‘ਗਦਰ 2’ ਫਿਲਮ ਦੀ ਸਟੋਰੀ ਲੀਕ

ਸੰਨੀ ਦਿਓਲ ਦੀ ‘ਗਦਰ 2’ ਇਸ ਸਾਲ ਦੀ ਸਭ ਤੋਂ ਉਡੀਕੀ ਜਾਣ ਵਾਲੀ ਫਿਲਮ ਹੈ। ਅਸਲ ਫਿਲਮ ਗਦਰ ਦੀ ਰਿਲੀਜ਼ ਤੋਂ 22 ਸਾਲ ਬਾਅਦ, ਸੰਨੀ ਦਿਓਲ ਤਾਰਾ ਸਿੰਘ ਦੇ ਰੂਪ ਵਿੱਚ ਪਰਦੇ ‘ਤੇ ਵਾਪਸ ਆ ਰਿਹਾ ਹੈ। ਅਜਿਹੇ ‘ਚ ਜਿੱਥੇ ਪ੍ਰਸ਼ੰਸਕ ਸਾਲਾਂ ਤੋਂ ਇਸ ਫਿਲਮ ਦਾ ਇੰਤਜ਼ਾਰ ਕਰ ਰਹੇ ਹਨ, ਉਹ ਇਸ ਫਿਲਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ, ਉਥੇ ਹੀ ਲੋਕਾਂ ਦੇ ਦਿਮਾਗ ‘ਚ ਸਵਾਲ ਹੈ ਕਿ ‘ਗਦਰ 2’ ਦੀ ਕਹਾਣੀ ਕੀ ਹੋਵੇਗੀ? ਕੀ ਇਸ ਵਾਰ ਵੀ ਤਾਰਾ ਸਿੰਘ ਪਾਕਿਸਤਾਨ ਜਾਣਗੇ? ਕੀ ਫਿਲਮ ‘ਚ ਤਾਰਾ ਤੇ ਸਕੀਨਾ ਦਾ ਪਿਆਰ ਫਿਰ ਦਿਖਾਇਆ ਜਾਵੇਗਾ?

ਜ਼ਿਕਰਯੋਗ ਹੈ ਕਿ 26 ਜਨਵਰੀ ਨੂੰ ਸੰਨੀ ਦਿਓਲ ਦੀ ਪਹਿਲੀ ਝਲਕ ਦੇ ਨਾਲ ਹੀ ਫਿਲਮ ਦੀ ਰਿਲੀਜ਼ ਡੇਟ ਵੀ ਸਾਹਮਣੇ ਆਈ ਸੀ। ਫਿਲਮ ‘ਗਦਰ 2’ ਇਸ ਸਾਲ 11 ਅਗਸਤ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ ਅਜਿਹੇ ‘ਚ ਰਿਲੀਜ਼ ਡੇਟ ਦੇ ਆਉਣ ਨਾਲ ਪ੍ਰਸ਼ੰਸਕਾਂ ਦੀ ਬੇਸਬਰੀ ਹੋਰ ਵੀ ਵਧ ਗਈ ਹੈ। ਦੂਜੇ ਪਾਸੇ ਮੀਡੀਆ ਰਿਪੋਰਟਾਂ ਮੁਤਾਬਕ ਫਿਲਮ ‘ਗਦਰ 2’ ਦੀ ਕਹਾਣੀ ਲੀਕ ਹੋ ਗਈ ਹੈ ਅਤੇ ਜੇਕਰ ਸਟੋਰੀ ਲਾਈਨ ਦੀ ਮੰਨੀਏ ਤਾਂ ਤਾਰਾ ਸਿੰਘ ਇਸ ਵਾਰ ਸਕੀਨਾ ਲਈ ਨਹੀਂ ਸਗੋਂ ਆਪਣੇ ਬੇਟੇ ਲਈ ਪਾਕਿਸਤਾਨ ਜਾਣਗੇ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਵਾਰ ਫਿਲਮ ਦੀ ਕਹਾਣੀ 1971 ਦੀ ਭਾਰਤ-ਪਾਕਿ ਜੰਗ ਦੇ ਪਿਛੋਕੜ ‘ਤੇ ਆਧਾਰਿਤ ਹੈ, ਜਿਸ ‘ਚ ਭਾਰਤੀ ਫੌਜ ਦਾ ਸਿਪਾਹੀ ਤਾਰਾ ਸਿੰਘ ਦਾ ਬੇਟਾ ਜੀਤੇ ਕੁਝ ਹਾਲਾਤਾਂ ‘ਚ ਪਾਕਿਸਤਾਨ ‘ਚ ਫਸ ਜਾਂਦਾ ਹੈ। ਅਜਿਹੇ ‘ਚ ਤਾਰਾ ਸਿੰਘ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨ ਤੋਂ ਬਾਅਦ ਆਪਣੇ ਬੇਟੇ ਨੂੰ ਲੈਣ ਪਾਕਿਸਤਾਨ ਜਾਂਦੇ ਹਨ।ਫਿਲਮ ‘ਗਦਰ 2’ ਦੀ ਕਾਸਟ ਦੀ ਗੱਲ ਕਰੀਏ ਤਾਂ ਸੰਨੀ ਦਿਓਲ ਦੇ ਬੇਟੇ ਦਾ ਕਿਰਦਾਰ ਫਿਲਮ ਨਿਰਦੇਸ਼ਕ ਅਨਿਲ ਸ਼ਰਮਾ ਦੇ ਬੇਟੇ ਉਤਕਰਸ਼ ਸ਼ਰਮਾ ਨੇ ਨਿਭਾਇਆ ਹੈ। ਇਸ ਦੇ ਨਾਲ ਹੀ ਅਮੀਸ਼ਾ ਪਟੇਲ ਫਿਲਮ ‘ਚ ਸਕੀਨਾ ਦੇ ਕਿਰਦਾਰ ‘ਚ ਨਜ਼ਰ ਆਵੇਗੀ।