਲ੍ਹ ਪਾ ਰਹੇ ਹਨ।