ਕੋਰੋਨਾ ਕਾਲ ਨਾ ਹੁੰਦਾ ਤਾਂ ਦੀਵਾਲੀ ਦਾ ਇਸ ਅੰਦਾਜ਼ ‘ਚ ਜਸ਼ਨ ਮਨਾਉਂਦਾ ਬਾਲੀਵੁਡ

ਮੁੰਬਈ : ਬਾਲੀਵੁੱਡ ‘ਚ ਵੱਡੀਆਂ-ਵੱਡੀਆਂ ਪਾਰਟੀਆਂ ਦੀ ਰਿਵਾਇਤ ਕਾਫ਼ੀ ਆਮ ਹੈ। ਹੋਲੀ ਤੋਂ ਲੈ ਕੇ ਦੀਵਾਲੀ ਤੱਕ, ਕਈ ਤਿਉਹਾਰਾਂ ‘ਤੇ ਪੂਰਾ ਬਾਲੀਵੁੱਡ ਨਾਲ ਆਉਂਦਾ ਹੈ। ਬਾਲੀਵੁਡ ਦੇ ਕਈ ਅਜਿਹੇ ਪਰਿਵਾਰ ਹਨ ਜੋ ਹਰ ਸਾਲ ਵੱਡੀਆਂ – ਵੱਡੀਆਂ ਪਾਰਟੀਆਂ ਕਰਦੇ ਹਨ ਪਰ ਇਸ ਸਾਲ ਦੀਵਾਲੀ ‘ਤੇ ਬਾਲੀਵੁਡ ਸ਼ਾਂਤ ਹੈ। ਕੋਰੋਨਾ ਨੇ ਸਾਰਿਆਂ ਨੂੰ ਘਰ ‘ਚ ਰਹਿਣ ਨੂੰ ਮਜ਼ਬੂਰ ਕਰ ਦਿੱਤਾ ਹੈ।ਪਰ ਪਿਛਲੇ ਸਾਲ ਦੀਆਂ ਇਹ ਤਸਵੀਰਾਂ ਗਵਾਹ ਹਨ ਕਿ ਬਾਲੀਵੁਡ ਨੇ ਦੀਵਾਲੀ ਜ਼ਬਰਦਸਤ ਅੰਦਾਜ਼ਵਿੱਚ ਮਨਾਈ ਸੀ। ਸਾਰਿਆਂ ਨੇ ਖੂਬ ਮਸਤੀ ਕੀਤੀ ਸੀ।

ਬਾਲੀਵੁਡ ਪਾਰਟੀਆਂ ‘ਚ ਫਿਲਮ ਇੰਡਸਟਰੀ ਦੀਆਂ ਟਾਪ ਅਭਿਨੇਤਰੀਆਂ ਵੀ ਹਰ ਵਾਰ ਸ਼ਿਰਕਤ ਕਰਦੀਆਂ ਸਨ। ਉਨ੍ਹਾਂ ਦਾ ਸਵੈਗ ਤਾਂ ਹਰ ਪਾਰਟੀ ਦੀ ਜਾਨ ਬਣਦਾ ਹੈ। ਪਿਛਲੇ ਸਾਲ ਅਜਿਹੀ ਹੀ ਇੱਕ ਪਾਰਟੀ ‘ਚ ਤਾਪਸੀ ਪੰਨੂ ਅਤੇ ਭੂਮੀ ਪੈਡਨੇਕਰ ਨੂੰ ਦੇਖਿਆ ਗਿਆ ਸੀ। ਟੀਵੀ ਕੁਵੀਨ ਏਕਤਾ ਕਪੂਰ ਤਾਂ ਹਰ ਸਾਲ ਦੀਵਾਲੀ ‘ਤੇ ਲੈਵਿਸ਼ ਪਾਰਟੀ ਕਰਦੀ ਹੈ। ਇਸ ਸਾਲ ਵੀ ਉਨ੍ਹਾਂ ਨੇ ਛੋਟੀ ਪਾਰਟੀ ਆਰਗਨਾਇਜ ਕੀਤੀ ਹੈ ਪਰ ਪਿਛਲੇ ਸਾਲ ਉਨ੍ਹਾਂ ਦੇ ਪੂਰੇ ਪਰਿਵਾਰ ਨੇ ਇਸ ਤਿਉਹਾਰ ਨੂੰ ਅਲੱਗ ਹੀ ਅੰਦਾਜ਼ ‘ਚ ਮਨਾਇਆ ਸੀ। ਤਸਵੀਰ ‘ਚ ਜਿਤੇਂਦਰ ਸੰਗ ਤੁਸ਼ਾਰ ਕਪੂਰ ਅਤੇ ਏਕਤਾ ਕਪੂਰ ਨਜ਼ਰ ਆ ਰਹੀ ਹੈ।

