D5 specialNewsPolitics

ਡੇਰਾ ਸਿਰਸਾ ਲਈ ਨਵੀਂ ਮਸੀਬਤ, ਕੇਂਦਰ 350 ਕਰੋੜ ਰੁਪਏ ਦੇ ਟੈਕਸ ਬਕਾਏ ਵਸੂਲੇਗਾ

ਚੰਡੀਗੜ, 14 ਦਸੰਬਰ : ਲੰਬੇ ਸਮੇਂ ਤੋਂ ਵਿਵਾਦਾਂ ਤੇ ਮੁਸੀਬਤਾਂ ਵਿਚ ਘਿਰੇ ਡੇਰਾ ਸੱਚਾ ਸੌਦਾ ਸਿਰਸਾ ਲਈ ਨਵੀਂ  ਮੁਸੀਬਤ ਆਣ ਖੜੀ ਹੈ। ਕੇਂਦਰ ਸਰਕਾਰ ਦੇ ਆਮਦਨ ਕਰ ਵਿਭਾਗ ਨੇ ਇਸ ਵੱਲ 350 ਕਰੋੜ ਰੁਪਏ ਦੇ ਟੈਕਸ ਬਕਾਏ ਕੱਢ ਦਿੱਤੇ ਹਨ ਜਿਹਨਾਂ ਦੀ ਵਸੂਲੀ  ਕੀਤੀ ਜਾਵੇਗੀ।

ਇਹ ਵੀ ਵੇਖੋ : ਸੁਖਬੀਰ ਬਾਦਲ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ! 600 ਡੈਲੀਗੇਟਸ ਦਾ ਇੱਕ ਮੱਤ
ਇਨਕਮ ਟੈਕਸ ਵਿਭਾਗ ਦਾ ਕਹਿਣਾ ਹੈ ਕਿ ਡੇਰਾ ਸਿਰਸਾ ਵੱਲੋਂ ਜੋ ਆਮਦਨ ਕਰ ਰਿਟਰਨਾਂ ਭਰੀਆਂ ਗਈਆਂ ਹਨ, ਉਹਨਾਂ ਦੀ ਪੜਤਾਲ ਦੌਰਾਨ ਹੀ ਇਹ 350 ਕਰੋੜ ਰੁਪਏ ਬਕਾਇਆ ਨਿਕਲਿਆ ਹੈ। ਇਸਦੀ ਵਸੂਲੀ ਲਈ ਵਿਭਾਗ ਨੇ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਤੋਂ ਆਗਿਆ ਮੰਗੀ ਹੈ ਕਿਉਂਕਿ ਮਾਮਲਾ ਅਦਾਲਤ ਦੇ ਵਿਚਾਰ ਅਧੀਨ ਹੈ।
ਇਸ ਮਾਮਲੇ ਵਿਚ  ਹਾਈ ਕੋਰਟ ਨੂੰ ਦੱਸਿਆ ਗਿਆ ਕਿ ਡੇਰੇ ਵੱਲੋਂ ਖਰੀਦੀ ਜ਼ਮੀਨ ਤੇ ਲਗਜ਼ਰੀ ਗੱਡੀਆਂ, ਬੈਂਕਾਂ ਵਿਚ ਜਮਾਂ ਕੈਸ਼ ਦੇ ਵੇਰਵੇ, ਨਗਦ ਜਮਾ  ਕੀਤੇ ਪੈਸੇ ਅਤੇ ਡੇਰੇ ਦੀਆਂ ਕਮਰਸ਼ੀਅਲ ਗਤੀਵਿਧੀਆਂ ਦੀ ਸਾਰੀ ਸਮੀਖਿਆ ਮਗਰੋਂ ਹੀ ਇਹ 350 ਕਰੋੜ ਰੁਪਏ ਦਾ ਬਕਾਇਆ ਸਾਹਮਣੇ ਆਇਆ ਹੈ। ਅਗਸਤ 2017 ਵਿਚ ਹਾਈ ਕੋਰਟ ਨੇ ਡੇਰੇ ਦੀ ਸਾਰੀ ਪ੍ਰਾਪਰਟੀ ਦੀ ਵਿਕਰੀ, ਤਬਾਦਲੇ ਤੇ ਕਿਸੇ ਵੀ ਤਰਾਂ ਦੇ ਲੈਣ ਦੇਣ ‘ਤੇ ਪਾਬੰਦੀ ਲਗਾ ਦਿੱਤੀ ਸੀ।

ਇਹ ਵੀ ਵੇਖੋ : ਸ਼੍ਰੋਮਣੀ ਅਕਾਲੀ ਦਲ ਦਾ ਟੁੱਟੇਗਾ ਕਬਜ਼ਾ ? ਸਮੂਹ ਜਥੇਬੰਦੀਆਂ ਮਨਾਉਣਗੀਆਂ ਸਥਾਪਨਾ ਦਿਵਸ !
ਇਥੇ ਹੀ ਬੱਸ ਨਹੀਂ ਸਗੋਂ ਡੇਰੇ ਤੋਂ ਵੀ ਹੋਰ ਵਸੂਲੀਆਂ ਕੀਤੇ ਜਾਣ ਬਾਰੇ  ਮਾਮਲਾ ਹਾਈ ਕੋਰਟ ਵਿਚ ਸੁਣਵਾਈ ਅਧੀਨ ਹੈ। ਹਰਿਆਣਾ ਸਰਕਾਰ ਨੇ ਦਾਅਵਾ ਕੀਤਾ ਹੈ ਕਿ ਜਦੋਂ ਡੇਰਾ ਮੁਖੀ ਗੁਰਮੀਤ ਰਾਮ ਰਹੀਮ ਨੂੰ ਕੈਦ ਦੀ ਸਜ਼ਾ ਸੁਣਾਈ ਗਈ ਸੀ ਤਾਂ ਉਸ ਵੇਲੇ ਹੋਈ ਸਾੜ ਫੂਕ ਲਈ ਲੋਕਾਂ ਨੇ 18 ਕਰੋੜ ਰੁਪਏ ਮੁਆਵਜ਼ਾ ਸਰਕਾਰ ਤੋਂ ਲਿਆ ਹੈ ਜਦਕਿ ਸਰਕਾਰ ਦੀ ਆਪਣੀ 100 ਕਰੋੜ ਦੀ ਜਾਇਦਾਦ ਦਾ ਨੁਕਸਾਨ ਹੋਇਆ ਹੈ ਜੋ ਸਾਰਾ ਡੇਰੇ ਤੋਂ ਵਸੂਲਿਆ ਜਾਣਾ ਚਾਹੀਦਾ ਹੈ।

Published by Gaganpreet

 

Post Disclaimer

Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.

Related Articles

Back to top button