ਕੋਰੋਨਾ ਮਹਾਮਾਰੀ ਦੀ ਦੂਜੀ ਲਹਿਰ ਦੌਰਾਨ ਦੇਸ਼ਭਰ ‘ਚ 730 ਡਾਕਟਰਾਂ ਨੇ ਗਵਾਈ ਆਪਣੀ ਜਾਨ 

ਨਵੀਂ ਦਿਲੀ : ਕੋਰੋਨਾ ਮਹਾਮਾਰੀ ਦੀ ਦੂਜੀ ਲਹਿਰ ਦੌਰਾਨ ਦੇਸ਼ਭਰ ‘ਚ 730 ਡਾਕਟਰ ਸ਼ਹੀਦ ਹੋਏ ਹਨ। ਇੰਡੀਅਨ ਮੈਡੀਕਲ ਐਸੋਸੀਏਸ਼ਨ (IMA) ਨੇ ਬੁੱਧਵਾਰ ਨੂੰ ਦੱਸਿਆ ਕਿ ਇਨ੍ਹਾਂ ‘ਚ ਸਭ ਤੋਂ ਜ਼ਿਆਦਾ 130 ਡਾਕਟਰ ਬਿਹਾਰ ਅਤੇ ਉਸ ਤੋਂ ਬਾਅਦ ਦਿੱਲੀ ‘ਚ 109 ਫਰੰਟਲਾਇਨ ਵਰਕਰ ਮਹਾਮਾਰੀ ਦੀ ਜੰਗ ‘ਚ ਸ਼ਹੀਦ ਹੋਏ ਹਨ। IMA ਮੁਤਾਬਕ ਬਿਹਾਰ ਅਤੇ ਦਿੱਲੀ ਤੋਂ ਬਾਅਦ ਸਭ ਤੋਂ ਜ਼ਿਆਦਾ ਉੱਤਰ ਪ੍ਰਦੇਸ਼ ‘ਚ 79 ਡਾਕਟਰਾਂ ਨੇ ਮਹਾਮਾਰੀ ਦੇ ਦੌਰਾਨ ਆਪਣੀ ਜਾਨ ਗਵਾਈ ਹੈ।

2022 ਦੀਆਂ ਚੋਣਾਂ ਤੋਂ ਪਹਿਲਾਂ ਅਕਾਲੀਆਂ ਨੂੰ ਝਟਕਾ! ਕੁਰਸੀ ਦੀ ਸਿਆਸਤ!ਅਨਮੋਲ ਗਗਨ ਮਾਨ ਦੇ ਖੁਲਾਸੇ

ਰਾਜਸਥਾਨ ‘ਚ 43, ਝਾਰਖੰਡ ‘ਚ 39, ਗੁਜਰਾਤ ‘ਚ 37, ਮਹਾਰਾਸ਼ਟਰ ‘ਚ 23 ਤਾਂ ਉਥੇ ਹੀ ਮੱਧਪ੍ਰਦੇਸ਼ ‘ਚ 16 ਅਤੇ ਛੱਤੀਸਗੜ੍ਹ ‘ਚ 5 ਡਾਕਟਰ ਸ਼ਹੀਦ ਹੋਏ। ਇਸਦੇ ਨਾਲ ਹੀ ਹਰਿਆਣਾ ਅਤੇ ਪੰਜਾਬ ‘ਚ 3 – 3 ਡਾਕਟਰ ਮਹਾਮਾਰੀ ਨਾਲ ਲੜਾਈ ‘ਚ ਕੁਰਬਾਨ ਹੋ ਗਏ। PM ਮੋਦੀ 18 ਜੂਨ ਨੂੰ ਕੋਰੋਨਾ ਫਰੰਟਲਾਇਨ ਵਰਕਰਾਂ ਲਈ ਕਸਟਮਾਈਜ਼ਡ ਕਰੈਸ਼ ਕੋਰਸ ਦੀ ਸ਼ੁਰੂਆਤ ਕਰਨਗੇ। ਕੋਰੋਨਾ ਦੀ ਵਜ੍ਹਾ ਨਾਲ ਵੀਡੀਓ ਕਾਨਫਰਸਿੰਗ ਦੇ ਜ਼ਰੀਏ ਇਸਨੂੰ ਲਾਂਚ ਕੀਤਾ ਜਾਵੇਗਾ। ਇਸਦੇ ਤਹਿਤ 26 ਰਾਜਾਂ ‘ਚ 111 ਕੇਂਦਰ ਖੋਲ੍ਹੇ ਜਾਣਗੇ। ਦੇਸ਼ ਭਰ ਦੇ ਇੱਕ ਲੱਖ ਕੋਵਿਡ ਯੋਧਿਆਂ ਦੀ ਪ੍ਰਤਿਭਾ ਅਤੇ ਹੁਨਰ ਨੂੰ ਵਧਾਉਣ ਲਈ ਇਸ ਕੋਰਸ ਦੀ ਸ਼ੁਰੂਆਤ ਕੀਤੀ ਜਾ ਰਹੀ ਹੈ ।