ਹਮੇਸ਼ਾ ਐਨਰਜੀ ਨਾਲ ਭਰੇ ਰਹਿਣ ਵਾਲੇ ਕਾਰਤਿਕ ਆਰੀਅਨ ਹਰ ਪਾਰਟੀ ‘ਚ ਜਾਨ ਪਾ ਦਿੰਦੇ ਹਨ। ਬਾਲੀਵੁਡ ਦੀ ਹਰ ਵੱਡੀ ਪਾਰਟੀ ‘ਚ ਉਨ੍ਹਾਂ ਦੀ ਹਾਜ਼ਰੀ ਜ਼ਰੂਰ ਦਰਜ ਕਰਵਾਈ ਜਾਂਦੀ ਹੈ। ਅਜਿਹੇ ‘ਚ ਪਿਛਲੇ ਸਾਲ ਵੀ ਦਿਵਾਲੀ ਦੇ ਮੌਕੇ ‘ਤੇ ਅਦਾਕਾਰ ਨੇ ਕਾਫ਼ੀ ਇਨਜੁਆਏ ਕੀਤਾ ਸੀ। ਬਿਜਨੈਸਮੈਨ ਮੁਕੇਸ਼ ਅੰਬਾਨੀ ਦਾ ਫਿਲਮ ਇੰਡਸਟਰੀ ਨਾਲ ਗਹਿਰਾ ਨਾਤਾ ਰਿਹਾ ਹੈ। ਉਨ੍ਹਾਂ ਨੇ ਕਈ ਵੱਡੀ ਪਾਰਟੀ ਆਰਗਨਾਇਜ ਕੀਤੀਆਂ ਹਨ। ਅਜਿਹੇ ‘ਚ ਮੁਕੇਸ਼ ਅੰਬਾਨੀ ਦੀ ਹਰ ਪਾਰਟੀ ‘ਚ ਬਾਲੀਵੁਡ ਦੇ ਵੱਡੇ ਸਿਤਾਰੇ ਦੇਖਣ ਨੂੰ ਮਿਲਦੇ ਹਨ। ਪਿਛਲੇ ਸਾਲ ਦੀਵਾਲੀ ਮੌਕੇ ‘ਤੇ ਅਭਿਸ਼ੇਕ ਬੱਚਨ ਨੇ ਵੀ ਉਨ੍ਹਾਂ ਦੀ ਪਾਰਟੀ ਅਟੈਂਡ ਕੀਤੀ ਸੀ।

ਮੁਕੇਸ਼ ਅੰਬਾਨੀ ਨੇ ਨਿਊ ਈਅਰ ਤੋਂ ਲੈ ਕੇ ਦੀਵਾਲੀ ਤੱਕ, ਹਰ ਮੌਕੇ ‘ਤੇ ਵੱਡੀ ਪਾਰਟੀ ਦਾ ਪ੍ਰਬੰਧ ਕੀਤਾ ਹੈ। ਉਹ ਆਪਣੀ ਵਿਅਸਤ ਜਿੰਦਗੀ ਤੋਂ ਸਮਾਂ ਕੱਢਦੇ ਹੋਏ ਹਮੇਸ਼ਾ ਬਾਲੀਵੁਡ ਨਾਲ ਖੂਬ ਇਨਜੁਆਏ ਕਰਦੇ ਹਨ। ਉਨ੍ਹਾਂ ਦੀ ਪਤਨੀ ਨੀਤਾ ਅੰਬਾਨੀ ਵੀ ਹਮੇਸ਼ਾ ਇਸ ਪਾਰਟੀਆਂ ‘ਚ ਦਿੱਖ ਜਾਂਦੀ ਹੈ। ਅਦਾਕਾਰ ਰਿਸ਼ੀ ਕਪੂਰ ਹੁਣ ਜ਼ਰੂਰ ਸਾਡੇ ਵਿੱਚ ਨਹੀਂ ਹਨ ਪਰ ਜਦੋਂ ਤੱਕ ਉਹ ਜ਼ਿੰਦਾ ਸਨ। ਉਨ੍ਹਾਂ ਨੇ ਇੱਕ ਜਿੰਦਾਦਿਲ ਜਿੰਦਗੀ ਗੁਜ਼ਾਰੀ ਸੀ। ਉਹ ਬਾਲੀਵੁਡ ਦੀ ਹਰ ਪਾਰਟੀ ‘ਚ ਖੂਬ ਮਸਤੀ ਕਰਦੇ ਸਨ।

ਦੀਵਾਲੀ ਪਾਰਟੀ ਦੀ ਇਸ ਫੋਟੋ ‘ਚ ਉਹ ਆਪਣੀ ਪਤਨੀ ਨੀਤੂ ਕਪੂਰ ਨਾਲ ਨਜ਼ਰ ਆ ਰਹੇ ਹਨ। ਫੋਟੋ ‘ਚ ਉਨ੍ਹਾਂ ਦੀ ਧੀ ਰਿੱਧਿਮਾ ਵੀ ਨਜ਼ਰ ਆ ਰਹੀ ਹੈ। ਬਾਲੀਵੁਡ ਦੇ ਕਿੰਗ ਖਾਨ ਆਪਣੇ ਆਪ ਤਾਂ ਕਈ ਪਾਰਟੀ ਆਰਗਨਾਇਜ ਕਰਦੇ ਹੀ ਹਨ ਪਰ ਉਹ ਕਈ ਪਾਰਟੀਆਂ ਦੀ ਸ਼ੋਭਾ ਵੀ ਵਧਾਉਂਦੇ ਹਨ। ਅਦਾਕਾਰ ਦੀਵਾਲੀ ਤੋਂ ਲੈ ਕੇ ਹੋਲੀ ਤੱਕ ਹਰ ਤਿਉਹਾਰ ਨੂੰ ਖੁੱਲ੍ਹਕੇ ਮਨਾਉਂਦੇ ਹਨ। ਪਾਰਟੀ ‘ਚ ਉਨ੍ਹਾਂ ਦਾ ਲਾਇਮਲਾਇਟ ਲੁੱਟਣਾ ਤਾਂ ਹੁਣ ਆਮ ਗੱਲ ਹੋ ਗਈ ਹੈ।