ਜੰਮੂ – ਕਸ਼ਮੀਰ ਦੇ ਰਾਮਬਨ ‘ਚ ਭਿਆਨਕ ਵਿਸਫੋਟ, 2 ਲੋਕ ਬੁਰੀ ਤਰ੍ਹਾਂ ਨਾਲ ਜਖ਼ਮੀ

ਜੰਮੂ : ਜੰਮੂ – ਕਸ਼ਮੀਰ ਦੇ ਰਾਮਬਨ ਜ਼ਿਲ੍ਹੇ ਦੇ ਬਨਿਹਾਲ ਸ਼ਹਿਰ ਦੇ ਨਜ਼ਦੀਕ ਜ਼ੰਮੂ – ਸ਼੍ਰੀਨਗਰ ਰਾਸ਼ਟਰੀ ਰਾਜ ਮਾਰਗ ‘ਤੇ ‘‘ਵਿਸਫੋਟ’’ ਨਾਲ ਇੱਕ ਨੌਜਵਾਨ ਸਮੇਤ ਦੋ ਲੋਕ ਜਖ਼ਮੀ ਹੋ ਗਏ। ਪੁਲਿਸ ਨੇ ਸ਼ਨੀਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਦੱਸਿਆ ਕਿ ਵਿਸਫੋਟ ਸ਼ੁੱਕਰਵਾਰ ਨੂੰ ਰਾਤ ਕਰੀਬ ਸਵਾ ਗਿਆਰਾਂ ਵਜੇ ਐਮਜੀ ਕੰਸਟ੍ਰਕਸ਼ਨ ਸਾਈਟ ‘ਤੇ ਹੋਇਆ। ਇਸ ਵਿੱਚ ਉਧਮਪੁਰ ਦੇ ਗੋਪਾਲ ਸ਼ਰਮਾ (35) ਅਤੇ ਮੰਗਿਤ ਖਾਰੀ ਦੇ ਮੋਹੰਮਦ ਆਕਿਬ (16) ਜਖ਼ਮੀ ਹੋ ਗਏ। ਜਖ਼ਮੀਆਂ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਹੈ ਅਤੇ ਉਨ੍ਹਾਂ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ।

🔴LIVE| ਸੁਪਰੀਮ ਕੋਰਟ ਦਾ ਅੰਬਾਨੀਆਂ ਨੂੰ ਵੱਡਾ ਝਟਕਾ, ਕਿਸਾਨ ਖੁਸ਼! ਲੋਕ ਸਭਾ ’ਚ ਇੱੱਕ ਹੋਰ ਬਿੱਲ ਪਾਸ

ਪੁਲਿਸ ਨੇ ਕਿਹਾ ਕਿ ਵਿਸਫੋਟ ਦੀ ਵਜ੍ਹਾ ਪਤਾ ਲਗਾਉਣ ਲਈ ਜਾਂਚ ਕੀਤੀ ਜਾ ਰਹੀ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਪੁਲਿਸ ਅਤੇ ਸੁਰੱਖਿਆ ਬਲਾਂ ਨੇ ਤੁਰੰਤ ਪੂਰੇ ਇਲਾਕੇ ਦੀ ਘੇਰਾਬੰਦੀ ਕੀਤੀ। ਵਿਸਫੋਟ ਐਮਜੀ ਕੰਪਨੀ ਦੇ ਦਫ਼ਤਰ ਅਤੇ ਕਰਮਚਾਰੀਆਂ ਦੇ ਨਿਵਾਸ ਥਾਂ ਦੇ ‘ਚ ਹੋਇਆ। ਉਨ੍ਹਾਂ ਨੇ ਇਸ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਕਿ ਲੋਕਾਂ ‘ਚ ਡਰ ਪੈਦਾ ਕਰਨ ਲਈ ਸ਼ੱਕੀ ਅੱਤਵਾਦੀਆਂ ਨੇ ਹਥਗੋਲਾ ਸੁੱਟਿਆ ਹੋਵੇ ਜਿਸਦੇ ਨਾਲ ਇਹ ਵਿਸਫੋਟ ਹੋਇਆ ਹੋਵੇ। ਐਮਜੀ ਕੰਪਨੀ ਬਨਿਹਾਲ ਬਾਈਪਾਸ ਦੀ ਉਸਾਰੀ ਕਰ ਰਹੀ ਹੈ, ਇਹ ਚਾਰ ਲੇਨ ਦੀ ਜੰਮੂ – ਸ਼੍ਰੀਨਗਰ ਰਾਜ ਮਾਰਗ ਪਰਿਯੋਜਨਾ ਦਾ ਹਿੱਸਾ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਪੁਲਿਸ ਨੇ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।